الجميع معني =)

mimiroza · 2018-06-27, 11:34

السلام عليكم اشبال البكالوريا

كيف الحال

ارتحتوا جيداااا ؟؟
راكم كامل معروضين اليوم تجيو تحكولنا على موقف طريف حدثلك في ايام البكالوريا

خلونا نضحكو شوي

mimiroza · 2018-06-27, 11:50

طبعا ,,لا يحلو اليوم بدون سقوط خطير بين الملا هههه مع صباح الرياضيات

يوم الفلسفة كنت اكتب واكتب واكتب مع رفعت راسي وشيء يصدم براسي ماهذا طبعا قذائف المصحح (لكنها افادتني في تذكر بعض الاقوال )

يوم العلوم بعد التركيز الفائق والكتابة المتواصلة لم اعد احس اين انا ههههه مديت ورقتي وجيت خارجة ثم نادتلي الاستاذة قاتلي والامضاء ؟؟ ايا خرجت من المركز انظر هنا وهناك لم اجد الوالد

اسمع صوته ينادي لي لكن اين هو

ثم مشيت اتجاه المنزل ثم لحق بي الوالد ههههه قالي من اللي مشفتينيش باينة هلكتيها اكتفيت بالصمت والنظر طويلا لعلي استعيد تركيزي ...

ilyes1996 · 2018-06-27, 12:19

هههههه اناااا من قلق تاع اونجلي خرجت ما عرفتش مابا وين درت بيومتري خلبتها عند صحبتي وخرجت ههه مهمم جمعة وليت نحوس عليها وما اقيتهاش بكيت بزاففففف حسيت باك راح وغدوا ان شاء الله السبت راح معايا بابا قالوا لي طلعي ديكلاري قيس 1.30 وهي 2.30 يبلعواا باب ههه وليت ميتة بالخوف دخلت لكلاسة قعدت غير نخمم وقريب نبكي حتى تدخل صحبتي وتقولييي مالككيي نسيتي عندي صوالحكك ونطلع نقز و زقي واحد فرحةة جاتنييي هههه قلت الحمد لله يا سلاممم
هههه وكي نزيد نتفكر اني نحكي

إينَاس · 2018-06-27, 12:31

صارت معايا قصة في اليوم الأخير فرحتني بالزاف مي منقدرش نحكيها

ربي يوفقكم

sweet girl 07 · 2018-06-27, 12:37

هههههههههههه انا تودرتلي لاكارت تاعي نهااار لول هههه ومبعد لقيتها وزيد تاني مع جيت راح نبدا كي قسمت ورقة الاسئلة به نفصل
الموضوعين ههههه تقطعووو في زوج بسيف جابولي ورقة اسئلة اضافية ههههه

وزيد كي جاو يديرولي جهاز كشف المعااادن صونا فيا ههههه وهيا كاين واحد الحديد في الخمار تاعي ههههههه يحسابو فيا دايرة بلوتوث والله خوووفوني مبعد ولاو يضحكوووو عليا

المُعادلة الصّعبة · 2018-06-27, 13:00

انا اليوم الاول ليلة كاملة بايتة حية ما قدرتش نرقد بايتة نبكي ونتقلب عيييت نرقد عيييت ومام جيت حطيت موضوع هنا فالمنتدى من القنطه ههههههه هاو ليك

ماحسيتش بـ ذرة نعاس هههههههه

ومبعد قلت مادام مانعستش ننوض نكمل نراجع المهم بقيت نراجع نراجع

وصل الوقت باش نروح
نضت لبست قشي الجديد وستيكيت مليح كيشغل يوم العيد ههههههههه و ندير فالسلفي وفرحانه بروحي

وصلت لقاعة الامتحان بدا يهبط عليا النعاس
حطوا السوجي بديت ندووخ كي الناموسه لي فشوا عليها فليطوكس هههه بسسسسسسسسيف لا قدرت نحكم التوازن تاعي
نجاوب وبسيف قاعدة نركز
رجعت للدار بغيت نكمل نراجع شريعه قاتلي ماما لالا راكي تعبانه رقدي شوية
تغديت ومبعد قلتلها نرقد نص ساعه برك ونوضيني
فاتت نص ساعه جات نوضتني نضت كي المهبولة تعرفي المهبول !!!؟؟
نضت نترعد ونرجف وحدي وحابه نرد ونتقيا حاشاك
ماقدرتش نوقف على رجليا و نخلط فالهدره ونهذي
وقفتني ماما رحت بردت وجهي وقلتلها مانيش قادرة نجوز شريعه
فعلا فعلا اللحظه هذيك وصلت للحد تاع ما نقدرش
وهي تصبر فيا وتكوراجي فيا

وانا نهدر وهي تهدر ماهيش مخليتني يطيحلي المورال مسكينه وهي خالعه كثر عليا هههه
دارتلي القهوة باش يتنحاا عليا وماكملتش راجعت كمية من الدروس ويا دلالي
بقيت نخلط فالهدره تاع واحد مريض مش في عقلو ونرجف وحدي
انا نسكن خطوه حذا الليسي قاتلي نهبطك معايا نوصلك انا لليسي مسكينه
قلتلها لالا
كي شربت قهوة بدا يتنحا عليا و بصح نمشي بالسيف
موقف صعيب صعيب صعيب للغايه بصح ضرك كي نتفكرو نضحك هههههه
كي حطولنا السوجي جاوبت نورمال وبصح نقاوم في نعاسي
رجعت للدار رقدت شوية زدت نضت نراجع الرياضيات معامل 7 خخخخخ ما نخلطش معاها
الحمدلله كي عطاونا يوم الجمعة هذاك نرحوا فيه لاني فعلا كنت محتاجاتو تقريبا رقدتو كامل

وماكانش ليلة ما فوتتهاش بيضاء تاع الباك
يوميا نسهر مانطعمش النوم
تعبت خلاص ههههه بصح والفت باللقطة تاع نوصل للقاعه نفشل وليت نقاومها ههههه لقيت دواها لي هي القهوة
كانت اصعب ايام حياتي بصح ما تتمحاش من الذاكره ههههه

sweet girl 07 · 2018-06-27, 13:06

اقتباس:

المشاركة الأصلية كتبت بواسطة المُعادلة الصّعبة

انا اليوم الاول ليلة كاملة بايتة حية ما قدرتش نرقد بايتة نبكي ونتقلب عيييت نرقد عيييت ومام جيت حطيت موضوع هنا فالمنتدى من القنطه ههههههه هاو ليك

ماحسيتش بـ ذرة نعاس هههههههه

ومبعد قلت مادام مانعستش ننوض نكمل نراجع المهم بقيت نراجع نراجع

وصل الوقت باش نروح
نضت لبست قشي الجديد وستيكيت مليح كيشغل يوم العيد ههههههههه و ندير فالسلفي وفرحانه بروحي

وصلت لقاعة الامتحان بدا يهبط عليا النعاس
حطوا السوجي بديت ندووخ كي الناموسه لي فشوا عليها فليطوكس هههه بسسسسسسسسيف لا قدرت نحكم التوازن تاعي
نجاوب وبسيف قاعدة نركز
رجعت للدار بغيت نكمل نراجع شريعه قاتلي ماما لالا راكي تعبانه رقدي شوية
تغديت ومبعد قلتلها نرقد نص ساعه برك ونوضيني
فاتت نص ساعه جات نوضتني نضت كي المهبولة تعرفي المهبول !!!؟؟
نضت نترعد ونرجف وحدي وحابه نرد ونتقيا حاشاك
ماقدرتش نوقف على رجليا و نخلط فالهدره ونهذي
وقفتني ماما رحت بردت وجهي وقلتلها مانيش قادرة نجوز شريعه
فعلا فعلا اللحظه هذيك وصلت للحد تاع ما نقدرش
وهي تصبر فيا وتكوراجي فيا

وانا نهدر وهي تهدر ماهيش مخليتني يطيحلي المورال مسكينه وهي خالعه كثر عليا هههه
دارتلي القهوة باش يتنحاا عليا وماكملتش راجعت كمية من الدروس ويا دلالي
بقيت نخلط فالهدره تاع واحد مريض مش في عقلو ونرجف وحدي
انا نسكن خطوه حذا الليسي قاتلي نهبطك معايا نوصلك انا لليسي مسكينه
قلتلها لالا
كي شربت قهوة بدا يتنحا عليا و بصح نمشي بالسيف
موقف صعيب صعيب صعيب للغايه بصح ضرك كي نتفكرو نضحك هههههه
كي حطولنا السوجي جاوبت نورمال وبصح نقاوم في نعاسي
رجعت للدار رقدت شوية زدت نضت نراجع الرياضيات معامل 7 خخخخخ ما نخلطش معاها
الحمدلله كي عطاونا يوم الجمعة هذاك نرحوا فيه لاني فعلا كنت محتاجاتو تقريبا رقدتو كامل

وماكانش ليلة ما فوتتهاش بيضاء تاع الباك
يوميا نسهر مانطعمش النوم
تعبت خلاص ههههه بصح والفت باللقطة تاع نوصل للقاعه نفشل وليت نقاومها ههههه لقيت دواها لي هي القهوة

كانت اصعب ايام حياتي بصح ما تتمحاش من الذاكره ههههه

ضحكتيني هههههههههه هادي كامل خلعة

mimiroza · 2018-06-27, 13:41

ههههههه والله غير ضحكتوني يعطيكم الصحة
ريان الخلعة تلفتهالك ههههه

المُعادلة الصّعبة · 2018-06-27, 19:21

اقتباس:

المشاركة الأصلية كتبت بواسطة sweet girl 07

ضحكتيني هههههههههه هادي كامل خلعة

ممكن نتعرف بيك

ههههههههه شفتي
معاك ريان ختي
ونتي

اقتباس:

المشاركة الأصلية كتبت بواسطة mimiroza

ههههههه والله غير ضحكتوني يعطيكم الصحة
ريان الخلعة تلفتهالك ههههه

والله رحت فيها خلاص هههههه كان يوم صعيب خلاص

sweet girl 07 · 2018-06-28, 08:57

[QUOTE=المُعادلة الصّعبة;3997571328]ههههههههه شفتي
معاك ريان ختي
ونتي

انا ايمان معريفة خير اختي

~ هبة الله ~ · 2018-06-27, 15:52

الموقف لي جامي ننساه في امتحان الانجليزية رقدت نصف ساعة حتى جات نوضتني الحارسة هههههههههه من كثرة لي تعبت رياضيات أثرت عليا
و تاني نهار الفلسفة أنا ماكنتش نروح للدار بعيد بزااف كنت نقعد ف المركز لا ماكلة لا والو أيا داك النهار فات عليا حارس و شرطي كانو هازين الماكلة و أنا كنت نريفيزي مقالة أصل الرياضيات المهم كي شفتهم قلتلهم واش تاكلو وحدكم أنا حسبت قلتها بيني و بين روحي و هوما سمعوني مساكن راحو خلصولي فطور و زوج قارورات ماء و شوي حلوة هههههه
هاد الموقف تاني ماننساهش

طالبة لها هدف · 2018-06-27, 16:01

نهار المات كيما خرجت على 12.45 دقيقة خرجت من القسم ما قديتش نهبط سلالم جا فايت عليا حارس رافد قهوة هههههه تالمو عيانة صرالي كيما هبة عمبالي حكيتها بيني بين روحي قتلوا اياه غير كون جات عندي القهوة هوا راه يسقسي فيا يا طفلة شبيك و انا عينيا على القهوة تلفتهالو مسكين حتا خرجني من ليسي راح شرالي قهوة و جا يجري هه عمباتلو رحت فيها

~عيون القلب~ · 2018-06-27, 16:15

ههههه يا سلااام شحاال رائعة قصصكم
زيدو زيدو عجبتوني بزاااااف

jë suîs comçà · 2018-06-27, 16:27

تعرفو الاحرار يطيشوووهم لابعد مكان المهم اليوم الأول مرقدتش مليييح مالا من لعييا خرجت من الشريعة ركبت في bus مع بابا لي كان معايا طول الوقت من التعب نسينا وين نهبطو ايماجيييني قعدنا وحدنا في bus هههه قالنا وين تهبطووو !!!!
ههههه تشوكينا حرنا وين رانا ههههههههه
تبهديلة مننساهاش

unknown person 1 · 2018-06-27, 16:34

عن نفسي لا تحدث معي الا المواقف السيئة طاحتلي البيومتري مع الحاسبة في المرحاض و بدات المعاناة في كيفية سحبهما المهم يخي جبدتهم دون ذكر التفاصيل