نرجو منكم الدعاء

[مشكلتي]

أنا شاب جزائري أبلغ 25 سنة متخرج و الحمد لله لكن عندي مدة عايش فالبطالة . ﻻ عمل و ﻻ مستقبل و ﻻ هم يحزنون و يزيد المشكل تاع الخدمة الوطنية يعني راحين نضيعوا نص عمرنا فالباطل . راني عارف حالتي كيما اﻷﻻف بصح كرهنا . راني عايش زكارة . على بالي بلي هذا بليس برك موسوسنا
المهم عاونونا بالدعاء ربي يفرج علينا و عليكم

[first first]

يااخي واش نقولك 25سنة عندنا في هاذ البلاد هادا وين ناظ لدنيتو؟؟؟؟؟؟؟
يعني تقدر تقول زي لي عندو 15في البلدان لي تصلح نطلقو عليها تسمية بلدان
ويبقى الامل اخي..............روح جوز الخدمة.............. تقتل شوية فراغ + منحة+ فرغ شوية قلقة عندهم
الله يفرج عليك وعلى شباب هدا البلد........................الحقيقة نستاهلو كشعب جائزة نوبل في الصبر والانتضار؟؟؟؟

[أم محمد علي]

الله يفرج عليك خويا (عسى أن تكرهوا شيئا وهو خير لكم )

[محمد جديدي التبسي]

تعلم حرفة اخي افضل لك
جرب مونيفري بلومبيي حداد نجار ...
اي حاجة فيها فايدة ليك وللمجتمع
توكل على ربي ونحي الكسل والافكار السلبية من راسك وستنجح في حياتك
ربي يوفقك اخي

[علي لقواطي]

المشاركة الأصلية كتبت بواسطة محمد جديدي التبسي

تعلم حرفة اخي افضل لك
جرب مونيفري بلومبيي حداد نجار ...
اي حاجة فيها فايدة ليك وللمجتمع
توكل على ربي ونحي الكسل والافكار السلبية من راسك وستنجح في حياتك
ربي يوفقك اخي

يا خويا فات وقت تعلم رانا في مرحلة تكوين المستقبل و الواحد ما يقراش نص عمرو باش فالتالي يدر مونيفري

[محمد جديدي التبسي]

المشاركة الأصلية كتبت بواسطة lilou lilou

يا خويا فات وقت تعلم رانا في مرحلة تكوين المستقبل و الواحد ما يقراش نص عمرو باش فالتالي يدر مونيفري

هذه حلول مؤقت أخي اذا لقيت عمل أو وظيفة تروحلها
انا معظم اصدقائي جامعيين ليسانس وماستر بدو في مونيفري والآن راهم بنائين ما شاء الله
أمنوا مستقبلهم ودارو ديار عادي
المهم الواحد يدير القلب ويخدم اللي جات حتى يفتح الله

ربي يوفقك

[علي لقواطي]

ربي يجيب الخير

[ouissamak]

الله يفرج عليك خويا

[adillo]

اخي الفاظل اتكل على ربي سبحانو و نحي هادو الافكار من راسك ترييح شويا الواحد مييأسش وكون ديما متفائل الواحد يجابه الواقع مهما كانت صفتو هاذي هيا بلادنا الله غالب وش تدير الراجل للميزيرية هدا هو وينما الانسان ميتقلشش على الخدمة برك لي جات يخدمها اخي الكريم ا
ربي يفتح عليك ويرزقك من خيرو

[عائشة 88]

السلام عليكم ربي يفرج همك اخي زيرزقك عمل الحلال في القريب العاجل لا تياس وحاول تشارك في المسابقات بالتوفيق

[كبسولة الاحلام]

ربي يكون في عونك ووعد منا ندعولك نتا بالذات مكش وحدك فلمعانات كلنا نمر بلبلاء

[ام نهوله]

ربي يفرج عليك حبيت نقولك برك ايلا راك بصحتك احمد ربي بزاف كلشي ساهل غير الصحه وادا الوالده ديالك على قيد الحياه اسعى دائما لارضائها فهي مفتاح الرزق والعيش الكريم

[علي لقواطي]

ربي يهنيكم خوتي طلعتولي المورال

[أحمد دواجي]

السلام عليكم
ما تزعفش مني اخي الكريم

لكن نأكدلك حاجة وحدة هي أن هاد الأفكار والوسواس كلها لأنك بعيد على ربي سبحانه
ماش غي نتا حتى انا راني بعيد
وهادا هوا الانسان
والإيمان ساعات يكون قوي ساعات يكون ضعيف والشيطان والنفس الأمارة بالسوء

الرسول صلى الله عليه وسلم كان يقول للمؤذن بلال

يقول" أرحنا بها يا بلال"

يعني أذن الأذان باش نروحو نصلو ونرتاحو

الانسان كي يتقرب لله عز وجل أكثر فأكثر بالصلاة بالقرآن بكلش
ربي يفتحلو العقل تاعو يعطيه أفكار جديدة تفكير جديد
يوسعلو في قلبو
يروحلو قاع الوسواس والأفكار السلبية

المهم بدون تفاصيل هادي عطيتلك السبب

أما عن الحل هو أنك كي تتقرب أكثر لربي يتبدل التفكير تاعك يعني مثلا لوكان جيت في مكانك نفكر في عمل يساعدني نجرب كلش وربي راه ديما معايا
نجرب عمل وعمل ثاني وعمل ثالث مهما كان العمل
ولا نحاول ندير تجارة نفكر في تجارة فكرة مليحة ما عنديش راس المال نحاول نسلف ما سلفوليش نبقى نحاول نتسلف ندير حل المهم ما نحبسش نا نيأسش وربي راه معاك يشوفك ربي تتعب يجازيك عاجلا أم آآجلا كيما هو يحب
ربي يعرف المصلحة تاعك

وفيما يخص الخدمة الوطنية اذا جيت في مكانك نحاول نتفاداها بطرق قانونية يعني ملفات وكذي اذا ماكانش خلاص ما عنديش حل نتكل على ربي

المهم أخي ديما كي تدير ربي في بالك يكون بالك مرتاح مهما كانت الوضعية تاعك

وراني ندعيلك نشا الله وربي يتقبل

ربي يفرج عليك
واسمحلي طولت
السلام عليكم

[asma.alg]

رب يفرج عليك أخي