الجزائر رسميا في جنوب افريقيا ..ادخل وشوف الخبر عاجل

هشام بو · 2009-11-04, 17:10

السلام عليكم ...قبل أن ابدا الموضوع ارجوا واتمنى ...من الاشراف عدم غلق الموضوع ارجوكم ارجوكم واللي يدخل يقرا الموضوع حتى الاخير

الموضوع هو يا خاوتي أنا اليوم نظت الصباح عيان مشبعتش الرقاد ..رايح للجاميعة زعما نقرا ..بصح الرقاد مشبعتوش و14 نوفمبر هبلني صدقوني من نهاية مقابلة روندا وانا نحلل ونفسر ونتوقع ونخطط .......صدقوني سعات نحط روحي في بلاصة سعدان ....سعات في بلاصة قواوي .....سعات رورواة.......سعات زياني .......سعات غزال ........سعات ...........وروح فيها

وليت محلل رياضي .......وليت صحافي كل الاحتملات صدقوني درتهم ....صدقوني منقدرش نشرح كلش بصح كاينة حاجة جديدة لازم تعرفوهاااا

اليوم درت في بالي كي خرجت من الدار ...كون نشوف واحد زلق في الطريق ....راه رسالة بلي راح نروحو لكاس العالم .........المهم دخلت الجاميعة نمشي ونعس كشما نشوف واحد زلق في الطريق والو.............طولت الحكاية ومن بعد نسيت ...انا قاعد مع عون امن صاحبي نحكيوووو ........يجي واحد يدخل ويزلق ونعيط انا وااااااااااااااااااااي 123 فيفا لاجيري صاحبي مسكين ما فهم فيها والو ......حكيتلو قالي ايملا قبيلا تاني زلقت وحدة ايا معليش ......................انا جيت مروح وقبل منروح رحت لابوست نخلص الفاتورة ...ويجي واحد يدخل ويزلق ........يا خاوتي كي زلق تاني فرحت بصح المرة هذي معيطش ...لانو صايي ظمننا الطلعة

علابالي راح تقولو مريض بالصح الله غالب الفريق الوطني هو روحي وراني مهلوك مهلوك منعرف وقتاه نرتاح

تهلاو في الردووود

tebci · 2009-11-04, 17:18

اخي انا نقلك استهلا في روحك ... انا تاني حلمت في المنام انو تأهلنا للمونديال بهدف من غزال ... لكن يبقى حلم نتمنى التحقيق من الله

اخي حط في رأسك كل الاحتمالات باش ما تكونش مفاجاة ليك .. لأنو قادرين اللي راهم الهيه يزورو والا يسحرو ولا يرشو ولا .... ماكش عارف على الدنيا وش فيها .... انا ما نقصد حتى واحد يا كنترول ههه ....... المهمخويا استنى البشعة باه تجي السمحا .... واذا ماجات على الاقل كنا نستنو فيها

ان شاء الله تكون فهمت قصدي

محارب الصحراء2 · 2009-11-04, 22:32

سنفوز إن شاء اله

rockrock · 2009-11-04, 22:39

nachallah l'algerie califier

22amine · 2009-11-05, 16:15

كاليفي نشاله كونك هاني وفكر فالربح وماتفكرش كيفه تربح

hiba308 · 2009-11-05, 16:44

انشاء الله في المونديال

mebarki33 · 2009-11-05, 19:20

ان شاء الله من فمك لربي

يوسف المدريدي · 2009-11-05, 23:37

ان شاء الله الفوز والتاهل وسحق المنتخب المصري بنتيجة ثقيلة

فتحي_المغبون · 2009-11-06, 10:31

أن شاء الله و علاه لا أن شاء الله نروحو للمونديال

¨°o.سيدو~علالو.o°¨ · 2009-11-06, 10:38

يا اخي لو نديروا كيما انت.........والله غيرجاميعة نزلقها كامل في الطريق
المهم تطلع الدزاير برك..........ونزلق روحي انا تاني ههههههه
مشكوووووور يارب 2-0 ولا شحال المهم المونديال متهمش النتيجة

سلام...