عقدة زوجي

[مشكلتي]

السلام عليكم و رحمة الله و بركاته اخوتي في الله لم يبقى لي الا ان اطرح مشكلتي العويصة التي سببت لي ازمة نفسية و مشاكل يومية لا تنتهي ,,,,,,,انا امراة متزوجة منذ حوالي عامين و لي ابن عمره عام زواجي غير مستقر بسبب زوجي الذي يخلق المشاكل لاتفه الاسباب لانه تربى في جو عائلي جد مكهرب شجار كل يوم بين اخوته يصل الى حد الضرب المبرح تقطيع الملابس الطرد من المنزل و,,,,,,,الاب غير مبال بالمسؤولية لا يحرك ساكنا اما الام فهي كثيرة المشاكل هي من زرعت فيهم تلك العقد النفسية امراة جد منعزلة لا تحب الناس و لا تتعامل معهم تراهم اعداء جد جد بخيلة لا تحب زيارة امها و اخوتها حتى لا تشتري كيلو تفاح او برتفال و حتى لا تتحمل مصروف الذهاب اليهم و لا تحبذ قدومهم لزيارتها حتى لا تخسر القهوة و السكر ,,,,,,المهم زوجي هو الابن الاكبر نعيش في بيت لوحدنا في نفس الحي في حال حدوث مشاكل ينادوه حتى و لو كانت الساعة 2 صباحا يتعارك معهم و تطرده امه من البيت ياتي الى البيت في حالة هستيريا ما ان الفظ بحرف واجد فقط او يسمع ابنه يبكي يقوم بالصراخ و التكسير و السب و الشتم قام بتطليقي مرتين بسبب مشاكلهم و حالنه النفسية التي لا تطاق سئمت الوضع و سئمت شخصيته الضعيفة يترك مجالا لتدخل امه و اخته في امورنا الزوجية كاللباس زيارة اهلي متى اذهب كم اقعد,,,, مع العلم انني ازور اهلي كل 5 اشهر بحكم البعد اي مرتين في السنة ,,,,,,,المهم تتم برمجته حسب رغباتهم و من هنا ينقلب عليا ,,,,كثيرالانصات حتى اخاه ذو 18 عشر ينصت اليه اما انا لا يكترث لكلامي و لا ارائي ابدا لا يستشيروني و عندما اطرح عليه فكرة اننا يجب ان نشترك في امور زواجنا و حياتنا ينتفض و يجرب البيت و يهددني بالطلاق ,,,,,,,,,,,,,,,شخصيته عير سوية عرضت عليه الذهاب الى مختص نفسي وافق ان يتغير لان زواجنا اصبح على المحك زار الاخصائي مرة واحدة و لم يعد اليه و لما شرح له الوضع اكد له الطبيب ان البيئة التي ترعرع فيها هي سبب تلك العقد النفسية التي يعيشها و نصحه بان بصطحب كل عائلته معه حتى بتم معالجة الوضع ,,,,,,,,,,,,,,,,,لكن للاسف لم يعد ولم يخبر اهله ,,,,,,,,,,,,انا من تدفع الثمن اليوم و ابني اكبر ضحية فانا جد خائفة عليه من ان يكبر و يصبح معقد في ظل غياب الاستقرار العائلي,,,,,,,,,,,,,,,,,,,مع العلم انه انسان مسؤول يحب ابنه و بصرف على البيت يلبي حاجياتنا الضرورية من اكل و لبس ,,,,الخ هو انسان كريم يندم على ما يفعله في حقي و يطلب السماح مني يقسمعلى ان لا يعود الى تلك الهسنيريا الجنونية و يعدني ان يلقى الحل و يتعالج,,,,,,,,,,,ما ان اسامحه تعود ريما الى عادنها القديمة ,,,,,,,,,,كرهت حياتي و سئمت الوضع الذي اعيشه عضبت عند اهلي مرتين ياتي ليسامحني لكن نعود الى نفس الدوامة نفس المشاكل ,,,,,,,,,,,ارجو منكم مساعدتي بنصائحكم فانا بامس الحاجة اليكم و جازاكم الله كل خير

[محمد جديدي التبسي]

هكذا راهي أغلب بيوت الجزائريين الفرق بينك وبين نساء أخريات هو الصبر
في حالة انفعال زوجك اسكتي وبعدي ابنك وخليه في غرفة منفردة ولا خليه يخرج يلعب
وكثري من الدعاء والله المستعان ..ربي يفتح عليكم..

[amira19]

ساعفي زوجك اختي خاصه انك عارفه بلي راهو معقد مسكين حاولي تكوني متفهمه و قويه علاجال ابنك و راكي ذكرت. ايجابيات زوجك قولي الحمد لله و حاولي تغيري طريقتك معاه. ربما كي يثور انتي ترديلو الكلام و ربي يفرج عليك

[sabrina el-chark]

عندو عقدة من اهلو راهو يخرج فيها فيك انت
ربي يكون معاك و يفرج عليك

[Widad Hmd]

الله يعطيني الصبر نتاعك .. كنت راح ننصحك بالطلاق بكل صراحة كي ذكرتي الضرب والهستيريا .. لكن كي قلتي انسان مسؤول وعندو ايجابيات نقول لختي ساعفي راجلك ..
ناس زمان قالو الراجل كي يهدر النسا تمروح على البراد .... وهذا هو سر نجاح الزوجات مع الازواج العصبيين .. التجاهل ثم التجاهل
كي يدخل يعيط وياكل في روحو ديري روحك ما سمعتيش وكملي شغلك نورمال .. كي يتهدن قولي واش حبيتي .. وننصحك اقراي يوميا المعوذات والفاتحة وآية الكرسي على الماء اللي يشربو بلا ما يفيق باش ما يتقلقش ،، القرآن يهدي البااال ...
واصبري اختي مع الوقت بالاك تبدلو السكنى ينقص الاحتكاك الزايد مع عائلة زوجك ...

[أَحمــد]

عليك دور كبير في تربية الاولاد وكذلك تربية والدهم .. واحمدي الله أنه رجل مسؤول وغير مفرّط
حاولي معه ولا تقابلي المشاكل بالمشاكل
كوني واسعة الأفق .. فالدنيا لا تدوم على حال
حاولي خلق جو أسري متفاهم بما تستطييعين من أفكار
لا تحاولي ادخال أهلك فيما بينك وبين زوجك
ولا تنسي الدعاء فهو جماع ذلك كله

[نسيبة2012]

والله اختي راهم الاخوات سبقوني بالنصائح الثمينة خذي بها ولا تخشي احد..................
توكلي على الله وتعصمي بيه.
اكثري له بالدعاء المكثف بالصلاح .
عليك بقيام الليل فانه يذهب عنكم كل شرور الدنيا .
واخيرا كي تشوفيه غاضب اسكتي تماما ومل تتكلميش ابدا الا اذا طلب منك ان تتكلمي وكي يتهدن طيبيلو تيزانة ولا كاس جي واديهولو .راح يفرح كثيرا ..
ما تخافيش اختي ابدا كلما ضاقت قرب الرج (ومن يتق الله يجعل له مخرجا ويرزقه من حيث لا يحتسب)....تفاءلي ..خاصة وانك قلت ان قلبو طيب و مسؤول
ساندي راجلك وما تبيعيهش بكنوز الدنيا فقط عليك بالدعاء له بالصلاح................

[mrmilano1984]

نقلك حاجة والله نصيحة اهنا لعرب نشعلو النيران بزاف شوفي مكتوبك هدا هو وهدا راجلك وشخصيتو عاملة هكدا وطبعو هكدا كل واحد ربي سبحانو كفاه خالقو انا ايضا متعصب بزاف بزاف عقليتي هاك هو هاك داير خاولي تهدئته حاولي وعرفي كفاه ترجعيه لعقلو اكيد ضروفو في الصغر اثرت عليه بزاف بزاف والله نعرف ناس اكثر منو ديبريسبون وسب وشتم وكلام قبيح وووو
ربي يجعل الخير هدا هو الزواج فيه الا المشاكل كما قال واحد نتهناو نهار كي نروحو للقبر نرتاحو

[كلنا راحلون]

نصيحتي كونك طلقتي مرتين حافظي على زوجك وسامحيني اروع مرأة في عالم هي الأم

[حـــــــــــــــــوِيتَة]

الله يهديه ويفرج عليكم الصلاة والدعاء هما الحل

[salsila]

rabi yfaraj 3lik oukti kimi lil wa sali wa d3i

[mrmilano1984]

والله شيء صعب علي كل حال المشاكل في الاسر الجزائرية راها منتشرة بزاف الصبر ثم الصبر

[ابتسام smile &hope]

كل يوم ديريلو تيزانة خزامة +بابونج وشربوها في زوج
تقدري تشري تيزانة من عند الفارماسيان قوليلو على تيزانة القلق
ادا تقدري اشربوا منها صبح وعشية مليحة بزاف
وكل يوم نوضي قبل الفجر بنص ساعة صلي زوج ركعات ودعي ربي يهنيكم واستغفري حتى ياذن الفجر
وكيما قالولك الاخوات اقراي قران فالما اللي يشربو
كي يكون مقلق اسكتيييي
وكي يكون مليح قليلو يعاود يروح للطبيب
ودارك ماديريش فيها الغنا وقراي القران ومنين داك اقراي سورة البقرة
ساعفيه وماتشتكيلو من واااااااااااااااااالو
وكي يجي الصيف روحو للبحر وقعدو يامات
وماتنسايش تيزانة وكثري مالاستغفار

[أم همام 2015]

أختي عليك بالدعاء و الصبر وربي يفتح عليك إذا قدرت بعدي على دار زوجك حتى أرحلي لولاية أخرى و حوسيلوا على خدمة بعيدة على دارهم هكدا تكوني تخلصتي من أكبر مشكل خاصة على وليدك و إذا قدرت و كنت ميسورة جيبي لعائلة زوجك أخصائي نفساني يعاالجهم يكون عندك أجر كبير صعييييييييييييييييبة وإن شاء الله ربي يفتح عليك

[zalamite]

ماعليش جاهدي فيه و خلاص الكمال لله كل واحد عندو سلبيات و ايجابيات و بما ان زوجك عندو عصبية زايدة تحمليه و تجنبيه لما يكون في تلك الحالة و عندي احساس بلى راح يتبدل مع مرور الوقت خاصة اد و قفت معاه و اصبرتي عليه على الاقل من اجل ابنكم .