الى كل المقصيين من الدماج

mhamed5 · 2011-05-13, 12:45

أيها المقصيون من الادماج كونو يدا واحدة يجب ان نتحد لنقاطع تصحيح امتحانات الفصل الثالث حتى ندمج كلنا . هذه آخر فرصة لنا يجب تحقيق المطلب لأن الادماج للجميع

amine2458 · 2011-05-13, 20:06

تصور نفسك وأنت على تلك الحال وأتتك سكرة الموت يوم تلتف ساق بساق حينها لن ينفعك لا بن بوزيد ولا غيره ولا منصبك أخي خذ ما أعطاك الله ولا تلعب بمستقبل التلاميذ وأصبر وأحتسب ولا تقنط من رحمة الله تذكر المريض في المستشفى وكذا من يحفر قبره الآن ومن يعاني من الفقر والتشرد والجوع ستجد نفسك أحسن حال من كل هؤلاء أخ عليك بتقوى الله

mhamed5 · 2011-05-13, 20:59

ما يحس بالجمرة غي المكوي بها .حنا تلاوحنا في الشارع حتى هبلنا و في الاخير تجي وتقولي تعرف ربي. حنا ربي نعرفوه بلا ما يوريهلنا واحد .لكن هذه هي الدنيا لوكان تكون ضعيف يصرالك كي النعجة مع الذيب

سليم عبدو · 2011-05-13, 23:37

وانا حبيت نقلو حاجة اذا حاب تدير روحك واعض روح للجامع احنا نعرفو واش يخرج علينا وعنا مثل يقو ل النفخ في الطرابيش ولخلا في العشايش خويا الباهي نقلك حاجة روح تلعب علي روحك خير احنا مناش لاهين بالفتاوي والارشادات

nedder · 2011-05-13, 23:50

عندك الحق أخ سليم .

akram2012 · 2011-05-14, 00:00

اين الله ؟

mhamed5 · 2011-05-14, 06:42

و الله غير صح سليم عندك حق

مراد حاج كولة · 2011-05-14, 08:19

السلام عليكم ورحتة الله تعالى وبركاته اخوني انا والله معكم قلبا وقالبا لاكن الطريقة التى كانت ردودكم على زميلكم كانت قاسية نوعا ما ارجو ان تعذروني لاني تدخلت ...لاكن عندي سؤال ..هل كنتم في ساحة الادماج يوم 20 ماس 2011 الى غاية ظهور الادماج ..ارجو ان ترد علي من فضلكم جميعا....

بشرى2008 · 2011-05-14, 08:21

يااخ حاج كولة انا حضرت مرتين

سليم عبدو · 2011-05-14, 10:25

بالنسبة لي انا ما حضرتش لساحة الادماج وبالنسبة الي الاخ الي يتكلم ويقول اتقو الله لازم يعرف حاجة انو مهوش ولي علينا وكل واحد يعرف صلاحو كي يحب يتكلم ما يمسش الناس واش راو يتشفي في الغاشي ومراحش نقلو اتقي الله واحنا حابينو ادماج للجميع دون استثناء والي تدمج مبروك عليه واالي ما تدمجش لازم يدي حقو

نقابي التربية · 2011-05-14, 10:44

كلامك صواب يا سي سليم ، الله يكثر من أمثالك اللي يعرفوا صلاحهم ، ماشي كيما اللي يعرفوا يهبطوا المورال للأساتذة

attaoui · 2011-05-14, 11:13

الادماج ان شاء الله للجميع فلا نستبق الاحداث

sundo31 · 2011-05-14, 12:44

من كانوا في ساحة الادماج 20/03 كلهم ادمجوا حتى المفصولين فهنيئا لهم

هاجر09 · 2011-05-15, 18:47

اقتباس:

المشاركة الأصلية كتبت بواسطة sundo31

من كانوا في ساحة الادماج 20/03 كلهم ادمجوا حتى المفصولين فهنيئا لهم

سلام اختي
انا كنت في الاعتصام من اول يوم الى اخره و لم يمسني الادماج
ماهو مصدر الخبر اختي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تقبلي مروري

بشرى2008 · 2011-05-14, 13:17

أخت sundo 31 من أين لك بالمعلومة لأني حضرت الاعتصام يومين وقال لي bilal maginot انهم كتبوا اسمي فى القائمة لكن لم يمسسني الادماج شكرا ان اجبتني على سؤالي