عندي 50 مليون وخيروني بين 3 مشاريع

[omar-fadel]

عندي 50 مليون لمشروع وخيروني بين 3 مشاريع :
1- نفتح مقهى أنترنت
2- نشري سيارة ونعود نفرودي بيها
3- نحال محل نتاع هواتف فليكسي وبيع حاجيات

[خالد عنابي2]

المشروع الاول اخطيك منو

فيه الكثير من الماتريال ويلزم المعريفة عند اتصالات الزفت ويهبلوك بالانقطاعات ويستهلك الكثيرمن الطاقة والشعب يسرقو لي كام ويفسدو لوحات المفاتيح كما ان الانترنت صارت منشرة عند الجميع تقريبا وفي الهواتف الذكية بكل سهولة بعروض رخيصة الثمن وجودة مقبولة

المشروع الثاني اقول اذا كنت سائق جيد وانسان فطن رح يخرج عليك وخاصة بعد ما تتعرف ويولي عندك زبائن شبه دائمين فقط استحفظ بالماتريال

المشروع الثالث ايضا جيد ولا غبار عليه

[khalednor]

افعل الشئ الذى يريحك ويساعد الذين حولك

[khalednor]

سبب الاسباب الله الذي يرزق كل شيئ

[khalednor]

اذا كنت من اصحاب السرعة لا تشتري السيارة

[fille alger]

ربي يوفق خوي و يباركلك في رزقك صلي استخارة ما خاب من استخار

[haithem guettaoui]

محل فليكسي أفضل من مقهى الإنترنت
لأنك أخي الكريم ستأخذ سيئات من لايستحي من الله
ويزور مواقع فاضحة

[asma missa]

سلام اخي
من رأيي أن تفتح محل للمواد التجميل (كوسميتيك نسائي ورجالي) وتنوع فيه بعض الأشياء متلا بيع المثلجات وفليكسي وان زاد مربوح رايح طور فيه خصوصا في موسم الصيف الكثير من الناس يحتاجون الى عدة مساحيق واقتراح الثاني لابأس به أيضا وبارك الله لك في رزقك

[~طَـــمُـــوحْ~]

ارى ان الخيار الثالث احسن منهم جميعا

[amine009]

افضل مشروع هو الكنكاري يعني لي يبيع المستلزمات .... و لكن تبغي تكون شاطر و تعرف كيفاه تجيب السلعة و الزبائن ........افضل طريقة :[/color]
روح اخدم عند واحد عندو محل كنكاري و يفضل يكون مشهور و مبعد شوف كيفاه يتعامل مع الناس

و تاني شوف كيفاه نتا تجيب السلعة من ليزين باه يجي السعر افضل من الباعة لخريين هكا تجيب ناس يشرو من عندك

ااذا خدمت مليح وااحد 4 سنوات تحتكر التجارة في المدينة نتاعك خاصة اذا كانت صغيرة ...

[amirbaghdad]

فليسكي مليح راحة خير وتقدر تبيع الحلوة والعطور والجورنال بصح اخطيك من الدخان والشمة على خاطر حرام وتوسخ راسمالك وربي يسهلك