اللوبيا ماشو صوتي من مطبخ ام رحاب

[x ام رحاب x]

السلام عليكم ورحمة الله وبركاته
مقادير
كيلو اللوبيا وكيلو بطاطا وحبة بصل و2 حببات طوماطيش وملح وفلفل اكحل وسكنجبير وكمون
طريقة التحضير
في الكوكوط انحط الجاج وانحط الحبة تاع البصل مرحي والطوماطيش مرحية وشوية زيت ونص مغرفة صغيرة فلفل اكحل ومغرفة صغيرة سكنجبير ومغرفة صغيرة كمون انخليهك يتقلاو مليح امبعد انمرق الجاج وانخليه ايطيب
انقي اللوبيا وانحطها اتفور وكي تفور انملحها وانخليها ادزيد شوية في هاداك الوقت انجيب سنيوة تروح للفور وانحط اللوبيا في السنيوة وانحط شوية كمون وانذرذر فوق اللوبيا وشوية زبدة واندخلها للفور حتان تنشف من الماء تشوفيها
ولات مذبالة في هاداك الوقت انحط المرقة تاعك الي طابت وعقدت انحطها مع اللويبا كمية لاباس بيها وانحط ا الجاج وانعاود اندخلهم للفور حتان اتشوفي بلي الجاج اتحمر والمرقة شربتها اللوبيا وانعاود انخرجها واندير البطاطا تاعك من الفوق وانزيد شوية لاصوص والي ماتحبش فيها لاصوص ماتزيدش خليها وحد 5 دقائق وخرجيها وسقيها في الطبسي كيما نوريلك وشهية طيبة ويلا عجباتك ادعولي ربي يشفيني



[I


ان شاء الله يعجبكم وتجربوه راكم ماتندموش عليه

[لينا11]

مممممممممممممممم رحابو العسولة
لوبيا تشهي وتقولي ارواحي كوليني
وجديلي صحن راني جاية ممممم ماتخميش الحار بوكال من عندي خخخخخ

[x ام رحاب x]

المشاركة الأصلية كتبت بواسطة لينا11

مممممممممممممممم رحابو العسولة
لوبيا تشهي وتقولي ارواحي كوليني
وجديلي صحن راني جاية ممممم ماتخميش الحار بوكال من عندي خخخخخ

ارواحي حبيبتي والله هاداك يوم المنى نهار اجيني وخيتي اهلا وسهلا وماتنسايش البوقالة تاع الحار

[أم ضياء عبد الرحيم]

مساء احلى من الفل على ام رحاب الزينة توحشتك بزززززززززززززززاف و الطبق روعة كي عادتك حبيبتي مستحيل نندموا كي نجربوا طبق من اطباقك لانها فعلا قمة باذن الله نجربو و نحطو في اقرب و قت
لينا 11 هذاك الصحن نتقاسموه نفطر بيه امممممممممممممم

[x ام رحاب x]

المشاركة الأصلية كتبت بواسطة جيادا

مساء احلى من الفل على ام رحاب الزينة توحشتك بزززززززززززززززاف و الطبق روعة كي عادتك حبيبتي مستحيل نندموا كي نجربوا طبق من اطباقك لانها فعلا قمة باذن الله نجربو و نحطو في اقرب و قت
لينا 11 هذاك الصحن نتقاسموه نفطر بيه امممممممممممممم

انا تاني توحشتك والمنتدى سامط بلا بيك ربي عالم وربي يخليك حنونة تسلمي وراني عارفة كي اتسيه لمستك اتكون هايلة فيه

[ام سراج وملاك]

روووووووووعة حبيبتي يبان يشهي نجربو ان شاء الله

[x ام رحاب x]

المشاركة الأصلية كتبت بواسطة ام سراج وملاك

روووووووووعة حبيبتي يبان يشهي نجربو ان شاء الله

اجربيه وماتندميش ان شاء الله ربي يفرحك حنونة

[om kamilia]

je vais le prepare ce soir in challah merci om riheb

[x ام رحاب x]

المشاركة الأصلية كتبت بواسطة om kamilia

je vais le prepare ce soir in challah merci om riheb

ان شاء الله اجيك بنينة وتعجبك حنونة

[lyzzabel]

ممممممممم طبق يشهي يشهي يا ميمتي الحبيبة ،، هههه تأمني هادو ليام درت طبق يشبه له ههههههه ،،الله يسلم هادوك اليدين و يعطيك الف صحة و عافية يا الغالية

[mina nada]

رائعة يا ام رحاب ان شاء الله نجربها ربي يشافيك حنونتي عاجلا غير آجلا آآآآآآآآمين يا رب

[مياسم75]

الله يبارك في هاذوك اليدين راني كليت سهمتي نتاع الشخشوخة في الكوزينة وخلي نذوق مع ليييينا وجيادا:d

[x ام رحاب x]

المشاركة الأصلية كتبت بواسطة ام نهوله

و الله غير تسخف الله يعطيك ما تتمناي

اميييين حبيبتي تسلمي

المشاركة الأصلية كتبت بواسطة مياسم75

الله يبارك في هاذوك اليدين راني كليت سهمتي نتاع الشخشوخة في الكوزينة وخلي نذوق مع ليييينا وجيادا:d

ارواحي حنونة والله ماشي خسارة فيكم والو

[mojab]

:mh 92:

[ام احمدي]

روووووووووووووووووووووعة يعطيك الصحة