كيف اقنع أبي

[مشكلتي]

السلام عليكم اخوتي ارجو منكم مساعدة فيما يخص مشكلتي و هي اني مند 3سنوات تعرفت علي احد ووعدني بالزواج والحمد للله جاء اليوم الدي طلب مني اخبار والدي اخبرته امي فتارت ثائرته اولا لكونه ليس من ولايتنا و 2 لاانه علي حسب اقواله خاب ضنه بيا صراحة كنت ولا ازال في اعين الكل الفتات اللتي لا ولن تكون ممن لهم علاقات لكن ربي شاهد تعارفنا كان صدفة والهاتف هو اللدي بيننا التقينا 3او 4 مرات في مكان عملي وفي الغالب اراه ويراني من بعيد .المهم ادخلت واسطة باه يقنع بابا قالو لا حبت تتزوج بيه نديها للبلدية نعقدلها وتنسا بلي غندها اهل سكتنا شويا وزاد حكا معاه مي كيفكيف مصر علي كلامو .مي العايلة كل قالولي اصبرو شويا ونزيدو نحكو معاه ضرك راه فات عليها 2شهور وانا صراحة تقلقت حابة نتزوج وليت نغير من صحاباتي دارو دار وانا مزلت حاصلة .راهم يخطبوني بزاف اولا نرفضهم علي جال قلبي معلق بواحد و تانيا جامي شفت منو حاجة ماهيش مليحا يمال نوقف معاه حتي يفرج ربي .وف هاد الايام راه زاد تقلق بزاف وزيد يماه وختو كل يوم يعيطولي باه يشوفو كاشما جديد خافو ولا الحكاية طول و وليدهم يقعد هكدا معلق علاجال حلف مايدي وحدة بخلافي.المهم حبيتكم دبرو عليا واش نقول ل بابا وكيفاه نحاول نقنعوعلاجال في الايام القادمة راح نعاود نفتح معاه الموضوع. تعيشو ما تبخلوش عليا بئرائكم ودعولي معاكم

[youcef salah]

حاولي إقناع أبيك بكل الوسائل المشروعة
ولكن إن لم يقتنع إصرفي النظر عن هذا الزواج
العرسان كثير ولكن الأب واحد ورضا الوالدين في هذه المسألة مهمة جدا

[fatima asinate]

السلام عليكم و رحمة الله تعالى و بركاته
حبيبتي ربي ان شاء الله يفرج عليك و يفتح عليك و يجمع بينك و بين من اختاره قلبك و ان شاء الله ربي يتمم بخير و على خير
أولا حنونتي لازم عليك ترضي أباك و تحاولي تتقربي منه أكثر فاكثر و قولي لماماك تتكلم معاه بكل موضوعية و تفسر له الامر جيدا
كما يمكنك أن تلجئي إلى أشخاص يحبهم والدك الكريم و يقدرهم و يسمع ليهم ممكن أعمامك أو جدك أو صديق والدك أي كان هذا الشخص
حبيبتي اصبري و ان شاء الله يكون الفرج قريبا
و قبل هذا كله لازم و لازم عليك ترضي والدك فرضا الوالدين أهم شيئ و أهم من الزواج فلو قدر الله و لم يقبل والدك هذا الزواج فلا تعترضي على قرارات والدك و اسعي جاهدة لإرضائه بكل الطرق و لو على حساب حبك و قلبك
حنونتي ان شاء الله ان شاء الله ربي يسهل و يكمل عليك بالخير و ان شاء الله يوافق والدك على هذا الزواج و إلى حين ذلك الوقت اصبري و دعواتنا معك حبيبتي
حنونة خبرينا بالجديد و ان شاء الله يكون مفرح
استودعكم الله الذي لا تضيع ودائعه و السلام عليكم و رحمة الله تعالى و بركاته

[جسور المحبة]

ربي يكون في العون راني غير كيفك نعاني وراني صايرة حتى يفرج ربي ولا يفوتني الزواج بش يقبلو

[fifi180]

مايحس بالجمرة غير عافسها يااختي ربي يفرج عليك من قلبي ندعيلك والله لينا وليك

[مريم الصابرة]

السلام عليكم أختي أولا ندعوا الله ان يقرب بينك وبين اللي تحبين فالحلال إن شاء الله أختي حاولي اللجوء إلى أقرب شخص لوالدك كصديقه مثلا يهدرمعاه يفهموا يحشموا ويقنعوا امك أيضا لها دور ولما لا إمام منطقتكم صديقة لي لجأت إلى إمام المسجد حيث نسكن وأقنع والدها والحمد لله تزوجت حاولي بكل الطرق إن أصر أثبتي له أنك ستختارين والديك لانهما الأهم وحينها ستعلوا منزلتك بعينه وسيوافق إن شاء الله ربي يوفقك ختي.

[lamsate hanan]

و الله يا أختي و انا نقرى في المشكل تاعك حسيت راكي تحكي عليا انا راني في نفس المشكل تماما و حتى انا راني حاصلة كيفاش ندير واش نقولك الله يهدي والدينا و ان شاء الله ربي يبدل هذه ليامات بيامات خير ونفرحو
قولي آمييييييييين

[*بن عيسى*]

المشاركة الأصلية كتبت بواسطة lamsate hanan

و الله يا أختي و انا نقرى في المشكل تاعك حسيت راكي تحكي عليا انا راني في نفس المشكل تماما و حتى انا راني حاصلة كيفاش ندير واش نقولك الله يهدي والدينا و ان شاء الله ربي يبدل هذه ليامات بيامات خير ونفرحو
قولي آمييييييييين

الله يهديكم انتوما ماشي والديكم ، لانهم الوالدين يحوسو على صلاحكم برك ، صدقيني يا اختي الزواج بالتيليفون و زعمى بالحب و العشق و الله العظيم ما ينجح ، لانو بدأ و تبنى على باطل و الي تبنى على باطل عمرو ما يكمل .................. شكرا .

[lamsate hanan]

[QUOTE=benaissa11;8221899]الله يهديكم انتوما ماشي والديكم ، لانهم الوالدين يحوسو على صلاحكم برك ، صدقيني يا اختي الزواج بالتيليفون و زعمى بالحب و العشق و الله العظيم ما ينجح ، لانو بدأ و تبنى على باطل و الي تبنى على باطل عمرو ما يكمل .................. شكرا .[/QUOTE


]يا أختي انا نحترم رأيك بصح ما تحكميش على الناس بلا ما تعرفي انا يا أختي عندي أخت كبيرة عليا تخيلي في عمرها 43 عام و مازال ما حبش باش تتزوج حتى الخطابة عادو ما يجوهاش و خويا تاني راه كبير 36 عام و ما حبوش يخطبولوا الطفلة اللي حبها حتى حلف باش ما يتزوج في وقت الخدمة يخدم و مين يدي كونجي يمشي يحوس للخارج و ما حبش يلم باش يتزوج
صح والدين بصح ما يدمروش حياة ولادهم هاكا باسم الحب و الخوف على مصلحتهم
حسيتي بيا درك

[soulafe]

okhti shoufi min nahiatikom man youhawil i9na3oho wa sali istikhara wallah matanadmi rani hassa bik n9olak hadja okhti matadi rir maktoubak

[*أميرة الكون*]

اصبري برك اللي كاتبلك يوصلك و اربحي والديك خير ليك باه تنجحي في حياتك
بالتوفيق

[ines la brune]

يا تري يا صاحبة المشكل تكوني درستي الموضوع من كل الجوانب والعطلة راها قربت ربي يعينك ان شاءالله وحاولي تحكي مع باباك بكل الطرق مي ما تخشنيش راسك معاه هدا باباك وربي يسمعنا اخبار الخير قولو امييييييييييييييييييييييييييين

[البريء]

شوفي يا اختي المغبونة..

على بالك بللي العقلية نتاع باباك ما تقبلش الطفلة تعرف واحد من قبل ..

لكن ما دام هاذ الانسان نيتو شريفة ودخل م الباب وما دخلش م التاقة كيما يقولوا ما فيها باس !!

بصح ارواحي انتيا وقنعيه بللي ( ما درتي والو مع هاذ الشخص في فترة التعارف) بالرغم انك عفيفة وهو شريف !!

راهي باقية تلعبلو في مخو .. كيفاش بنتو تعرف واحد موراه !!

لا علينا .. ضركة الحل كيفاه !!

الحل وما دام باباك ما سمعش ليماك ( وممكن جدا يدير في بالو بللي يماك كانت على علم وراكي خادمتها معاها) ..

قلتلك ما دام الأم وما أدراك ما الأم ما قدرتش تقنعوا لازم تشوفوا ف العايلة الكبيرة واحد كبير عندو مكانة خاصة عند باباك ويسمعلو.. والا كاش واحد صاحبو وحبيبو ..

هاذ الشخص يقدر يقنع باباك ويجيبهالو بللي بنات هاذ الوقت راهم قع يزوجوا هكذا والمهم هو ان هاذ الخطاب طالب الحلال ودخل م الباب كيما قلت من قبل..

والطفلة لازم تتزوج باش الناس ما تهدرش فيها .. وما فيها والو ك عرفها من قبل .. امالة كيفاش راح يعرفها وهو براني من منطقة اخرى ؟؟ والبراني ضركة راه خير مللي ليك ...الخ..

هاذ الشخص المقرّب من باباك يخليه بطريقة غير مباشرة يحاول يسقسي عليه ويترك عندو انطباع بللي قالولوا بللي ناس ملاح ويشكرلو فيه !!

ويغرسلو في راسو بللي الطفلة جاها مكتوبها وهذا مكتوب ويا سعدها ف هاذ الوقت اللي جاها خطاب وليد فاميليا اللي ما لعبش بيها..

بالعكس راهو فحل ويعرف الاصول وهي متأصلة هو اللي جا ليها للدار ماشي كيما البعض اللي راهم يخطفوا الراجل م الطريق !!

اذن كيما وصيتك.. لازم تشوفوا واحد باباك يسمعلوا ويثق فيه !! هذا هو الحل في رايي وربي يتمملك بخير يا اختي..

[حنين فتـاة]

السلام عليكم ورحمة الله تعالى وبركاته
اولا اختي هذا مجرد رأي لي راح نمدولك
الشاب لي تحبيه لما طلب منك انك تخبري والدك كان بالاحرى انو هو يتقدم لباباك ويخبرو ويحكيلو
وحاجة اكيدة انو الوالد كييكون داير ثقة فيها ويحدث امر كيما هكدا راح يخيب ظنو في بنتو
انت كون حسبتيها ووزنتيها وشورتي ناس تثيقي فيهم قبل متخبري باباك
اختي نصحك تصبري وان شاء الله ربي يجيبلك لي فيها الخير
مكاش كيما الصبر وربي ما فيه غير الخير ان شاء الله راح تنحل امورك في اقرب وقت

[@[نســـــيم ♥ الجـــــود]@]

او يسهل ربي ا ختي