انصحوني

[Aicha.saghira]

انا ادرس عند استاذة علوم دروس خصوصية و مع اقتراب الباكالوريا دئما تحبطنا وتقول لنا : نتوما تاع باك ماشكيتش حتى ان الدرس يمر جيدا اذا كانت هي بمزاج جيد و ان لم تكن بمزاج جيد نعاني في تلك الحصة حق معاناة تحبطنا لا تشجعنا ابدا تظن اننا ندرس فقط العلوم و اليوم جعلتني اشكك في قدراتي فاءن اخطأ احدنا عممت الخطأ علينا جميعا وذا لم يشارك احد شتمته ووصفته بصفات تجعله يشكك في نفسه انا جدا حائرة من امري اريد ان اتوقف من الذهاب عندها لكن خائفة ماذا لو غفلت عن معلومة اثناء مراجعتي ماذا لو لم اتطرق لتمارينها في العلوم ماذا و ماذا و ماذا افعل ؟!؟!

[شمۋځ أنٹـے »]

آذآ ششفتي روحك تستفادي منها وتمد معلومات مفيدة غير اصبري ليامات هادو لي بقاو
هي كي تقول الهدرة هاديك راها غير حابتكم تقراو كاين ناس لي تنصح بالطريقة تاع استاذتك وكاين ناس عندهم طرق اخرى
المهم كيما قتلك اذا كانت مليحة ماتحبسيش و الهدرة تاعها هزيها من الناحية الايجابية
واذا كنتي تحضري عندها زيادة يعني كيما تدخلي كيما تخرجي ماتضيعيش وقتك حنونة
ربي يوفقك

[سوسن الصباح]

ماتديرييش عليهااا اداا كنتي صح وااتقة بقدرااتك ~~

[asma butterfly]

ماشي شرط انك ديري دروس خصوصيه باش تنجحي نصيحتي انك الوقت اللي بقا لازمك تكوني نتي والتمارين مقابلاتك برك لانو فالدروس الخصوصيه ماراحش تقيمي روحك
المهم انك تكوني اتعلمتي منهجية الاجابة الباقي عليك وعلى معلوماتك انت بالتوفيق اختي وادعيلي بالتوفيق في دراستي الجامعية والبكالوريا ان شاء الله

[crazy miracle]

اهلا ~ ماتسمعيلهاش ~ياك علاباك بروحك بلي ربي خلقك في احسن تقويم ~~و باه جي عبد تقولك هكدا و انت تامنيها لا لا حبوبتي~
شوفي لا كنت تفهمي عندها كيما قالتك اميرة ~كملي مابقاش لكن ماتخليهاش تهبطلك المورال++
مش معناها ماديريش ليكور مش رح جيبي الباك ~~انا مانيش ندير ف ليكور علوم و اني الحمد لله راني فاهمة
~باالتوفيق~♥ تقبلي مرووري

[Aicha.saghira]

شكرا على نصائحكم حقيقة انا دخلت عندها ليكور لانو التمارين تعاها ملاح بزاف وواعرين كي نجي نحل الباكلوريات يجيو ساهلين و حقيقة هي لم تخصني يوما بكلام سيء حتى انها مرة في القسم قيمت كل واحد منا وقالت لي زغم انكي هادئة الا اني اعلم جيدا انك تجتهدين و تثابرين وواصلي
لكن عندما قالت لنا اننا لا نشارك في المراجعة و هذا سيكلفنا غاليا و اننا لن تحصل على علامات جيدا ابدا جعلتني تشكك كثيرا في قدراتي لكن تحبطني كثيرا يطيحلي لمورال عندها بزاف و هذه الفترة حساسة لا اريد ان اضيع ما احتهدت عليه

[asma butterfly]

هاد الوقت لازم تغلقي وذنيك ماتسمعي لحتا واحد
انا العام اللي فات استادة الفلسفة كانت ديما تحبطني تقلي الناس في تقدم وانت في تراجع وهاداك لكلام خلاني ننتقم منها مع اني جامي كتبت مقالة وماحفظت حتا مقالة غير راجعت كراسي وفهمت المنهجية ديت 11 فالفلسفة الحمد لله وهاد العام اني مصممة ندي اكتر انتقاما منها ان شاء الله
نتي تاني اتحدايها وبينيلها قدراتك نهار الباك ان شاء الله
دعواتي لك بالتوفيق وادعيلي انت تاني

[Aicha.saghira]

المشاركة الأصلية كتبت بواسطة asma butterfly

هاد الوقت لازم تغلقي وذنيك ماتسمعي لحتا واحد
انا العام اللي فات استادة الفلسفة كانت ديما تحبطني تقلي الناس في تقدم وانت في تراجع وهاداك لكلام خلاني ننتقم منها مع اني جامي كتبت مقالة وماحفظت حتا مقالة غير راجعت كراسي وفهمت المنهجية ديت 11 فالفلسفة الحمد لله وهاد العام اني مصممة ندي اكتر انتقاما منها ان شاء الله
نتي تاني اتحدايها وبينيلها قدراتك نهار الباك ان شاء الله
دعواتي لك بالتوفيق وادعيلي انت تاني

سأنتقم شر انتقام

[*محب النجاح*]

هههههههه تقري عندها دروس خصوصية يعني تخلصي حقك ومن فوق تزيد تقولكم هكذا هههههههه

[khadidjahiroi]

السلام عليكم
يا اختي نتي صبرتي الوقت لي فات كامل و كي بقا شهر تحوسي تحبسي
كملي هاذ الشهر و كي تعود تعيط ماتسمعيلهاش ركزي في تمرينك
انا كنت كيفك مانحملش الاستاذ لي ندير عندو ليكور يقلقني بصح كي يعود يهدر مانسمعلوش و ظرك والفت خلاص المهم بقا شهر و نتهناو

[Aicha.saghira]

كلامك ماس و ذهب شكرا على نصائكم و تشجيعاتكم

[سلاااااااااام]

السلام عليكم أختي ،
أنا العام الماضي درست دروس خصوصية فيزياء عند أستاذ ممتاز كان يشرح الدرس بطريقة سحرية مستحيل ماتفهميش عندو بالرغم من ذلك إلى أنه كان محبط للمعنويات يسخر من التلاميذ و يضحك على أخطائهم و فوق هذا وذاك لاينسى أخطاء التلاميذ أبدا و يبقى يذكر بها و البقية غارقة في الضحك ... استفدت منه كثيرا و الحمد لله ...لكن حالتي النفسي ازدادت سوءا لدرجة أنني كلما لا افهم شيء أبدأ بالبكاء خوفا من سؤاله ...
كلما أتذكرذلك أندم على عدم ترك الدروس عنده لأن الحالة النفسية إذا كانت سيئة لن تستطيعي استوعاب الدروس حتى لو كان الأستاذ عبقري ... بينما اذا كانت حالتك النفسية جيدة ستستطيعين الفهم حتى عند أسوأ أستاذ .
و الحمد لله الآن كل شيء متوفر على شبكة الإنترنت و في منتدانا ... يعني لن تحتاجي للتذلل إلى أي أستاذ بإذن الله .
أرجو أن تفكري جيدا في نفسك قبل الأستاذة لأنه مستقبلك أنتي ، لا تسمحي لأي بشر أن يحبط معنوياتك أو يشوش على فهمك للدروس بالعكس إن درستي بكل هدوء و حدك في المنزل ستستوعبين أكثر و إن لم تفهمي فكرة ما ضعي سؤال في موضوع الأستاذ أبو حفص جزاه الله خيرا .

[Aicha.saghira]

طفح الكيل اليوم خصوصا و انها ان لم نجب عن سؤال رغم محاولاتنا لا تعطينا الاجابة

[crazy miracle]

المشاركة الأصلية كتبت بواسطة aicha.saghira

طفح الكيل اليوم خصوصا و انها ان لم نجب عن سؤال رغم محاولاتنا لا تعطينا الاجابة

بدلي ~~روحي عند وحدة اخرى

[الطامح للتميز]

وانا اضم صوتي الى صوتها لي يخاف من الباك وضعيف الشخصية ويترك الآخرين يؤثرون فيه هذا اول الخاسرين سيضيع الكثير من النقاط من الآن بسبب الاهتمام بهذه التفاهات اين شخصيتكم وثقتكم بانفسكم اضربوا عرض الحائط بتفاهات الىخرين واهتموا بانفسكم ومراجعتكم علكم تحصدون نقاطا اكبر لا اعلم لماذا تهتمون بامور خارجة عن المطلوب وهو اتقان الدروس اغلبية الفتيات الآن والشبان يهتمون بمظهرهم الخارجي وليته كان في الحلال ماكياج وعطور وجيلوو ... ليته كان في طاعة الله وفي طلب العلم لن اكمل النقاط تكمل ...