خبيزات السلق والجبن الدرس رقم 9

islam1aya · 2012-01-28, 12:07

السلام عليكن اخواتي

لحظــــات مخــــــبـــرية فــــي الفـــنـون المــطـبــــخـية

الدرس رقم 9

خبيزات السلق والجبن

مقادير الحشو

ربطة سلق
5سنينات ثوم
ملعقة صغيرة طماطم مصبرة
فلفل عكري
ملح
فلفل اسود
راس الحانوت
قصبر مطحون
كمون
2 ملاعق زيت
ماء
جبن

مقادير العجينة

2 كوب فرينة شوب تع القهوة
كاس شاي زيت
ملح
2 قرصات خميرة الحلوة
القليل من الماء لجمع العجينة

زيت للقلي
بياض بيض لتثبيت الخبيزات

طريقة التحضير
نغسل السلق جيدا ثم نقطعوه رقيق نحطوه في قددر نضيف له فنجان ماء ونغطيه ونتركه اطيب كيطيب نصفيه
في مقلاة نحضر التقلية ندرس سنينات الثوم نحط الملح الكمون راس الحانوت و فلفل اسود والعكري قصبروالزيت والطماطم مصبرة وقليل من الماء ونتركها تتقلى على نار قليلة ثم نضيف نصف كاس ماء كتغلي نضيف السلق ونخليه يتشرب التقلية حتى ينشف ويشرب كامل التقلية

نحضر العجينة بخلط الفرية والملح و2 رشات خميرة الحلوة والزيت انبسها مليح بالاصابع ونجمعها بقليل من الماء وما نعجنهاش

نحل العجين رقيقة نحطها في طابع السوفلي او نقطع دوائربكاس ثم نحط السلق لازم يكون ناشف ما فيهش الصوص باش ما يعجنش العجينة نحط قطع الجبن ندهن الحواف بالبياض ثم نغلق الدائرة ونثبت مليح باش ما تتفتحش ثم نقليها في الزيت على الجهتين مليح ونقدمها مع عصرات من الليمون مصحوبة بحساء او شربة
وممكن تعملي الخبيزات في الكوشة وتدهني الوجه بالبيض وترشي بشوية جلجلان ايضا اجي بنينة جدا

طريقة التقديم

جربوهم اخواتي لذيذ جدا
راني ننتظر في تطبيقاتكن لمزيد من لحظات مخبرية في الفنون المطبخية
دعوة خير تكفيني
مع تحيات ام اسلام واية ويوسف

linat · 2012-01-28, 12:29

ما شاء الله اختي من الصور تبان تشهي جازات الله كل خيرو جعل ايامك كلها حلوة

islam1aya · 2012-01-30, 16:23

اقتباس:

المشاركة الأصلية كتبت بواسطة linat

ما شاء الله اختي من الصور تبان تشهي جازات الله كل خيرو جعل ايامك كلها حلوة

شكرا على دعوة الخير اختي لينا تسلميلي على المرور العطر

عروبتي · 2012-01-28, 13:06

ماشاء الله روعة
يسلمووووو

islam1aya · 2012-01-30, 16:26

اقتباس:

المشاركة الأصلية كتبت بواسطة عروبتي

ماشاء الله روعة
يسلمووووو

نورتي صفحتي اختي عروبتي بمرورك الرائع

الصوامعية · 2012-01-28, 13:45

خرجولك هااااااااايلين يعطيك الصحة

islam1aya · 2012-01-30, 16:28

اقتباس:

المشاركة الأصلية كتبت بواسطة الصوامعية

خرجولك هااااااااايلين يعطيك الصحة

مشكورة غاليتي الصوامعية على المرور الذي عطر صفحتي

nada nina · 2012-01-28, 14:00

يبانو ي يهبلو يعطيك الف صحة حبيبتي كل وصفاتك تعجبني وتقريبا طبقتها وانستنا وصفات جديدة من يديك و ماطوليش علينا بزاف هههههههههههههه وشكرا مرة اخرى

islam1aya · 2012-01-30, 16:33

اقتباس:

المشاركة الأصلية كتبت بواسطة nada nina

يبانو ي يهبلو يعطيك الف صحة حبيبتي كل وصفاتك تعجبني وتقريبا طبقتها وانستنا وصفات جديدة من يديك و ماطوليش علينا بزاف هههههههههههههه وشكرا مرة اخرى

فرحتيني اختي ندى نينا بكلامك الرائع والحمد لله الي الوصفات نالو اعجابك وانتظري جديدي

الغياب المرة الي فاتت خارج عن نطاقي سرقونا كابل الهاتف

lyna2007 · 2012-01-28, 14:14

ما شاء الله
خرجولك روعة
بارك الله فيك

islam1aya · 2012-01-30, 16:36

اقتباس:

المشاركة الأصلية كتبت بواسطة lyna2007

ما شاء الله
خرجولك روعة
بارك الله فيك

وفيك بركة حبيبتي تسلميلي على المرور الرائع وبوسة للينا

جيجلية · 2012-01-28, 14:24

ما شاء الله

متحوفين خاصهم شوية تحمار برك

لو كان فتحتي وحدة باش نشوفوها من داخل

شكرا لك

islam1aya · 2012-01-30, 16:39

اقتباس:

المشاركة الأصلية كتبت بواسطة جيجلية

ما شاء الله

متحوفين خاصهم شوية تحمار برك

لو كان فتحتي وحدة باش نشوفوها من داخل

شكرا لك

حبيبتي جيجلية نورتي صفحتي
عندك الحق كاين حبات ماتحمروش ازربت اشوية الولدات جاعو هههه
ماحبتش نفتح واحدة خفت انزيد انشهيكم ههههه

miri_27 · 2012-01-28, 14:42

أهلا عزيزتي دائما متميزة في وصفاتك لكن عندي طلب اين اجد باقي وصفاتك حبذا لو تجمعينهم من الدرس الاول الى اللدرس الاحير حتى يتسنى لي رؤيتهم و تسلمين عزيزتي و بارك الله فيك و ربي يخليك ياغالية

islam1aya · 2012-01-30, 16:43

اقتباس:

المشاركة الأصلية كتبت بواسطة miri_27

أهلا عزيزتي دائما متميزة في وصفاتك لكن عندي طلب اين اجد باقي وصفاتك حبذا لو تجمعينهم من الدرس الاول الى اللدرس الاحير حتى يتسنى لي رؤيتهم و تسلمين عزيزتي و بارك الله فيك و ربي يخليك ياغالية

حبيتي الغالية ميري رايحة نحط موضوع جديد نحط فيه كل الدروس وانشاء الله يثبت وتستفادي من الوصفات بعض الوقت فقط
نورتي موضوعي يا الغالية مشكورة على الاهتمام