واش تديري كون جيتي في بلاصتي...؟؟؟؟

[chams el acil]

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;;.

[ملاك الامل]

ما زلت صغيرة انصحك تكملي قرايتك الدنيا ما زالت قدامك
والله نعرف بزاف حالات تزوجو دون رضى احدى الوالدين دايما يصراولهم مشاكل كبار والله اعلم وزيدي سقسي اكثر

[أمال المستغانمية]

سلام أختي أنا لو جيت في بلاصتك ما نضيعش حبي لانو يجي غير مرة واحدة بصح هدا لازم تقعدي مع يماك و تحاولي تقنعيها و تقوليلها ما غاديش نضيع قرايتي و هدي غير خطبة من نمل قرايتي غادي اكيد راح نتزوج و ما فيها والو ادا راني حابة نتزوج مع لي راني بغيت وانا متأكدة غادي تقتنع لان لام في لاخر تحوس على سعادة اولادها وانشاء الله نكون افدتك

[rimalarose]

لازم تخدى راى امك و اختك مازلك صغيرة كملى كرايتك ومن بعد يحلها ربى و بالنسبة الخطبة انصحك مادام امك ميش موافقة لازم تاخدى الراى و ال تندمى

[البتول سمية]

و أنا رايي من راي الأخوات.... و راي يماك تاني مهما تحسي روحك تعرفي و تخمي مليح تبقى الأم هي اللي تعرفلك صلاحك و رايها هو السديد
منروحوش بعيد أنا من حيت كنت نقرا و كل مرة يخطبوني بصح عمري ما تعلقت بشخص معين و كانت يما و بابا كل مرة يرفضو و يقولولي قرايتك قبل كل شي
و الحمد لله كملت القراية تخرجت من الجامعة و الحين راني نخدم و مخطوبة ف نفس الوقت
و الله غير كل شي بوقتو يكون أحسن يا بنتي متتسرعيش

[chams el acil]

merci pour les réponses mais ana maranich ra7 n7abbas 9rayti ra7 nkammal nch alah médecine

[ريماس]

اختي كون جيت في بلاصتك والديا ماشي راضين والله لانزيد خطوة في الموضوعة وزيد اختك الي اكبر منك باين تعرف نورمالمون تاخذي رايها راهي كبيرة و واعية اكثر منك بالزاف وانتي زيد راكي 17 سنة هذا وين شفتي الدنيا وماركيش علابالك بوالو درك الي تعرفو وحدة كبيرة الصغيرة جامي تفهمه

اختي كون تاخذي رايي فكك من الموضوع روحو اقراي على روحك وكي تتخرجي وتلقاي خدمة فكري في الراجل
اختي خذي النصيحة من تجربة انا تخطبت اخر عام ليا في الجامعة مي صراتلي حوايج ماخلتنيش نبقى نخمم في قرايتي الراجل يشغل اختي

والله تبانملك ساهلة برك مي كي يولي الرسمي يعود كل يوم بالتيليفون ولاكون تكون تقراي ولا تعبانة مايفهمش يحب ديما يتلاقى ويشرط ومنا ومن ولا مهما وصفتلك ماتقدريش تصدقي ولا تفهمي وزيد والله لا يستناك عام ولازوج يقلك نزوجو مانقدرش نصبر
اختي ان شاء الله تطوني فهمتيني

[perle_noire]

mezalti sghira okhti, ida kan yhabek vraiment kima raki tkouli yestenak hta ki jibi l bac w yetkadam lelkhotba
w temak inchalah yeferhou ga3 f dar,

[chams el acil]

rabi ykhallikoum khwatati kaml w rabi yhannikoum
rani 7assit ça fait longtemps wana na3rafkoum merciiiiiiiiiiiiiiiiiiiiiiiiiiiiiiiiiiiiiiiii

[fazouza]

Ya oukhti tu es encore très jeune ;suis ta maman elle ne te voudra jamais du mal
Tu auras le temps de se marier et si cette personne t'aime vraiment elle va t'attendre
Bonne chance

[chams el acil]

المشاركة الأصلية كتبت بواسطة fazouza

Ya oukhti tu es encore très jeune ;suis ta maman elle ne te voudra jamais du mal
Tu auras le temps de se marier et si cette personne t'aime vraiment elle va t'attendre
Bonne chance

merci c'est trés gentil de ta part mais mon problème c'est la perte de mon amour à cause de ma mère qu'elle a lui vraiment touché

[fifi180]

mazalti sghiiiiiiiiiira walah w mazalk tchoufi w zid rda waldik howa kolchi nti man jiha man 7a9ak w mamak w okhtak tani man 7a9hom mé nasi7ti diri istikhara +eurs fois w li fiha khir ysahalha rabi sure

[حسينة 36]

اسمعي كلام امك واختك رضا الله في رضا الوالدين
مازالك صغيرة والخطبة والراجل مسؤولية ماشي حكايات في التيليفون والا في المطاعم و............. وزيد قرايتك اكيد راح تروح عليك يستناك عام زوج يكره ويولي يخيرك وزيد راكي تقولي حابة ندير طب انا نقلك محال تقدري على المسؤولية محال

استخيري ربك واتقنعي براي امك ولوكان يحبك يتفهم ويستناك ويساعدك ويدعمك
والله الموفق

[shigelle]

اختي انا رايي من راي الاخوات كملي قرايتك مازالك صغيرة ،ما تلقيش اللي يعرف مصلحتك قد ماماك ،ممكن هي شايفة امور انت ماراكيش شايفتها ، وزيد انا عندي بنت عمي حكايتها تشبه حكايتك تخطبت و هي تقرى سنة ثانية ثانوي وقالها خطيبها تدي الباك وتقراي وين تحبي.
المهم المسكينة صدقاتوا دارو العقد المدني وبعد ما جابت الباك قالها انا ولا القراية ، المهم حبيت نقلك خممي مليح و خوذي راي اللي اكبر منك راهو ما كانش اللي يحبلك الخير قد والديك

[ام سارة ورقية]

المشاركة الأصلية كتبت بواسطة chams el acil

السلام عليكم خواتاتي..................
حبيت نسقسيكم اذا كن عندك واحد في حياتك تقدملك بصح ماماك ماشي موافقة واختك الكبيرة تاني..................
واش تديري اذا كنتي في بلاصتي توجدي في جهازك وراكي علابالك ماماك ماراهيش حابة هاذ الزواج
لسبة واحدة هو انك مازلتي صغيرة -عمري انا 17 سنة- العام الجاي باك وللعلم انا تلميذة مليحة خلاص........
حنا حبينا نديروا خطبة برك........... والزواج بعد الجامعة ان شاء الله.
تعيشوا خواتاتي انصحوني راني بين نارين من جييهة حبيبي و تقدروا تقولوا خطيبي يعني بقات غير الخطبة تاع العرضة...........ومن جيهة ماما لي كل ما نهدر معاها ماتحبش تسمعني .............
انصحوني راني حاسة روحي وحدي والدنيا ضاقت بيا خلاص
راني متوكلة على ربي وعلى النصائح تاعكم................
ما فهمتش علاش هي واختي الوحيدة معارضين.... يعني ماكان حتى سبب باين هو الله يبارك متربي و ولد فاميليا وخدام لاباس بيه والخمد لل -مقاول- وطفل واحد في العايلة.........
راني نستانى في الردود نتاعكم............

وعليكم السلام ورحمة الله وبركاته
عزيزتي مازالك صغيرة على الزواج راكي 17 سنة ما زلت مراهقة وممكن هذا الحب نزوة وتفوت
انا من رايي خوذي راي امك لان الام اعرف بمصلحة ابنتها
وخاصة راكي حابة تدرسي الطب مازال المشوار طويل بزاف ورب يوفقك واش تتمناي
انا مانضنش يقدر يسناك كا هاذ المدة
الان راكي صغيرة وصغيرة بزاف مبعد كي تكبري وتتزوجي وتفهمي كلام امك لانك الان ما تقدريش تستوعبيه
الزواج يا حنونتي ماهوش غير حب راهو مسؤولية كبيرة وموش شرط الحب في الزواج المهم يكون الاحترام بين الطرفين وحبيبتي صدقيني الحب الحقيقي يجي بعد الزواج ......
ورب يوفقك لما يحب ويرضى خمي في قرايتك ضرك ونحي عليك فكرة الزواج