كرهت من هاذ systeme

[imane1]

السلام عليكم ورحمة الله وبركاته


ليست ثمة أفضل من أن يجلس المرء مع نفسه جلسة مصارحة بعيوبه


نستطيع أن نقول بأنه مر تقريباً شهرين منذ بدأت الدراسة

لحد الان مازال ما استقريتش ( ومثلي كثر )

راني حاسه روحي ماراني حاكمة والو ، والله المستعان

بالنسبة ليا لقيت أخطائي الحمد لله :

1- 70 بالمية من درسك لازم تديه في القسم ( وتعاوده في الدروس الخصوصية )

2- الشي اللي تديه في الدروس الخصوصية لازم تعاودو بمجرد عودتك الى المنزل

3- الدروس لا بد أن تُحضّر بشكل يومي ( يساهم في تثبيتها )

4- كل درس من الدروس الأدبية لازم تحفظو في نهارو

5-الملخصات الأسبوعية للمواد الأدبية ، باش نهار تروح تحفظ ما ادوخش


تقولو ماكانش الوقت ؟ كاين الوقت .. التنظيم اللي مكانش ..

المهم كيما يقولك نتذاكرو أخطائنا الآن خيرمن نتذاكروها في مارس ولا جوان ..


وفقكم الله جميعاً

[اميرة الابتسامة]

شكرا لك ايمان و الله غير صح....

نقول لازم كل درس من المواد الادبية نراجعو في وقتو ومن بعد الوقت ماكانش....... والمواد العلمية مايكفينيش الوقت باه نحل تمارين الكتاب المدرسي ونزيد تاع المراجع...

المهم ربي يوفقنا ....


سلاااااام

[°واحد من الناس °]

لمزية لي ادركتي اختي

والله نقدر نقول معنديش مشكلة لانو انا خاصة المواد الادبية اذا ركزت مع الاستاذ التواريخ وكل شيء نحفظو ثم
ننصحكم بالنقاش لانو مفيد مع الاستاذ
هو ما خلى الدروس تبقى في ذهني
كل منقلب ورقة نقول هاذ فاهمها

ما عدا واحد الدروس نتاع فلسفة لي مكنتش نتبع فيهم

[imane1]

مانكذبش عليك اختي اميرة

الطريقة هذا ماخرجتش عليا ..

العقلية تاع اقرا وارمي للور ماهيش عقلية

لا أشعر بالرضا عن نفسي إطلاقاً ..


والدروس الخصوصية كيما ليها إيجابيات ليها سلبيات

تعلم التفنيين .. يولي الواحد مايقراش في الدار ما يحلش تمارين

يعتمد غير على واش ادى ثما ..

الله المستعان

انا راني مخنوقة من روحي اليوم ، ديموراليزيت كامل

عندي 20 خدمة مازال ما درتهاش ..

خص غير البكا ما بكيتش ههه

[اميرة الابتسامة]

المشاركة الأصلية كتبت بواسطة imane1

مانكذبش عليك اختي اميرة

الطريقة هذا ماخرجتش عليا ..

العقلية تاع اقرا وارمي للور ماهيش عقلية

لا أشعر بالرضا عن نفسي إطلاقاً ..


والدروس الخصوصية كيما ليها إيجابيات ليها سلبيات

تعلم التفنيين .. يولي الواحد مايقراش في الدار ما يحلش تمارين

يعتمد غير على واش ادى ثما ..

الله المستعان

انا راني مخنوقة من روحي اليوم ، ديموراليزيت كامل

عندي 20 خدمة مازال ما درتهاش ..

خص غير البكا ما بكيتش ههه

...ربي يكون في عوننا....

علابالك انا تاني حاسة روحي والو........ ونزيد نقولك غير الرنامج هو اللي يسلكهانا....كيما انا كلش مخلط .نقرى على هوايا هههههه ......حتى راني نسيت بلي عندنا مادة اسمها العلوم والاخرى اسمها الفلسفة.....ماندير فيهم والو...

صححنا فرضنا نتاع الرياضيات غير ب 1..و 2 ..... في الكلاسة كامل........ 2 برك داو8 على 10في فرض اقل مايقال عنه انه تافه.......كي عدناا نصحو حسيت بشوي نتاع الثقة......ومن بعد كي سمعت كلام الاستاذة هبطتلي المورال.......بالاحرى نقول قالتلي افطني شوي ........فرض ساهل .... والغاشي حابسة........سبحان الله علابالك....الريتم لي راني فيه والله مايبشر بالخير احيانا نقول راني فاهمة وراضية على نفسي بصح كي نقارن نفسي مع العام الماضي نقول راني0000000000000000000000000000000000000000000000 0000 حتى لزائد مالانهاية

الرياضيات راني شوي لاباس ...بصح وقتي مايكفيش ......احيانا نلقى الوقت يضيع وحدو وانا ماني قاادرة ندير والو....يااااااااااااااااااااااااااااااااااااه نحبس خير هههههه .......كي يلحق الباك يادرى واش يصرى

[الدرة الثمينة]

شكرا لكي أختي

ولكن لو نتعاونوا مع بعضنا و كل واحد يدير جدول للمراجعة و يقولنا عليها و نشوف الجدول لمليح و نطبقوه

[°واحد من الناس °]

اختي عليك بذكر الله
يمكن كل واااحد طرقو متخرجش على الثاني
مي ننصحكم باستعمال قلم الرصاص

في كراس الملخصات
ادي برك واش تشوفيه مهم
قسمي الورقة على زوج
وصغري الكتابة
في التاريخ و جرافيا 2.5 فقط
كي نشوفهم نفرح
مع انو كتبناااااااااا بزاااااااااااااف

[imane1]

المشاركة الأصلية كتبت بواسطة °واحد من الناس °

اختي عليك بذكر الله
يمكن كل واااحد طرقو متخرجش على الثاني
مي ننصحكم باستعمال قلم الرصاص

في كراس الملخصات
ادي برك واش تشوفيه مهم
قسمي الورقة على زوج
وصغري الكتابة
في التاريخ و جرافيا 2.5 فقط
كي نشوفهم نفرح
مع انو كتبناااااااااا بزاااااااااااااف

جزاك الله خيراً أخي

نحاول نبدا من جديد ان شاء الله

ونحاول نتدارك أخطائي ..

بارك الله فيك

[اميرة الابتسامة]

المشاركة الأصلية كتبت بواسطة °واحد من الناس °

اختي عليك بذكر الله
يمكن كل واااحد طرقو متخرجش على الثاني
مي ننصحكم باستعمال قلم الرصاص

في كراس الملخصات
ادي برك واش تشوفيه مهم
قسمي الورقة على زوج
وصغري الكتابة
في التاريخ و جرافيا 2.5 فقط
كي نشوفهم نفرح
مع انو كتبناااااااااا بزاااااااااااااف

انا التاريخ والجغرافيا ماعنديش معاهم مشكل .... قصة وانا حافظتهم..

المشكل المواد الاخرى والوقت

[‘♥’حسناء‘♥’ او ‘♥’جسناء’22‘♥]

مرسي ايماااااااااااااااااااان موضوع هايل

[°واحد من الناس °]

دروس الدعم هي الوقت لي راك تحكو عليه

بالنسبة ليا كي مرانيش نقراا فيها وقتها نستغلووو

[قلم : داعية]

السلام عليكم

اولا ياانسة يمنع الكتابة بالعامية

اللغة العربية الفصحى فقط

ثانيا اعلمي انك لو وضعت احسن برنامج

سر نجاحه هو الالتزام

ثالثا انا اطبق هذا البرنامج

https://www.djelfa.info/vb/showthread.php?t=408609

موفقة في شهادة البكالوريا

[الدرة الثمينة]

أنا عندي دروس الدعم مضيعة للوقت

حسب نتائج الفروض أنا منقراش الدعم و نقاطي عاليه أما ليقروا في الدعم نقاطهم تحشم

[fadi3]

انا موافق مع الاخ واحد من الناس فالوقت هو وقت دروس الدعم انا استغله في حل التمارين
وانا مع الدرة الثمينة فالسبب في اخذ دروس الدعم ليس عدم فهم الدرس بل عدم امتلاك الارادة لحل التمارين في المنزل
وانا اقول لك
ليس المهم اين انت بل المهم هو اين انت ذاهبة

لا تفكر في المفقود حتى لا تفقد الموجود

وانا انصحك بان تحاسبي نفسك كل ليلة
هل استفدت حقا من اليوم ؟
وارجو ان تفكري في الخطوة القادمة
مثلي انا فلقد نسيت المرحلة الاولى وبدات افكر فيما هو قادم وما استطيع ان اغيره واحسنه

[ساحر النهى]

معليش نسقسيك اختي
كيفه تقدرو تقراو الدروس الخصوصية وتجيكم حاجة عادي
تروحي تقراي ساعتين دروس خصوصية يحلكم الاستاذ 3 تمارين على الاكثر
لو كان تقعدي في داركم وتجيبي كتاب خارجي تقدري تحلي في ساعتين على الاقل 10 تمارين
وانتوما قارنو بنفسكم ، وزيد الدراسة لوحدك تخليك تبحث اكثر فاكثر ماتقارعش للاخرين
انا نتحداك و متاكد بلي شحال من مرة تغيبلك فحاجة تقولي معليش نخلي كي نروح للاستاذ تاع الدروس الخصوصية يشرحلهالي
لكن لو ماكانش استاذ الدروس الخصوصية انت ملزمة عن البحث عنها وخلال بحثك صدقيني تصيبي اكثر من الشي لي يعطيه استاذ الدروس الخصوصية ، هذا راي شخصس فقط وطبعا يوجد من يؤيدني ويوجد من يعارضني