استفسار حول الاتصال الثاني من المدرسة العليا للادارة العسكرية للضباط ا(بكالوريا 2016)

Amira batna · 2016-08-26, 18:21

مرحبا انا لدي اخ حاصل على شهادة البكالوريا معدل 14.92 وقد سجل في موقع وزارة الدفاع سلاح المعتمدية , تم الاتصال به و راح لوهران فوت لافيزيت و سبور , قالولو بلي راه مقبول و بلي راح يتاصلو بيه من شرشال , وراه يستنى , على هذا بغيت نعرف الى اتصلوا بشي واحد منكم ولا بعثولوا استدعاء , ووكتاه راح يفوتو لافيزيت الثانية تاع الادارة (المعتمدية) , المهم اللي عندوا معلومات يفيدني بيها يتفضل , ارجو الرد وشكرا

cino_algerino · 2016-08-26, 20:13

انا تاني روحت لوهران بصح مزال ما عيطوش رانا نقارعو قع

Amira batna · 2016-08-26, 20:31

اقتباس:

المشاركة الأصلية كتبت بواسطة cino_algerino

انا تاني روحت لوهران بصح مزال ما عيطوش رانا نقارعو قع

اولا; نتا قالولك بلي مقبول ولا لالا كي رحت لوهران ثانيا: كاش ما سمعت على لادات اللي راح ايعيطولنا فيها من شرشال انا يتباللي يخليونا اللخرين

آيُــــــوبْـــــــ · 2016-08-26, 21:02

اقتباس:

المشاركة الأصلية كتبت بواسطة amira batna

اولا; نتا قالولك بلي مقبول ولا لالا كي رحت لوهران ثانيا: كاش ما سمعت على لادات اللي راح ايعيطولنا فيها من شرشال انا يتباللي يخليونا اللخرين

السلام عليكم

شوفي أختي أنا جوزت الفحص الطبي والرياضي في وهران وكاين ضابط عقلني كان هو المشرف نتاعنا قالي بلي أنا راني مقبول

أختي نقولك حاجة والله غير قالولنا هذه مايهم والو لا فحص لا رياضة عندك معرفة تدخل ماعندكش نتا وزهرك

شفي خوك إذا كاش ماعيطولوا القوات الأخرى غير قوليلو يروح وزيدي هذه راح تدخل 70 انت قولي لخوك مايبنيش كلش عليها يديرها في بالو بصح يشوف جامعة نتاعو حتى يكتب ربي أنا راني ماحيها من بالي بصح يبقى كلش بالمكتوب

ممكن يبداو يعيطو بعد العيد ماشي كل القوات بصح كاين قوات تدخل بعد العيد مثل الاشارة والحرس الجمهوري والعلم لله

إن شاء الله فيها خير

youcef youce · 2016-09-13, 17:19

انا ثاني رحت المدرسة العليا للادارة العسكرية بوهران أوراني تستنا كشمى اجيب ربي
المعريفة للأسف للأسف للأسف 1000000 مليون مرة عندك تدخل معندكش دير لاشين البر
ربي عالم

cino_algerino · 2016-08-26, 23:18

ماقالونا لا لدات ما والو كي كملنا خرجونا وساي اما القبول تاني ما قالوناش

أتال · 2016-08-26, 23:50

شرشال بدأت تستقبل وكاين الي راه حاليا ثما بصفة نهائية ...لم افهم كيف يتم الاستدعاء

mohamed mbolhi · 2016-08-27, 00:39

Khoya Khasni Nimirio Nta3 9owat Baria Lirahom Yataslo Badobat Liyadakhlo Bal Bac Khasna Nimiro Nta3 9owat Baria Khoya Rabi Yahafdak

aboubakr531 · 2016-09-04, 15:51

صح يبداو يعيطوا مورا العيد

Abdou220à · 2016-09-06, 17:47

السلام عليكم ان شاء الله سلاح المعتمدية يعيطولهم 18 سبتمبر يكونو في شرشال و بالتحديد ملحقة عبان رمضان .... يعني الي عيطولو راه علابالو انا شخصيا عيطولي هادي وحد السمانة وقالولي .... الادارة تدي شوي برك 50 مدني +10 اشبال الامة

oussama aomiche · 2016-09-06, 17:57

اقتباس:

المشاركة الأصلية كتبت بواسطة Abdou220à

السلام عليكم ان شاء الله سلاح المعتمدية يعيطولهم 18 سبتمبر يكونو في شرشال و بالتحديد ملحقة عبان رمضان .... يعني الي عيطولو راه علابالو انا شخصيا عيطولي هادي وحد السمانة وقالولي .... الادارة تدي شوي برك 50 مدني +10 اشبال الامة

نتا Bac ولا FS خويا ؟