يا لبناااااات سلكوووووووني

[أم *عائشة*]

سلام راني ندير فلمسمن بالفرينة عجينة روووعة بصح كي راني نطيبو يجي يابس من برى !!!!! راهم جاييني عندي ضياف تعيشوااااااا

[kari yacine]

ديريه فساشي باه يطرى شوية انا ندير تاع السميد

[ملاك ملاكي]

تمنيت نساعدك مي للاسف بكل صرااااحة جامي درته.....درك نشوف مع البنات لعلاه يجيو يساعدوك......واعتذر منك

[mosta*limoges]

باه مايجيكش يابس ماتخليهش يطول في طاجين غير يحمار إقلبيه و خطرة على خطرة رشيه بالزيت و مين تنحيه خليه يبرد شوية و ديريه في ساشي

[حياة نور الدين]

اهلااا اختي شوفي لازم متخليهش فوق نار قاوية وتبقاي غير تحركي في الحبة ورشي بشوية زيت وكي تنحيها خليها تبرد شوية وغطيها وكي تكملي ديريه في ساشي
وشوفي طريقة ام وليد بلاك تفيدك اكثر

[أم *عائشة*]

صحيتو درت كيما قوتولي طاب خير ملي كنت نطيبوا بصح ماجاش شباب الشكلبصح بنين شكرا لكم على المساااااااعدة لكم مني تقييم

[أم *عائشة*]

هادي المرة الثانية اللي خسرلي قلت منزيدش نعاودوا و كلاوني يديا

[ملاك ملاكي]

المشاركة الأصلية كتبت بواسطة oum_aïcha

هادي المرة الثانية اللي خسرلي قلت منزيدش نعاودوا و كلاوني يديا

ماعليش حبيتي ياك راكي بدارك وحدك.....لبزي وعااااودي
وااااحة فينا ما ناظت متعلمة وكاملة مكملة الكمال لله وحده.....ما العكس بالنسبة ليا فرصة تتداركي فيها مرة يصيب ومرة يخيييييب حتى تولي تتفنني فيه وفي جميع المجالات.....وسعي بالك وكبري عقلك حبيبتي وطيشي عليك القلقة
موفقة ان شاء الله

[oumelabedmh]

السلام عليكم
اختي انا موالفة ندير المحاجب والمسن غير بالفرينة عادي اولها يجي مقرمش من برا صح كي تغطيه ويبرد يطرى عادي جدا غير ما تخفيش
انا العكس نحب ناكلو اولها وهو سخن يقرمش سورتو المحجوبة امممممممممممم بصح كيما قالوللك ما تقويش النار.بصحتكم مسبقا

[أم *عائشة*]

جاتني الضياف وحطيت التبهديلة تع المسمن مع معجون التفاح درتو جا يهبل بصح المسمن هههههههه هههه جا اضحوووك معمر زيت و شفاف مزيت يابس ونص طري هههههههه المهم تبهديلة من النوع الراقي و الرفيع هههههههه الضياف يكونو لاهل زوجي اكمتل التبهديلة هههههههه هههه معليش أن شاء الله ينجحلي مي اخر مرة نديروا بالفرينة بالسميد تبانلي خير المهم �������������������������� صحيييتو قع رب يخليكم حبيباتي

[جهينة اليقين]

حبيبتي ام عايشة مرة اخرى الضياف قدمي لهم وصفة تكوني مجربتها ومعاودة وناجحتلك باه ما تتبهدليش وكي تسيي حاجة تكوني وحدك نجحت ابارك الله ما نجحتش واحد ما شافك

[أم *عائشة*]

يا اختي درتهم بش نجربهم انا درت العجينة قالو رانا جاين مالا كيما كان الحال الحمد لله على كل حال