هم الدنيا وش دار فيا 2

[مشكلتي]

السلام عليكم
انا صاحبة هذا الموضوع https://www.djelfa.info/vb/showthread.php?t=1835437
اخوتي اشكركم على نصائحكم لي
لكن مشكلتي ليست فقط الحب الذي في وجهي وانما االحب ايضا هو موجود في رقبتي صدري كتفي يدي ظهري بصراحة وليت نتمنى يجي الشتاء وميروحش مهم نبقى لابساتو وميبانليش الحب والله كررررررهت كررهت كي نشوف روحي صح نقول الحمد لله على كل حال بصح كي تشوفني اخواتي الصغار او ناس اخرين يقول وش بيك هذا روحي اجري على روحك و صدقوني حتى امي ايه امي تعيب عليا مقدرتش خلااص بصراحة كي سبتني والله بكييت بكييت بحررقة كبيرة ودعيت انو ربي يفرج عليا ويفرج على امي
اخواتي انصحووووووني وش ندير تخيلو العرس راها في شتاء مبقاش ياااسر
لعلمكم جاء خطيبي ليبارك لي يوم العيد و الله غير لبست خمار قدام امو واختو يعني منقدرش الله غالب
علما انه عندي ماء زمزم قولولي كيفاه ندير بيه لعل فيه خير

[حياتي نبع امل]

روحى لاخصائى ف الامراض الجلدية ،كاين ادوية باذن الله تشفاي منو نهائيا

[ابتسام smile &hope]

lazem tro7i l dermatologue

[ابتسام smile &hope]

لازم تحبسي الشيكولا وماتكليش المقلي
واهم حاجة روحي لطبيب امراض جلدية
حب الشباب لوكان ماداويهش يخليلك حفر في الجلد
حوسي على طربيب معروف وتتبعي عندو وعلى حساب مانعرف النتيجة تبدا تبان بعد شهرين يعني لازم تروحي اليوم قبل غدوة

[مجرّد إنسان]

حب الشباب من الأمراض الجلدية المزمنة التي تلازم المريض فترات طويلة، ويختلف نوع الإصابة -حبوب حمراء أو صديدية، رؤوس سوداء أو بيضاء، تكيسات أو غيرها- من شخص إلى آخر، وكذلك شدة الإصابة ودرجة انتشار المرض: هل هو محدد في الوجه، أم منتشر في أماكن أخرى مثل: الظهر والأكتاف والصدر- كما ذكرت؟

ويختلف العلاج بصورة كبيرة على حسب نوع الإصابة وشدتها، ودرجة انتشارها، وهل تترك هذه الحبوب أو الإصابات آثارا أو ندوبا؟

العلاج لا بد أن يكون ممتدا وفعالا، وتحت الإشراف الطبي، ويكون هدفه في الأساس التخلص من الأعراض والمظاهر المختلفة لحب الشباب، ثم استخدام مستحضرات أو كريمات تقي من تكراره مرة أخرى، وأهمية ذلك تكمن في المحافظة على الوجه من تكرار الإصابات مرة أخرى، وبالتالي حدوث آثار جديدة لحب الشباب بعد علاج الآثار القديمة

على هذا الرابط توجد 411 استشارة متعلقة بحب الشباب وأثاره من موقع استشارات أرجو أن تفيدك
الرابط

[ام احبتي]

ابعدي عنك القلق واذهبي لطبيب الجلد انا عانيت من هذه المشكله قبل زواجي كان الحب في وجهي وظهري ومؤخرتي وعالجت والحمد لله

[doba]

ربي شافيك أختي العزيزة

[nesrinwarda]

السلام عليكم ورحمة الله وبركاته
ربي إشافيك، روحي لطبيب ما تخليش روحك.
كاين واحد الدوى إسموه sudocrem إنشف الحب ماعلاباليش إذا كاين في الزاير، علابالي كاينو في engletaire بالاك حتى دول أخرى، إذا واحد تعرفيه عايش تم قوليلو إجيب هولك.

[imenemalak]

وي اختي لازم طبيب خاص بالامراض الجلدية وتحبسي كل شيء فيه دهوون وحلويات ومشروبات غازية

[salem1985]

نقصي المواد الي فيها الدسم وربي يشفيك

[نعوم32]

السلا م حتى أنا كان فيا حب الشباب في وجهي ما خليت حتى طبيب في وهران منين بديت نخدم وراوني طبيب في الأغواط تبعته لمدة عام والحمد الله ما بقاش كيما كان كنت ما نكلش حاجة مدسمة بصح اليوم راني ناكل كلش إذا تقدر تروحيله نعطيك اسمه و العنوان

[الصديق قروف]

ربي يشفيك ......

[doba]

ربي شفيك إن شاء الله

[mounirata]

راتي مقدرة المشكل تععك ...وراني عارفة بلي المشكل اللي زاد قلقك هو اقتراب موعد العرس تاعمك..بصح تفكري بلي هذا اختبار من عند ربي و هو الخيرة ليك ولو فتحت ستائر اعلم لغيب بين حالتك و انت بحب الشباب و حالتك بدون حب الشبا ب لإخترت حالتك الراهنة..و تبقى أحوالنا التي تعجبنا و اللي متعجبناش فيها الخير لينا لحكمة لا نعلمها أو سنعلمها بعد وقت طويل...و احمدي ربي ....تخيلي كون جا المشكل عضوي أو إعاقة الناس في المستشفيات راهم يعانوو ...امراض غير مصنّفة ....دموع لا تجف...أنين لا يصدّق
إن شاء اله ما يكون غي الخير ...أنصحك بالرقية وخاصة ما تتقلقييش و تجاهلي امر حب السباب

[lilyann]

ربي يشفيك اختي من الاحسن ديري رقية شرعية وروحي لطبيب الجلد وتبعي دوا