لتعارف للبنات فقط

animasse · 2008-05-10, 14:17

انا اسيا نحب نقول للبنات يلا حنا نجعلو هذا الموضوع للنقاشات على الديكور على تنظيم البيت ونجعلو بيناتنا المطبخ نجيبلكم وصفات نتاع بعض الماكولات
وكذلك نجعلو تصويت انا نعرضلكم حاجا من شغل البيت وكل وحدة تقول رايها تحب تقوم بيه ولا لا بشرط بصاراحة يا خواتاتي وانا راني تاني نجاوب معاكم
نباو : بغسل الماعن

animasse · 2008-05-10, 14:21

انا ما نحبش نغسل الماعن حتى وهي ماما الغالية تقلي اغسليهم بالسيف :c ool:
ونتما واش رايكم

أم ريان الجنة · 2008-05-10, 14:38

ما عنديش مشكلة مع الماعن يعجبوني كي نغسلهم

animasse · 2008-05-10, 14:44

نشكرك على رايك اختي ونتمنى يكون كل الفتيات يجاوبو ونلقى هذا الموضوع ملتقى للبنات دوما انشاء الله

رشيدة نور · 2008-05-10, 18:10

واش نقولك راني كرهت منهم ملي شفيت على روحي و أنا نغسل فيهم ، دارولي الكوشمار .
تعرفي مرة أخرى في داري إن شاء الله نشري ماعن جوتابل .

المعلمة · 2008-05-10, 18:41

مرحبا مررحبا واش نرد عليك غسيل الماعين كورفي نتاع الصح مي الله غالب على ظهري ظهري ماكانش اللي يغسلي الماعين.

animasse · 2008-05-10, 20:24

والله رانا في كرفي كبير انشاء الله في وقتنا راه كاين ماشين تغسل الماعن
وشكرا على مشاركتهم

karimo06 · 2008-05-10, 21:00

salam
excusez moi participer
mais c'est pour vous aider
demandez a vos freres ou vos maris
de vous aider a faire la vaisselle
c'est pas hram un homme qui fait la vaisselle
moi j'ai toujour aider ma mere a faire la vaissaelle ou autre corve
et je le fais maintenant
salam

صاحبة السمو الفكري · 2008-05-10, 21:01

السلام عليكم ورحمة الله وبركاته...
انا نسيق الغرف ومنغسلش الماعين....ياه كي يجو عندنا الضياف كل طبسي ياكلو منو نحسهم يقتلوا فيا....هما ياكلوا وانا نحسب في الماعين..كي يجونا الضياف دايما تلقايني نخمم شا يغسل هاذ الماعين قااااااااااع
ميزيرية......انا مقديتلهمش

رشيدة نور · 2008-05-10, 21:20

و الله يا خويا كريموا ما دمت قلت أنك تساعد أمك و لم تقل زوجتك يعني أنك غير متزوج ، محظوظة من ترتبط بك لأنها ستلقى المساعدة من طرفك ، ربي يبعثلك بنت الحلال آمين .

تعلموا يا رجال من خوكم كريمو .
أين هو الزوج الذي يساعدني لازال في غياهب المجهول و أخواتي تزوجن و تركن الحمل كله علي .

رشيدة نور · 2008-05-10, 21:21

و أنت يا أختي سوفت هيرت ننصحك ما زيديش تحسبي لماعين كي جيوكم الضياف نخاف لا يجيفوا و تحصلوا في مشكل كبير .
ههههههههههههههه

animasse · 2008-05-10, 21:33

شكرا لكم على المشاركة في ابداء رايكم بهاذا الشغل الي ما يحبوم الا القلال لتوقيع

صاحبة السمو الفكري · 2008-05-10, 21:28

لالا ما تخافيش منحسبهمش قدامهم نروح للكوزينة ونبكي .....محافظة على شعورهم.
انا كون نقول لخويا اغسل الماعين يقلب الكوزينة على راسي.....لالا نغسلهم خير ونربح صحتي
كيما دروك راني مخليتهم في الكوزينة وقاعدة هنا في المنتدى قلت اون سي جامي بالاك نغيضهم ويغسلوهم في بلاصتي>>>>>>>>>>>>تحلم مسكيييينة

teffahelt · 2008-05-10, 21:30

الزوجة هي المسؤولة الاولى على نظافة البيت و ما فيه ..راكي تتعودي ..وتكوني ربت بيت

صاحبة السمو الفكري · 2008-05-10, 21:36

اقتباس:

المشاركة الأصلية كتبت بواسطة teffahelt

الزوجة هي المسؤولة الاولى على نظافة البيت و ما فيه ..راكي تتعودي ..وتكوني ربت بيت

يا اخي بارك الله فيك اعطيني أية او حديث تبين ان المرأة ملزمة باعمال البيت كلها ..ان انت قرأت سيرة النبي بموضوعية ستجد انه كان صلوات ربي وسلامه عليه يساعد اهله ويخيط ثيابه.ويصلح نعله...أم انكم تأخذون من السنة التعدد و ما يوافق ظروفكم؟؟؟؟
لست مجبرة على غسل الاواني ليمنحني الزوج وسام***ربة بيت***كثيرات هن من يتقن غسل الاواني ولكنهن بعيدات كل بعد عما نعرفه في قاموسنا ب*ربة بيت**يمكنك ان تضيف اليها ==ممتازة==