كسرة بمقادير مضبوطة

اميريم19 · 2016-10-25, 11:17

السلام عليكم
كانت عندي مشكلة مع الكسرة مرة تجيني مبسسة بزاف ومرة ناقصة بسوس مرة جارية ومرة يابسة فقررت نضبط المقادير وجربت حتى وصلت للكيل المناسب ورجعت تجيني ديما كيما نحب فقلت نتشارك معكم الفكرة
للكيل كاس180مل لخبزة صغيرة و200مل لخبزة متوسطة
أنا نستعمل هذا الكاس وملعقة قهوة صغيرة
https://www.m5zn.com/d/?16491569
المقادير
3 كيلات سميد متوسط
ربع كيلة زيت
2 ملاعق صغار ملح
ملعقة صغيرة ونصف خميرة الخبز
كيلة الا ربع حتى كيلة ماء على حسبالسميد يشرب او لا
التحضير
نخلط السميد والملح ثم نبسس بالزيت كيما المقروط
نضيف الخميرة ونخلط ثم نلم بالماء يمكن نخليها ترتاح لكن نضيف الماء أنا نعجنها مباشرة
نحط الطاجين ونضبطه مباشرة على الحرارة لي رايحة نطيب عليها لانه اذا سخنته بزاف ثم نقصت ممكن تتحرق بمجرد ما نحطها
نقطع العجين مليح ثم نعجن غير شوية قيس ما تولي متجانسة وملساء باش ماتوليش مطاطية
نحل بالحلال ونثقب بالفرشيطة
في هذا الوقت يكون الطاجين سخن كيما يلزم طيبيها على الجهتين وبالصحة
https://www.m5zn.com/d/?16491577