حل مشكلة.................... ماذا افعل ؟...!!!!!

[السيدة كرمين]

الســــــــــــــــ عليكم ــــــــــــلام



هذه المشكلة أوحتلي بموضوع


عندما كنت في بداية العشرينات يتقدم لي الخطاب

كانت أترابي تتحدثن عن حيل الشباب للتأكد من اخلاصهن

بصراحة كنت نزعف وياخذني عنفوان الشباب للقسم

والله والله ورب العزة لو نعرف خطيبي يشك فيا

ما نتزوجوا لو يبقى غير هو راجل؟

والله والله لو حتى متزوجة ونعرف أنوا في يوم اختبرني ما نقعد معاه نهار؟


كنت نقول أنا حرة بنت حرة منسمحش بهاذ الشئ


كانت كرامتنا لا تسمح بمثل هذه الفكرة




مرت الأيام وسنوات و تجارب الحياة حتى جائت صدمتي الأولى

اتصلت بي جارتنا وهي شابة في مثل عمري بالفيكس بكري مكاش برتابل

اجري اجري يا كريمة

وش كاين

قتلك خلي كلش من يدك واجري

فعلا رحت قاتلي

فلان قلت وش بيه

قاتلي مرتوا تخون فيه

رجل صلاة الفجر نسمعوه كلنا وهو يجري باه يحضرها

كون حينا عبارة على عمارات و المخرج الفرعي للحي كان وراء عمارتنا

أي وهو قاطع لاكاج نسمعوه

صالح فالح يعمل مع ابهاتنا الكل يشكروه

مرتوا تخونوا

قلت راكي تخرفي

قاتلي فولان راه عندها شاب من حي مقابل

جسمي ترعد وليت نرجف

وبقينا نطلوا من الثقب حتى خرج

حطيب يدي على راسي وبكيت وبكيت وبكيت حتى صوت بكائي وصل خالتي عقيلة

جات تجري وش بيك كريمة وش بيك

قالتلها سمرة فلانة تخون فراجلها

سكت وماقلت شئ

حتى جات صدمة ورتما طعنة أو أي شئ

شاب من الحي دخل عندها

ساعتها قلتلها راجلها لازم يعرف

وخذاني الاندفاع وليت كي المهبولة

قلت لخالتي عقيلة راجلها لازم يعرف

قاتلي عندك الحق قلتلها نكتبولوا رسالة

ونرموها تحت بابو أو عمي محمد وبابا يقولولو

سمعوا الرجال وقرروا يخبروه

وملقاوش طريقة خافوا يتهور

وفعلا خبروه

وش دار

هز مرتوا ورحل لحاسي مسعود


مرأة خائنة ورجل ديوث

يومها اهتزت صورة الرجل و المرأة

يومها تقبلت فكرة أن الرجل مش من والات يدخلها دارو

الشاب لي اختبر خطيبتوا عندوا لحق لأن البنات اليوم شوهوا صورة لمرا الحرة

الحرة ايه الحرة

شكون تقدر تقول أنا حرة؟

ومن جهة أخرى مكانش لازم يثيق في صاحبوا ثقة عمياء



ولي حيرني أنوا قال أني متأكد وقلت منفسخش خطبتي

حتى نشاوركم؟


وينها الرجولة و المروءة وهل هذا الأمر يتطلب مشورة


بنات وشباب خلطولي أوراقي


وين راكم رايحين تعبتوني


ساعات نحس أني ولدت قبل قرون

لأن المجتمع راه صاعد نحو الهاوية

بسرعة رهيبة

موليتش قادرة نسايرها


ياريت تشاركوني هاذ الفضفضة

[z.abdo]

أختي لازم تعرفي حاجة الراجل اللي ما يشكش في مارتو اعرفبه ما عندوش غيرة طبعا لا يتهمها في شرفها لكن دايما يأخذ حذرو
ونزيدك حاجة باش تقولي انا الراجل اللي يشك فيا والله ما نقعد معها نهار راكي غالطة بزاف بزاف هذيك كانت زمان الوقت تبدل اختي وانت احكيتي قصة تخوف بزاف اللي عمرو ما شك راح يبدى يشك دركا وربي يجيب الخير

[فارس الجزائري]

السلام عليكم
أختي الكريمة والاخوة الأعضاء
أريد أن أنبه لأمر مهم وخطير
أنتي قلتي أنكي رأيتي الشاب يخرج من خلال الباب فحكمتم بالخيانة
ولكن
الله يقول:
(وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً وَلا تَقْبَلُوا لَهُمْ شَهَادَةً أَبَدًا وَأُولَئِكَ هُمُ الْفَاسِقُونَ).
(لَوْلا جَاؤُوا عَلَيْهِ بِأَرْبَعَةِ شُهَدَاء فَإِذْ لَمْ يَأْتُوا بِالشُّهَدَاء فَأُولَئِكَ عِندَ اللَّهِ هُمُ الْكَاذِبُونَ).
(إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ)
الآيات من سورة النور
كما أن الشهداء لابد أن يشهدوا بأنهم رأو الختان في الختان.
والله أعلم

[السيدة كرمين]

شكرا على المرور

القصة لما حكيتها كانت قبل 12 سنة

و رويتها باختصار

خرج الشاب الأول وبعدها الشاب الثاني

وهي كانت باينة من الباروداج دارها وش لابسة

و ايضا قبل ما يعلموا الرجال

تكرر فعلها مرتين وشافتها الوالدة تاعي



أنا مارويت القصة حتى يشك الأزواج في زوجاتهم و العكس

لأن الانسان فلغالب نيتو تسلكوا

انما حكيتها حتى أؤكد أن الزمان راه تغير خلانا نغيروا قناعاتنا

لكن فالنهاية الانسان مش لازم يعيش بالوسواس

ويكثر من الدعاء حتى ترتبط أو يرتبط بذي دين وخلق


قصة لي رويتها و قصص كثيرة في الواقع جعلتنا نغيروا

أفكارنا في بعض الأمور مثلا اليوم أنا مع أنوا الشاب

يختبر خطيبتوا لي رح تولي مرتوا ولا يتمادى فلاختبار

أو ان تبين له حسن خلقها مش يتمادى في اختباراته

[***star***]

كيفاه حكمتو عليها بالخيانة
هدا الشاب
ربما كان خطبها ومقبلتش ولا طلب حاجة محرمة ومابغاتش ايا بغا يشوه السمعة نتاعها
ربما دخل يسرق وكي شافها هرب
زائر غلط في الشقة
ربما واحد من اهلها
ربما مريض وطلب مساعدة
ربما مهبول وجات في راسه .يغتصبها
هل شفتي بعينيك يخي غي عيطولك ونتي قلتي لخالتك ومن خالتك وصلت للرجال
مادا لو المرا لي عيطتلك كدبتها (يخي هي بشر) ومعروف بلي نسا يغيرو وكيدهن عظيم
مادا لو ضربها وقتلها اسكو يهنيك ضميرك
انا نقولك هدا الراجل كيما راكي تقولي طيب راه ثائق في مرته وعارفها كي دايرة .عليها داها وراح
(الطيبون للطيبات)
*********************************************
هدا نقاش وارجو انك ماتزعفيش

[فتـ حييةـاة]

هناك فرق بين الغيرة والشك
الغيرة:شعور جميل تحس من خلاله ان الطرف الاخر يحبك
اما
الشك:فهو بداية النهاية في كل العلاقات
لن اتحمل زوج يشك مهما كان حبي له فلو شك زوجي في ااااعرف انه لم يثق في وهذا خطييييييييييييييييييييييييييييير
في نظري الثقة هي اساس نجاح الحياة الزوجية

[السيدة كرمين]

المشاركة الأصلية كتبت بواسطة amal2000

هناك فرق بين الغيرة والشك
الغيرة:شعور جميل تحس من خلاله ان الطرف الاخر يحبك
اما
الشك:فهو بداية النهاية في كل العلاقات
لن اتحمل زوج يشك مهما كان حبي له فلو شك زوجي في ااااعرف انه لم يثق في وهذا خطييييييييييييييييييييييييييييير
في نظري الثقة هي اساس نجاح الحياة الزوجية

كلام جميل ينم على انك حرة

لكن يا ختي هوما ساعات مايتلاموش

لعجب راهم يشوفوه

وزد لمرا من عينيها تبان صدقيني الا إذا كان مغفل

أو هي داهية

[***star***]

اما المشكلة المطروحة (بعيدا عن الاستهزاء او الطعن في شرفهما)
الاثنان دارو غلطة عجبا هو راجل ويمد في الهاتف نتاع زوجته المستقبلية لرجل اخر
وهي تهدر مع شخص مجهول وزيد ياعجبا راحا تتلاقا معاه
ادن بدون تعليق
لايمكنني ادلاء لابنصيحة ولابحكم
************************************************** **
ادا غابت النية كل شئ ينهار
شكرا لك اختي الكريمة