بيت أحلامي

[آسيا 27]

السلام عليكم
اولا نشكر الصفحة البيضاء على الدعوة
اليوم رايحة ندخلكم احلامي الجميلة يالله باسم الله آاااه ما قلتلكمش انا احلاامي ماشي كبيرة نخااف من الطيحة من بعد تكون وااعرة و بيت احلامي حتى هو ماشي كبير اياااااا بغيتو نفوت حيااايتي في التسياق و مسيح الغبرة و بغيتو يكون في غااابة و الغابة فوق جزيرة و الجزيرة فيها جبال و الجبال دلجايما بيضا بالثلج و اذا كان حذايا شوية رمل تاع صحرا ما نقولش لا ياااك مبالغتش خخخخخخخخ يعني اللي تبغي تزورني لازملها خرييييطة هههههههه
و هاذي صورتو من برا
[IMG][/IMG]
مازلتو قداااام الباب ادخلو يا مرحبا اهلا و سهلا
[IMG][/IMG]
و هنا نشرب قهوتي
[IMG][/IMG]
و هاذي غرفتي و حمامي
[IMG][/IMG]
شفتو تحت السرير كاين سلة عامرة بالشوكولا اششششششششششش ما تخبرو حتى واحد حطيتها احتياط في حال ما طاح الجوع عليا فجأة ما تقولوش ما تصرالكمش خخخخخخخ
[IMG][/IMG]
و هاذا صالوني و الكاس اللي فوق الطاولة حمود بوعلام قلت نخبركم باه ما يروحش مخكم لبعيد
[IMG][/IMG]
و هاذا واحد آخر
[IMG][/IMG]
و هاذ الكوووزينة بالازرق الهادي الجميل
[IMG][/IMG]
و هاذي لا تراس تطل على الحديقة يا سلام
[IMG][/IMG]
و هاذي حديقتي صغيرة و فيها شوية برك نباتات و ورد نقولكم غير شوية على خاطر الحشيش و الشجر و الاعشاب بزاااف يجيبو هاااذو انا نخاااف موت منهم غير نشوفهم كل شعري يوقف ههههههههه
[IMG][/IMG]
[IMG][/IMG]
نسيت ما قلتلكمش بيت احلامي ساكنة فيه وحدي يعني علابالي بالي عائلتي الحلوة حتى هوما عندهم منامات و انا ماشي فيها واحدة بوااااااحدة
ان شاء الله تكون داري عجبتكم ايااااا كنت رايحة ننسى اهم حاجة في داري هاذي تلزمني نقرعج منها على جاراتي خخخخخخخخ وحدة من الشرق و وحدة من الغرب كل شي على عيني
[IMG][/IMG]
[IMG][/IMG]
يالله اعطوني رايكم
سلااام

[حياة نور الدين]

بيت احلامك هااايل وبسيط ربي يحقق امانيك ويرزقك زوج صالح تعيشي معاه تحت سقف بيتك هانية حبيببتي وتعمروه درية صالحة ان شاء الله

[ام طيري الجنة]

اخذتيني لعالم الاحلام معاك بيتك رائع يجمع بين البساطة و العصرنة شكرا على الاستضافة

[ام هدول]

اسيا ..رحت نحلم معاك وانا ميتة بالضحك يعطيك الربح ....حلم ولا في الاحلام هههههههه روووعة ...بيت جبلي بمعنى الكلمة .....ربي يتتملك كل ما متمنية

[chez biba]

ما شاء الله اسيا بيت أحلامك دافيء وهاديء
ربي يرزقك باحلى منو وما كنتش على بالي انك ماكيش متزوجة حتى قريت الرد تاع حياة
ربي يرزقك بالزوج الصالح لي يسعدك ويهنيك ويعرف قيمتك 😘

[x ام رحاب x]

بيت احلامك رائع كروعتك حنونة وربي يرزقك زوج صالح باه يكمل احلامك ربي يناولك واش تتمناي

[loudjyn]

حلم جميل جدا شكرا لك

[ام سراج وملاك]

فعلا بيت احلامك رائع ومميز ربي يحقق كل امانيك اختي اسيا متنسايش ذكر العضوة التي تضع بيت حلمها بعدك شكرااا لمشاركتك

[البحر الصافي]

تعبت باه وصلت لبيت احلامك يااااا اسيا نسيتي مبعثتيليش الخريطة هههه
لاكن اخيراااا لقيتو وفرحت بالحلم وعشتو معاك ائع وبسيط ربي يحققلك ماتتمني

[انا هي رزيقة]

ياي اسيا اسوس رومنسية مبعدها رومنسية عجبتني زرقة و هدوء المطبخ و غرفة النوم . بصح لي عجبني اكثر انك تخممي على كلشي حتى و انتي تحلمي خممتي على الشغل و على ديك الحية لى منحبهاش انا ثاني و حتى على التقرعيج ....خخخخخ ربي يحققلك امانيك حنونة لانك و الله تستاهلي

[سندس-:-الرحمان-:-]

بيت رائع و لا رائع منه
ان شاء الله يكون بيت احلامك يتحققلك امين

[By M for M]

رووووعة تجنن

[جوهرة الإيمان31]

رغم بسآطته إلآ أنه جميل جدآ
بآرك الله فيك

[أم محمد وسيم]

هايلييييين

[Faycal-Guer]

شكرا اختي على الطرح 44444444