.....عندما كنت مثلكم ^^

[Histidine~]

السلام عليكم
انتوما طلاب السنة اولى ثانوي بالاك كاين اللي نقاطيه هبطو بزاف على نقاطي السيام
معليش ضروك توالفو و ابداو تطلعو بشوي ، المسألة مسألة عدم فهم عقلية الليسي
المهم اولا انا تلميذة علوم تجريبية ثالثة ثانوي ، جيت نحكيلكم على االقيمة المطلقة و اخواتها اللي مازالت تخلع حتى صحاب التغريمنال
اانا كنت من نوع (رجل لا يدري و لا يدري انه لا يدري) ، اديت السيدة قيمة مطلقة على محمل الاستهزاء ، قلت ساهلة ماهي والو ، كان يقرا معايا واحد شفتو يراجع و يعاود بديت نشك قلت علاش صعيبة لهاذي الدرجة ؟ و كي درنا الفرض اديت 7/20 كانت صدمة كبيرة لانه التالي نتع الكلاصة ادا 13 ، و بديت نبكي ما آمنتش روحي و ديت الدرس بلي منزيدش نستهزا ، نقلكم اقراو اقراو اقراو ، ضروك انا القيمة المطلقة راهي تبانلي والو و هاذوك اللي داو خير مني راهم يتبلوكاو كي يشوفوها ، و الله غير تعانو كون ما تقراوش ضروك كاين شي ناس ما يعرفوش الاسقاط نتع الفاصلة و الترتيبة ، كاين اللي ماهم يعرفو يديرو والو لانهم ما قراوش في السنة اولى ثانوي ، بالنسبة للعلوم الطبيعية لازم تقراوها انا كان قلبي يدور من التركيب الضوئي كي شغل كانت عندي فوبيا اللون الاخضر و كانت السنة اولى عام رائع من الذكريات اللي خليتها فذاك الليسي اللي ما يتنساش و بدلت الليسي لظروف شخصية و اليوما رحت للدروس الخصوصية شفت كلاصتنا نتع السنة اولى ما فيهاش الكراسة و الطوابل يعني فارغة و مظلامة ، و مهجورة ، قريب الدمعة سالت لي ، كان افضل عام عندي حاولو تستغلوه شوي قرايا و شوي لعب ، السنة الثانية يكون عام جدي جدا لبناء القاعدة للنهائي ، و بالتوفيق لكم

[zizo math]

شكرا على النصائح
جزاك الله خيرا

[♥همس الاحساس♥]

معك حق بارك الله فيكي