الى كل واحد من واد سوف

aimon · 2011-04-03, 15:51

اخوتي اخواتي في الله ارجو منكم ان تفيدوني وجزاكم الله كل خير انا من التل
صديقتي في الجامعة خطبتني لاخوها هي من الصحراء واد سوف والله اخلاقها عالية امي تقبلت الموضوع لكن ابي متاكدة انه له لن ليقبل يقولي سخانة وبعيدة وانا صليت صلاة الاستخارة والحمد الله مرتاحة
اخوتي مليحة واد سوف من ناحية السخانة وجاكم الله كل خير

عوماري · 2011-04-03, 16:32

يا اختي البليدة والشلف وغليزان احر من واد سوف في فصل الصيف
لكن ما دخل الحرارة في الزواج

sarl02 · 2011-10-14, 22:50

اقتباس:

المشاركة الأصلية كتبت بواسطة عوماري

يا اختي البليدة والشلف وغليزان احر من واد سوف في فصل الصيف
لكن ما دخل الحرارة في الزواج

قلها لاهلا اجيبك لمثلث الموت فالسخانة ...عين الدفلى الشلف غليزان...................والله عندك الحق اخي

amira3914 · 2011-04-03, 18:38

انا سوفيع يا الزينة الحقيقة هيا صح سخانة بصح حاجة عادية مش كبيرة لدرجة بابك يخاف من هذا الشئ واذا متقلق منالسخانة تقدر في الصيف تخرجي تصيفي هذا مكان وبصراحة مش نشكر في وادي سوف سقسي علينا وانتي تعرفي الجواب اختك اميرة السوفية

aimon · 2011-04-03, 22:35

ربي يجازيك على مرورك الطيب وربي يكتر من امثلك اختي اميرة يا امورة

aimon · 2011-04-03, 22:25

ربي يبارك في ناس الصحراء والله معروفين بكرمكم وطيبتكم شكرا اختي اميرة واخي عوماري تسلمولي يا حلوين

aimon · 2011-04-03, 22:26

ادعولي ربي يسهلي ويجيب لي فيه الخير ان شاء الله امين رب العلمين

aimon · 2011-04-03, 22:33

اخي عوماري كي تكون السخانة طبيعي ما تقدر تتاقلم بسهولة في البداية تكون صعيبة لكن ان شاء الله وباذن احد احد راح تكون الامور سهلة عليا لا تنسوني بدعاء

الظل الخفي · 2011-04-04, 09:50

ربي يسهلك أختي

واستخير الله في أمرك

واعلمي أنه خيرا

صورية ف · 2011-04-04, 09:58

اختي الغالية انتي مش اول ولا اخر وحدة تتزوج واحد من الصحرة

انا امي من المدينة وجات للصحرة وعندها 28 سنة متزوجة

ولاباس عليها المهم هو التفاهم

وتقدري في الصيف تروحي لدار باباك وتصيفي

ادا الشب منيح توكلي على ربي

وربي يوفقكم ان شاء الله

amira3914 · 2011-04-04, 18:31

والله يا لعزيزة قوليلي برك نسناك ونجي اعرسك ههههههههههههه هذا اذا منسيتنيش وعلباك السوافة يحبو الناس ملاح وانتي بيانة راح تربحيهم تم تم المهم التفاهم والنية الصافية انا عندي مروات خوالي من الجزائر تعرفي قمة ويموتو على وادي سوف ربي يقدرلك الي فيها الخير يا حنونة

aimon · 2011-04-05, 11:23

راكي معزومة من ليوم ربي يسهل هذا مكان قولي امين

amira3914 · 2011-04-05, 17:35

امين يا الزينة ربي يوفقك ويعطيك ولد الحلال من قلبي والله وانتي ادعيلنا نجيبو الباك

aimon · 2011-04-06, 12:29

ربي يوفقك فالباك والله ساهل متخافيش وتوكلي على ربي وخطيك من الغش كوني جدية وديري النجاح نصب عينيك دعواتي وامنياتي لك بالنجاح

سارة الوادي · 2011-04-06, 12:51

السخانة مش بزاف لكن رضي ولديك بلا ما تحوسي علا لحوايج الاخرى