:.: مشــروع الإنجليزية مساعدة :.:

[زكرياء ابن الجزائر]

السلام عليكم المشروع موجود في الصفحة 39 الذي قام به يساعدنيو يعطيني بعض الأفكار :]
في إنتظاركم ...

[أمل روسيكادا]

تقدر تشوف des exemples pages:35,36,169
pour voir la méthode seulement

[نعمة القدوس]

على الآبليكايشن لاتر ؟

[زكرياء ابن الجزائر]

نعم نعمة هذاك هو هل ليدك فكرة ما المهم غدا ردي علي :]

[زكرياء ابن الجزائر]

هل من مساعدة ؟

[نعمة القدوس]

السلام عليك أخي زكريا


آسفة لأني لم أرد عليك، نحن قمنا بهذا المشروع

وقدمناه ،،

وللأسف ليس لدي المعلومات على الكمبيوتر [ كتبنا المشروع بأيدينا ]

ولكن سأحاول أن أكتب لك بعض الأفكار وأعطيك بعض الأمثلة لتساعدك في العمل

[زكرياء ابن الجزائر]

شكرا أحتي يعني حبذا لو تعطيني فكرة عامة على ما سأقدمه يعني هل أصنع كتاب صغير او لا حسبما ذكر هنالك شكرا لك أسف تعبتك .

[نعمة القدوس]

................

[نعمة القدوس]

السلام عليك زكريا مرة أخرى

فوجنا لم يقم بالمشروع على شكل كتاب

وقد أعجبت فكرتنا الأستاذ

حيث عملناه على شكل مطوية، ألصقنا في بدايتها الصفحة الأولى
التي كتبنا فيها معلوماتنا يعني الأسماء وهادوك المشاكل

ومبعد حطينا ورقة زعما مقطعة من الجريدة، وفيها بيبليسيتي على خدمة ،، يعني شكرة تحوس على موظف

حنا درنا باللي متحف اللوفر بباريس يبحث عن حارس ليلي
وتحط فيها المعلومات تاع الموضف اللي يحتاجووه متلا العمر والمستوى الدراسي وهكذا

ومبعد درنا مكالمة هاتفية بين مدير متحف اللوفر والرجل اللي حاب يتوضف

بالمناسبة، مدير اللوفر حقيقي وموجود اسمو ،، أما الموضف فاختلقناه، درناه ماريكاني وزعما مداير الجيدو وكان بودي قارد تاع ريانا هههههه

المهم ،، خرطنا حتى شبعنا،

والمكالمة زعما يستفسر فيها على مكونات الملف اللي يحتاجو باه يقدم طلب التوضيف

ومبعد درنا رسالة تاع application letter وكتبناها في ورقة بيضاء وحطيناها في ظرف، ولصقنا فيها طابع تاع فرنسا، وكتبنا العنوان تاع اللوفر، زعما وكأننا بعتناها

وطبعا حطينا فيها المرفقات ،، اللي هي السيرة الذاتية (resume)، والـ reference

ومبعد زدنا درنا رسالة تاع القبول ولا تاع الرفض في زووج، وحطييناهم في أونفلووب بنفس الطرييقة، ولصقناهم في المطوية ،،

وبرك

أي سؤال راني هنا

[زكرياء ابن الجزائر]

واو روعة أفكار عبقرية ، بارك اللف فيك نعمة أن شاء الله لو وجدت أي صعوبة سأسئلك مشكوووورة .

[نعمة القدوس]

عفوا أخي


وفقك الله

[~عبد السلام~]

ههه انا تاني عطاتنا الاستاذة نفس المشروع : )


لكن من يطلب الوضيفة لازم يكون طالب يعني في مثل سننا : s



+ شكراا نعمة على الافادة لكن عندي سؤال ؟ كيفاش درتو هاد المطوية + هل الانترفيو يكون قبل الابيكايشن لاتر ؟؟

[نعمة القدوس]

أهلا جمييلووو ..



أولا مبارك لك المعدل ..


تانيا حنا الأستاد جانا متأخر، وزيد قاعد يزرب فينا

ماشرحلناش ملييح

مالا اعتمدنا على الفهم تاعنا



أنا على حساب ما فهمت، هادي ماهيش أنترفيو راهي أنكوايري فاون كونفيرسايشن

يعني يعيط السيد اللي حاب يتوضف للشركة ويستفسر، منها إنكوايري معناها استفسار

مالا، زدت حوست في النت لقييتها كيما فهمت أنا


يعني تصرا قبل، ..

بالنسبة للأنترفيو مادرناهاش .. درنا طوول يقبلوه في الخدمة ومبعد يديرو معاه انترفيو .. يعني دكرنا الانترفيو في الرسالة تاع الأكسبتنس


وبالصح مادرنااهش، أنا المشرووع في آآخر لحظة قاعدة نديير فيه الأستاد يلم فيهم وأنا قاعدة نعووم في الباتييكس [ قاعدة نلصق زعما ]



بالنسبة للمطوية ..


شريت زوج شوميز كارتوني ..

وطبقتهم على النص، ومبعد لصقت فيهم، وكيما ماكفاتنييش زدتلها النص تاع الشومييز التانية .. ولصقتها فيها بالباتييكس


وبرك

[~عبد السلام~]

المشاركة الأصلية كتبت بواسطة نعمة القدوس

أهلا جمييلووو .


اهلا نعمة sava ؟ : )

.



أولا مبارك لك المعدل ..

هههههه الله يبارك فيك
و نتي تاني مبررووك عليك
لكن لازم نجيبو اكثر باش نولو ليامات زمان ok ؟



تانيا حنا الأستاد جانا متأخر، وزيد قاعد يزرب فينا



ماشرحلناش ملييح

مالا اعتمدنا على الفهم تاعنا



أنا على حساب ما فهمت، هادي ماهيش أنترفيو راهي أنكوايري فاون كونفيرسايشن

يعني يعيط السيد اللي حاب يتوضف للشركة ويستفسر، منها إنكوايري معناها استفسار

مالا، زدت حوست في النت لقييتها كيما فهمت أنا


يعني تصرا قبل، ..

بالنسبة للأنترفيو مادرناهاش .. درنا طوول يقبلوه في الخدمة ومبعد يديرو معاه انترفيو .. يعني دكرنا الانترفيو في الرسالة تاع الأكسبتنس


وبالصح مادرنااهش، أنا المشرووع في آآخر لحظة قاعدة نديير فيه الأستاد يلم فيهم وأنا قاعدة نعووم في الباتييكس [ قاعدة نلصق زعما ]
ههههه عجبتني هاد الصورة البيانية


بالنسبة للمطوية ..


شريت زوج شوميز كارتوني ..

وطبقتهم على النص، ومبعد لصقت فيهم، وكيما ماكفاتنييش زدتلها النص تاع الشومييز التانية .. ولصقتها فيها بالباتييكس


وبرك

ok merciii على المعلومات psk الاستاذة قالتلنا application letter بعدها interview .....
+ بالاك ندير كيما نتي هاداك ل booklet فكرة شابة xD

[نعمة القدوس]

المشاركة الأصلية كتبت بواسطة jamil1996

لاباس الحمد لله ..

يسقسي عليك الخيــــر


+


هيييهههههههـــ، أيامات زمان هههه
[ قاعدين كيما العجايز اللي زعما يتفكرو في يامات شبابهم التي لن تعود هههههه ]


+

آآه الصورة البيانية ههههـــ

هيا مالا قول مانوعها والأثر تاعها في المعنى وطبعا تشرحها هههه





في الأخير نقوللك العفو ..

وننصحك دير كيما قلتلكم الأستادة، غير لكان حبييت تبدع

دير الإنكوايري، ومبعد الآبليكايشن لاتر، ومبعد الانترفيو، باه كووولش يكون برفييكت هههه [ فوور الانجليزية تااعي هههه ]

هكدا باه تسد كل الثغرات، وماتلقااش واين تنقصلك


هيه دييرها مطوية خيير

مناه ماتجييش ملييحة كيما تدييرها كيما البحت العادي


+


قوللي وكتاه تمدووهولها ؟؟

بالاك كون يرجعهوولنا قبل ما تمد تاعك نصورو باه تشووف كيفاه جااي هههه [ مناه راهو عجبو بزااف قال عليه تقول متحف هههه ]