وصفة les gateaux sec من محل الحلويات

[yarasmin.26]

اسفة على التأخير حبيبات عمري اليوم نعطيكم وصفة les gateaux sec ولكن ارجو التقيد بالمعلومات لانه حلوى حساسة اي محل حلويات مايكثرش منها لانه تعذبو شوية ولي ايقول العكس اعرفوه بلي راه....... المهم نبداو بالمقادير 1 كلغ فرينة+500 غ سكرالقلاصي+10 بيض 500غ مارغرين 10 غ خمارة الحلوى+30 غ لفاني+كاس مايزينة ضربي الزبدة+ السكر بسرعة02 حتى تصبح كريمة ثم اضيفي البيض غير ب2 حتى الانسجام والتداخل بسرعة03 +كاس مايزينة وتروكيه يتداخل بالباتوغ مدة الاختلاط10 د منبعد اضيفي الفرينة +لفاني+الخمارة حتى تصبح عجينة طرية ضعيها في كيس حلواني وصنعي وردات+ خط بطول6 او7 سم حتى تكملي العجينة في الفرن ساخن يطهى حتى يحمار خرجيه كي يبرد اغطسي احد الجوانب في الشكولاطة اولااسراره*ماتتقلقيش كي تكوني اديري فيه لانه المرحلة الزبدة+السكر تكون اطول بالباتوغ مليح الي عندها الة العجن *قدما طولتي فيه وانت تخدمي ايجيك هايل*مدة الطهي مانقدرش انمدهلكم لانه كل واحد والفرن انتاعو المهم من الاحسن كوشة الحديد الي انطيبو فيها الخبز*ولي معندهاش كوشة الحديد ديروه في الكوشة عادي وعسيه باه ماينحرقش* مراعة السرعة اكيدة مازيدي ماتنقصي *astuse*سي حبة واحدة في سنوى اذا شفتي انحلك اضيفي المايزينة وهذي هي السر انتاعو*الفرن ساخن 200 درجة او كل واحد والفرن انتاعو المهم يحمار وقدما يشد روحو بالتوفيق للجميع مشي خسارة فيكم الوصفات تستهلو راكم في القمة تحياتي لكم اذا حبيتو اي وصفة قولولي وشكرا

[وفاء20]

باين بلي بنين ماعليهش تحطينا الصورة نشوفوها

[habiba12]

الله يوفقك ويكملك ماراك متمنية انشاء الله انشاء الله

[Nadjet10]

ممكن الصورة رجاء للحكم اكثر يلا يابنات اعطوها رايكم

[sasafede]

شكرا حنونة ممكن وصفة المرانغ ارجوكي حنونة

[sasafede]

اختي النار كيفاش اتكون متوسطة ومن الفوق و التحت

[mimina88]

يعطيك الصحة حنونة

[sisi 26]

بارك الله فيك

[goumar]

شكرا ديريلنا الكريمه نتاع الميلفاي ماشي بتيسيار الاخرى تجي بالمايزينه ومشكوره

[*ام رامي*]

ربي يعطيك ما تتمناي حنونة
حبيت نستفسر فقط
هناك محلات القاطو نتاعهم يابس وهناك محلات القاطو نتاعهم هشوش وبنين بزاااف
هذا القاطو يجي هشوش ؟؟؟
نقدر نستعمل البيترا مكان الباتور ؟؟

[chaima02130]

بوووووووووووووووركت حنونة.

[yarasmin.26]

النارسخونة200 درجة كل واحد والفرن انتاعو امهم سخون قدما يحمار ويشد روحو

[liliane24]

شكرا أختي بارك الله فيك، و يعطيك ما تتمناي.

[لبنى 16]

بارك الله فيك .

[بنت مسلمة]

شكرا اختي على كل ها المجهود