عاجل للاحرار

[شمس الاصيل هالة]

السلام عليكم اخواني الطلبة الاحرار اللي مبلوكيين العام ارجو تخبروني وش درتو مع الخدمة الوطنية خويا راه بلوكا وما جاتو ورقة ما راح شاف ما قدم لهم حتى عذر لانه موش عارف وش ادير وما قراش في الجامعة يعني ما يقدرش يقدم شهادة مدرسية وخايفين يجو يهزوه وما يعقبش الباك الحر اللي سجل فيه اللي عندو فكرة الله ينجحو بمعدل ممتاز يخبرنا وشكرا للجميع

[اريج اريج]

وعليكم السلام عزيزتي لا املك اي معلومة في هذا الخصوص أتمنى من لديه اي معلومة افادتك
فيها خير ان شاء الله
موفقة

[Editeur]

وعليكم السلام ورحمة الله

ماشي حالة تدعو للقلق ...

يقدر يكمل ريفيزيون نتاعو وانشاء الله ندو الباك كيف كيف

واشنو زعما . لوكان جاوكم للدار الدرك يسقسو عليه قولو ليهم مارهش هنا راهو يقرا في الجامعة ... ومباعد الى الدخول الجاي نتاع

لقريا يخدم شهادة ويروح ليهم . ويقول

ليهم مبغاتش الادارة تمدي لي شهادة ولا كاش عفسة ... انا ثاني هاك ( عام ونصف وهوما يلاحقوني .. ومباعد

رحت ليهم وفريتها نورمال ... مي انا نقرا في المعهد )

والحمد لله على كل حال ...

[boyka 1993]

السلام عليكم
مايقدروش يهزوه حتى يبعتولو الاستدعاء الاول ثم الثاني باش عاد يخرج ordre d'appel و هنا يمكن في اي لحظة يهزوه لكن في ظل سياسة التقشف التي تتبعها الدولة راهم يقسموا في لي كارت لانوا الميزانية ماتكفيش ههههه

[3ahmed3]

سوف ياخذونه من الطريق في اغلب الاحيان تاخذهم من الحافلة
لكن ان تم ذلك فهو سوف يمتحن عادي لانهم لا يمنعونه............من حقه............

فقط ابتعد عن التجوال كثيرا خاصة من مدينة لاخرى

[YOUSEF-ALG]

مستحييل يهزووه
+++راهو عندو الوصل بلي مسجل باك حر