الخبز التقليدي صور مباشرة من الكوشة

عُضو مُحترم · 2012-03-16, 22:17

السلام عليكم و رحمة الله

اليوم جبتلكم صور طازجة و ساخنة مباشرة

من الكوشة ( الفرن التقليدي)

( في دارنا للتوضيح)

و هو يشبه القبة

مصنوع من الحجارة المكسية بالطين

يحتفظ بالحرارة الناتجة عن حرق الخشب و غيره

نرجعو للخبز التقليدي

فبعد العجن و التخمر نضعه في الكوشة

و هو الآن في مرحلة النضج و ليس ناضج تماما

بعيدة الخبزة ياك؟؟؟؟

و النتيجة الرائعة في الاخيرة خبز شهي و لذيذ

نخليكم مع الصور

مع العلم ان الخبز الموجود على الطاولة هو خبزنا اليومي تقريبا

و حتى اثناء تساقط الثلوج كانت الناس تتزاحم على المخابز

حنا الحمد لله ناكلوها سخونة

و هو ناضج

و لكن امي تمنعنا من اكله مباشرة ساخن

و تقوللنا اصبرو دقيقة حتى يشهّد

شوف احترام الامهات لنعمة الخبز

يعطوه فرصة للتشهد ....

واش رايكم ؟؟؟؟

===========

يوسُف سُلطان · 2012-03-16, 22:35

..أنا أوّل ضحيّة لإشهاركَ

اقتباس:

و تقوللنا اصبرو دقيقة حتى يشهّد

..شوف النِّيَّة تاع الوالدين ، سبحان الله
ربّي يطوّل عمرها ، ويقّدرك على البَرِّ بها .
أفكِّر كاش نهار نجوز عليكْ ، كاش ما تصدّق علينا خُبزة ..
قولي برك على قدّاش يَوْجَد ؟

عُضو مُحترم · 2012-03-16, 22:45

اقتباس:

المشاركة الأصلية كتبت بواسطة يوسُف سُلطان

..أنا أوّل ضحيّة لإشهاركَ

..شوف النِّيَّة تاع الوالدين ، سبحان الله
ربّي يطوّل عمرها ، ويقّدرك على البَرِّ بها . اللهم آمين
أفكِّر كاش نهار نجوز عليكْ ، كاش ما تصدّق علينا خُبزة .. مرحبا يوسف
قولي برك على قدّاش يَوْجَد ؟

مرحبا

الآن بما اننا في الربيع و نهاية الشتاء

يوجد بين 10:30 - 11 على اقصى تقدير

في الصيف لما تكون السخانة يوجد بكري

يلزم تشعل الكوشة قبل ما تشتد الشمس

يعني 9 - 10 يكون واجد باذن الله

في رمضان يوجد ساعة الى نصف ساعة قبل الافطار

و ياااااا يوسف خويا

على الكسرة تاع رمضان بالحبّة الطيبة

مع الحريرة

==========

المهم نهار تجي جيب معاك فارس و مول الباش

geroise · 2012-04-11, 20:15

شكرا على الموضوع

عُضو مُحترم · 2012-04-17, 18:33

اقتباس:

المشاركة الأصلية كتبت بواسطة geroise

شكرا على الموضوع

العفو

شُكرا لك اختي

bafi · 2012-04-17, 20:50

وعلاش مقلق

عُضو مُحترم · 2012-04-17, 21:32

اقتباس:

المشاركة الأصلية كتبت بواسطة bafi

وعلاش مقلق

شكون قال بلي راني مقلّق

راني نورمال

يوسُف سُلطان · 2012-03-16, 22:49

..علاش راك تبعَّد في الحالة ،
وين رانا وين راهو سيدنا رمضان
مازال قوجا ربعَ شهور .
هاذ اليامات اني جاي لأمّ الدروع ،
ألوغ كتّر حبّة الطيبة

عُضو مُحترم · 2012-03-16, 23:02

اقتباس:

المشاركة الأصلية كتبت بواسطة يوسُف سُلطان

..علاش راك تبعَّد في الحالة ،
وين رانا وين راهو سيدنا رمضان
مازال قوجا ربعَ شهور .
هاذ اليامات اني جاي لأمّ الدروع ،
ألوغ كتّر حبّة الطيبة

هههه انا برك اعطيتلك الجو العام

كي تجي عيط لفارس و هو يقوللي

او خذ رقمي من عندو

و اتصل نستقبلك

مرحبا بيك خويا العزيز

وردة أمل · 2012-03-16, 23:17

يعطيك الصحة,,,,حتى أنا هذا واش نبغي خصوصا كي نجي من الجامعة ما نحبش نشوف الخبز خلاااااااااااص

الكسرة جات هايلة ,,,,,,,الله يبارك,,,,,أنا ما تخرجليش طالعة كيما هكذا...........جيبلي الوصفة السرية ...........هههههههههههه