مشكلة معقدة

[مشكلتي]

نكتب بالدارجة بش تفهموني خير. أنا راجل عمري 34 سنة خاطب من حوالي 4 سنوات و مازال مازوجتش خاطش خطيبتي تكمل في قرايتها و اتفقنا نستناها على مضض بش ما تروحش من يدي. المشكلة مش هنا المشكلة أنو يما من 10 سنوات جابت بنت صغيرة تربيها هذاك الوقت البنت كان عمرها حوالي 7 و لا 8 سنين كي جابتها و ساعدنا كل في تربيتها يعني أنا كنت بمثابة أب ليها مع اني كنت في بداية العشرينات برك .كنت نديها للمدرسة نشريلها ملابس حلويات المهم متهلي فيها و كنت فرحان بيها خاطش يما كانت مراة كبيرة و محتاجة بنت توقف معاها و حنا في الدار كانت عندنا اخت واحدة بصح متزوجة بعيدة علينا.المهم انا ضرك واقع في غرام البنت هاذي بعد ما كبرت و صارت شابة جميلة جدا جدا جدا و عمرها حوالي 18 .علابالي راح تقولو عليا مانحشمش و مش راجل .بصح ماشي بيدي. البنت مقابلتني يوميا و تعاملني كاخ ليها يعني بلا حجاب بلا ملابس ساترة و جمالها فتان الصراحة و.راني حشمان من روحي و كاره روحي بصح ماقدرتش نخرجها من راسي .مابقيتش نشوفها الطفلة البريئة لي نديها للمدرسة.وليت نشوفها امرأة صالحة للزواج . جربت كل الطرق بش ننساها حتى أني حاولت نتقرب من خطيبتي أكثر بصح مانفعش و خطيبتي كل ما تقولي نأخرو الزواج نوافق و انا فرحان و انا على هذا الحال من عامين. راني حاب البنت بشدة و لو نعرف أنها تفكر نفس تفكيري نحرق الدنيا و نديها عادي بصح مانظنش تكون تبادلني المشاعر و لا حتى تخمم فيا كرجل. جاوبوني واش ندير خاصة رجال خاطش تفهموني اكثر.

[أثر]

للرفع " يحذف لاحقا "

[نجاة^^]

استغفر الله مالقيت مانقول
راك هالكها من الجيهتين الاولى خطيبتك اللي راهي دايرة فيك الثقة ،والثانية البنت اللي راهي معتبراتك اخ لها .اتق الله في بنات الناس.
لازم تزرب تتزوج لانو متوقع جدا حدوث كارثة والاحسن تخرج ببيت مستقل عن اهلك ،والا لن ينفع حتى الزواج ،حاول تبعد على الدار قدر المستطاع يعني تحاول تدخل غير في الوقت اللي متتلاقاوش فيه مثلا الليل ،وانت لازم تخبر امك تنصح البنت بالتستر امامك لانك تعتبر غريب عنها ،وانت احكم شوي عينيك ليك صلي وكثر الدعاء ،ربي يعينك ويفرج عليك.

[nilly]

سبحان الله هل انت اسنان تحب طفلة ربيتها كي اختك الصغيرة ماهدا يعني انتم مستعدون للاعجاب باي بنت الا اخواتكم من بطن امكم سبحان الله ماهدا مستغربة الا تخجل من نفسك وايضا تبرر انها لا تلبس الحجاب طبيعي انها لن تلبس داخل البيت فهي تظنك انسان وليش وحش
انا اخاف انكم يصل بكم الحال للاعجاب باخواتكم كرهتونا

[*** عبق الزهور ***]

ربي يجبر الاحوال

[نبض قلبي]

السلام عليكم
نيداو الطفلة اول شي غلطتها نورمالمون تكون تولهتلك من خلال معاملتك ليها الور لازم كانت تستر روحعا في لبلسها
ربي سبحانو و بين الخاوة ذكورا و بنات وقالك فرقو بيناتهم في المضاجع
ثاني شي ، اخي اي راهي اختك و بعدك على روحك الوساريس و زير خطيبتك و قرب العرس تاعك و خلي اختك تفرح بيك و بركا تمسخير
و خطيبتك خير ولا تروح تدي وحدة كي تتزوجها يقولك كشما دارو على هذيك داها
خلي الطفلة في راحتها و نحي الافكار هذو من بالك
ربي يجيب الخير

[ع.عيسى]

واش راك تقول يا اخي ..هاذي بمثابة اختك ، كبقاش تنجذب الى فتاة تربات من صغرها في داركم ؟..

[~ابتسامة~]

بصح هذي مشي خته يمكن ليه يتزوج بيها في للحلال عادي بلاك للبنت يتيمة ولا معندهاش وين تبقا كي يتزوجو كامل واحد تعرفو خير من واحد مجهول ربي يفرج عليك خويا للمهم حاجة للحرام جبد يدك منهاااااا ودير في بالك بلي غادي تحرق قلب بنت اخر ستنيتها ومبقاش قد لي فات فكر خويا وصلي صلاة استخاااارة

[sohaibdz]

منلومكش من الناحية اللي وصفتها كل رجل في كامل قدراته يكون عندو نفس ردة الفعل ، الطفلة ليست اختك
او من محارمك 24/24 ساعة معاك في نفس الدار واش تحب يكون ، المشكل ماش هنا المشكل كيفاه رضيت من الاول تعيش معاكم ؟!!! ممكن تقولي كانت صغيرة ، ايه كانت صغيرة بصح تكبر مع الوقت ، نقولو انت فاتتك و اختك؟ كيفاه حكايتها لقات هاذا هو الحل باش تتهرب من مسؤوليتها مع امها ؟؟ تجيبلها طفلة غريبة عليكم تعيش مع امها و خوها؟؟؟؟؟
الحل تروح تكري ولا تشري دار و متزيدش تشوفها خلاص بالحجاب ولا بلا بيه لانها فتنة بالنسبة ليك و كاين حل تاني منظنش تقدر عليه شوية صعيب هو انك تتزوجها اذا قبلت هي و امك لانه من الناحية الشرعية مكانش مشكل على حد علمي

[محارب الحمق]

بعض المعلقين هنا يهترفون بما لا يعلمون. هذه الفتاة ليست أختك على الاطلاق فلاهي رضعت من أمك ولا هي من لحمك ودمك. يجوز لك الزواج منها. التبني حرام في الاسلام بل الكفالة هي ما يجب أن يكون. فإن كانت كفيلة فهذا يحسب للعائلة. لكن أن تتعرى في المنزل وتبدي مفاتنها على اعتبار "أنها اختك" فهذا جهل شديد وعصيان كبير لله. فكل نظرة نظرها الرجال الاجانب في هذه العائلة الى هذه البنت والى مفاتنها هي ذنوب تسجل في سجلاتهم وسجلاتها. أي أنها الأكثر تضررا. عليك أن تحسم أمرك. يا إما تخطب هذه "الأخت" وتتخلى عن الأخرى يا إما تتخلى عن "أختك" وتبعتد عنها. لا تأجل الأمر. عليك بالحسم. كما عليك تنبيه العائلة بأن هذه الفتاة أجنبية عنكم وعليها ستر نفسها في المنزل أمام الرجال كما تستر المرأة نفسها عند الخروج من المنزل

[عثمان الجزائري.]

قبل أربع سنوات البنت التي هي بمثابة أختك كان عمرها 14 سنة يعني لو تزوجت عندما خطبت لكنت قد تخطيت هذه الفتنة بسلام لكن قدر الله و ما شاء فعل، الآن يا أخي بارك الله فيك أنت في معصية ليل نهار و 24 ساعة يوميا، انصحك أن لا تؤخر الزواج و إعجابك بالبنت مجرد شهوة نفس فقط...عندما تتزوج و تنفصل ببيتك ستتغير حياتك و هذا بطبيعة الحال إذا عرفت حدود الله...

[amoulette]

تحدث مع والدتك في الموضوع فهي اجنبية عنك و يجوز لك الزواج بها ان وافقت تزوجها
و ان لم توافق قرب موعد العرس و استأجر بيتا و انساها

[سيرين راجي]

انا بالنسبة لي راك تخون في خطيبتك الافضل تصارحها اما الفتاة فيجوز لك الزواج بها لانك غريب عنها لكن كان لازم تفكر في خطيبتك كيفاه تدير معاها الافظل الطفلة كي بلغت لازم تتحجب قدامك صارح خطيبتك بالحقيقة يكفي من الخدعة وصارح الطفلة وشوف النتيجة

[قدور بن عاشور]

أولا الطفلة هذه أجنبية و ليست حتى بنت عمك أو خالك فضلا عن كونها أختك،
و لا تربطك بها رابطة الدم
و الذين يضعونها موضع الأخت هم في الحقيقة جهلة،
فكيف يجوز للرجل نكاح ابنة عمه مثلا و هم قد تربوا في بيت واحد كالإخوة، و لا يجوز له نكاح الأجنبية؟
المهم، أنت في حالتك الآن مرتبط و راك شديت الخطيبة تاعك 4 سنوات كاملة،
لم تتزوجها و لم تتركها لحالها،
فلا يحق لك من باب الرجولة تركها و الإلتفات إلى غيرها.
و زيد أحشم على عرضك، قاعد تكحل على الطفلة في الدار قدام أمك،
إذا لم تنتبه لذلك فحتما أمك منتبهة.
غض بصرك و تكلم مع الطفلة ،مادامت تعتبرك أخاها الكبير، تستر روحها شوية.

[survivor-Dz]

باش ما تظلم نفسك ولا خطيبتك اتزوجهم في زوج