غريبـــية تحححفـــــــــة من مطبخــي تذوقي على ضمانتي

Esprit f · 2016-10-11, 15:36

السلااام عليكم اخواتي في الله
عدت والعود احمد وجبتلكم غريبية هااااايلة من دون لبلابي بل المقادير البسيطة العادية نتاع جدتنااا

لكن المذاق عصري
بدون اطالة نبدالكم بالغريبية
المقادير
500 غ سمن طري يعني فقط بحرارة الغرفة
300 غ سكر ارطب
كاس شاي زيت
300 غ كاوكاو محمص ومرحي رقيييق
فرينة محمصة في الفرن
للتزيين استعملت بيسطاش 150 غ تكفيك لهاد الكمية وتوفي

الفرينة اختي حمصيها في بلاطو الفرن كي يبدى يتغير لونها اجبديها

وراح تحتاجي في هاد الوصفة حوالي كيلو الى كيلو وشششوي حسب الفرينة
والعجينة طبعا ما تديريهاش طرية بزاف باش ما تطيحلكش في الفرن

الطريقة
في بيترا او روبو الموس حطي السمن والسكر الارطب والزيت وخلطي حتى يتشكلك خليط كريمي ابيض
حطي الخليط في وعاء وضيفيلو الكاوكاو

ولمي بالفرينة تتحصلي على عجينة مليحة وشادة روحها

ابداي شكلي هليلاتك كي لعادة

وستفيهم في بلاطو تحبي تطيبيهم على ورق زبدة او على بلاطو مرشوش رشة خفيييييييييييييييفة بالفرينة

كسرس بيضة كاملة وادهني بيها الحبات بعد ما تكوني هرستي البيسطاش او الكاوكاو وزيني بيه

طيبيها في فرن مسخن من قبل حطيها لفوق ونقصي للنار قل من متوسطة نوعا ما
خليها تبرد مليح ومباعد نحيها من لبلاطو واستمتعي بذوقهاااا

وهنا عن قرب مممممممممممم

ملاحظة الكمية هادي تمدلكم حوالي 100 حبة بحيث الحبة تكةن بسمك قريب سنتيم

شهيـــــــــــــــــــــــــــــــــــــــــه طيبـــــــــــــــــــــــــــــة