![]() |
|
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
آخر المواضيع |
|
![]() |
|
أدوات الموضوع | انواع عرض الموضوع |
|
![]() |
رقم المشاركة : 1 | ||||
|
![]() ![]() لا أحد ينكر وقع القصّة العميق في نفسيّة الطفل وفي تكوين شخصيته واعتقاداته والاكيد كل وحدة منكم يا امهات وبل حتى العازبات جربت تحكي قصة لأطفالها او للأطفال من حولها ... وشافت تعلّقهم واهتمامهم وتأثرهم بيها ... من هاذ المنطلق حبيت ننقلكم تجربتي في حكاية كلنا نعرفو عناوينها العريضة لكن ممكن اغلبنا ماكانش عندهم الوقت يحكو تفاصيلها للاطفال ظنّا منّا أنهم مازالوا مش قادرين على استيعابها ... والاسلوب اللغوي اللي يكبر سنّهم ويحول دون فهمهم لها وكما نعرفو خيال الطفل وعقله كالوعاء إن لم نشغله بشيء مفيد ....انشغل بغيره ... خاصة في الوقت اللي رانا فيه ...ومع كثرة البدائل ... كنت شفت حكاية مبسّطة للأطفال ابتداءا من 3 سنوات حكاية مبسّطة ومشوقة ...ولما بديت نحكيها لأولادي لقيت ولله الحمد والمنّة قبول ماشاء الله وشغف أنهم كل يوم يستنّو موعد الحكاية ويتشوّقو يعرفو وش اللي صرا من بعد ... هكذا يزيد تعلّقهم وحبّهم لنبينا وحبيبنا وسيدنا محمد اللهم صلّ وسلّم وبارك على نبيّنا محمد الحكاية الحقيقة كنت شفتها في منتدى عربي ربي يجازي صاحبتهاخير واستأذنتها للنشر فقط طلبت ارفاق هذه الجملة : اللهم بارك لصاحبة هذا العمل في أولادها ..و اجعلهم نعم الأبناء البارين و العباد الصالحين وهي دكتورة وحاولت نقل السيرة اللي قراتها من عدة موارد لحكاية مبسّطة تنقل نفس القيم لأطفالها ...بروح الأم فلندعو لها ...و ... ![]() ![]() الحكاية طبعا باللغة الدارجة غير لغتنا .. فحاولت نترجمها لدارجتنا ...وحكيتها لأولادي وكي لقيت ثمار قلت نتشاركو وحتى المسؤولات في دور الحضانة ... يمكن لهذه القصة أن تعود عليك بكنووووز بعدد الاطفال اللي حكيتيلهم ان شاء الله حكاية بكل حكايات الدنيا ... معانا ان شاء الله يا أمّهات ... نحكو لأولادنا ...ونعطوهم جزء صغيييير من أوقاتنا يُؤتي أُكْله إن شاء الله نحكو لأولادنا على حلقات ان شاء الله أجمل حكاية ... ![]() إن شاء الله نحطّ روابط الحلقات تباعا هنا الحلقة 1 الحلقة 2 الحلقة 3 الحلقة 4 الحلقة 5 الحلقة 6 الحلقة7 الحلقة 8 الحلقة 9 الحلقة 10 الحلقة 11 الحلقة 12 الحلقة 13 الحلقة 14 الحلقة 15 الحلقة 16 الحلقة 17 الحلقة 18 الحلقة 19 الحلقة 20 الحلقة 21 الحلقة 22 الحلقة 23 الحلقة 24 وأرحب بكل ملاحظاتكم وانتقاداتكم البنّاءة ربي يوفقنا لما يحبّ ويرضى ويجعله عملا خالصا لوجهه الكريم ![]()
|
||||
![]() |
![]() |
رقم المشاركة : 2 | |||
|
![]() فقط حبيت نقول أنه حكيتها بعفوية بهاذ الشكل فكل أم تقدر تغيّر في طريقة الكلام بما يناسب طريقة حوارها وأطفالها وبالنسبة لي أحسن وقت مناسب للحكاية.. كان قبل مايرقدو ... وكنت نحكي من الجهاز ...وهوما يشوفو بعض الصور ويعلّقو نبدا على بركة الله ... الحلقة الأولى: كان يا ماكان ... ![]() وماتحلا القعدة غير بذكر النبي عليه الصلاة والسلام ... وش يقولو الولاد القافزين؟ عليه الصلاة والسلاااام ....ممتااااز هيا حبوباتي قولولي السّع ؟.تعرفو شكون هو احسن واحد في الدنيا ؟...سيدنا محمد؟ نعم...سيدنا محمد ... سيدنا محمد هو اللي بعثه ربي سبحانه باه يعلّمنا الصحّ والخطأ ...الحلال والحرام ... ربي سبحانه اختاره من بين كوووووول الناس باه يوريلنا الاخلاق الحسنة ...والاعمال الطيبة ويعلّمنا ديننا ..ديننا :.الاسلام ![]() واللي يحب سيدنا محمد ..ويسمع كلامه ... ربي سبحانه يحبّه ويرضى عليه ويدخّله الجنة ... ![]() الجنة هاذي حبوباتي مكان جمييييييييييل ... فيها كل اللي نتمنّاو ..ومهما فكّرنا في الحوايج اللي نتمنّاوهم .. راح يكون في الجنّة احسن منهم .. كان بكري..بكري خلاااااص .. لما كان سيدنا ابراهيم وولده اسماعيل ...يبنيو في الكعبة ![]() ....وقف سيدناا ابراهيم يدعي ربي سبحانه من قلبه ... انه يبعث للناس واحد ...رسول ...ينعّت للناس الصح من الغالط .... الحلال من الحرام ...ويعلّمهم الخير ... ربي سبحانه استجاب لدعوته ... واختار سيدنا محمد صلى الله عليه وسلّم باه يكون هو المعلم... اللي يعلّم الناس الخير ...يعلّمهم أوامر ربي سبحانه ... سيدنا محمد كان اسم أبيه عبد الله بن عبد المطلب ... وش كان اسم باباه أمّي؟ عبد الله ابن ؟ جيّيّيّد ... ابن عبد المطلب (لازم الطفل يعاود معاك ...وكي يقول ...ندعوله دعوة خير بابتسامة : ربي يحفظ وليدي او بنتي ...ربي يرضى على وليدي... ولو ماشفاش عليها مليح عاوديها برك مرّات ) وماماه وش كان اسمها ؟شكون يعرف؟ ... كان اسمها آمنة بنت وهب .... آمنة بنتُ؟...وهب (يعاودو معاك) لمّا كان سيدنا محمد بيبي صغييييير في بطن ماماه ... أبوه عبد الله مات ... ![]() وماشافوش خلاص لأنه هذاك الوقت كان مازال مازادش... سيدنا محمد زاد في عام الفيل ... تعرفوا ماما علاه سمّاوه عام الفيل؟ ![]() سمّاوه عام الفيل لأنه ابرهة الشرير كان حابّ يهدّم الكعبة بالفيل الكبيييييييير اللي جابه لكن ربي سبحانه ماخلاّهش وعاقبه هو والجنود نتاعه كي رسل عليهم طير ابابيل (كيما نقراوها في سورة الفيل ) المهم ...كي زاد سيدنا محمد... ماماه (امنة بنت وهب) بعثت لجدّه ...ابو باباه ... (جده اسمه كما قلنا عبد المطلب) ... جا جدّه عبد المطلب وشافه لقاه طفل بااااااهي وحبّووووب ... وأم سيدنا محمد آمنة قالتله : كي كنت بالحمل نمت حلم جميييييييل ...الحلم كان فيه نور يخرج من جسمي وينوّر الدنيا كااامل .. فحسّ جدّه عبد المطلب بلّي الطفل هذا مش طفل عادي ...وبلّي كي يكبر راح يعلّم الناس وينور قلوبهم كما ينور النور الدنيا ... فجدّه قال ...انا راح نسمّي هاذ الطفل محمّد... وماكانش هذاك الوقت خلااص اللي سمّى ولده من قبل محمد... فالناس حارت وقالتله وش معناه: ...محمد...؟ قالهم معناه ربي في السماء يحبّه ويحب اخلاقه الطيبة والناس في الارض تحبّه وتحب اخلاقه الطيبة. ![]() ضركا... سيّدنا محمد راح يبقا مع جدّه ؟...ولاّ مع ماماه؟... ولاّ في بلاصة اخرى ؟ ![]() هذا اللي راح نشوفوه مع بعض في الحلقة الثانية من القصة الجميييييييييييييييلة ... صلّو على نبينا المختار .... اللهم صل وسلم وبارك على نبينا محمد |
|||
![]() |
![]() |
رقم المشاركة : 3 | |||
|
![]() يعطيك الصحة أختي إبداع جزائرية على هذه المبادرة المثمرة |
|||
![]() |
![]() |
رقم المشاركة : 4 | ||||
|
![]() اقتباس:
يسلّمك عزيزتي صلى الله عليه وسلم ..بالفعل وانا جربتها مع ولادي وكانت ماشاء الله تجربة ناجحة
على هاذيك حبيت تعم الفائدة ...ان شاء الله يكون تفاعل اكثر من البنات واللي جربت تقولننا كيف كانت الاجواء عندها اللهم امييين اختي جزاك الله خيرا |
||||
![]() |
![]() |
رقم المشاركة : 5 | ||||
|
![]() اقتباس:
|
||||
![]() |
![]() |
رقم المشاركة : 6 | |||
|
![]() رائع و الله فكرة جديدة و هايلة ربي يجازيك |
|||
![]() |
![]() |
رقم المشاركة : 7 | |||
|
![]() العفو عزيزتي ...واياكي اختي نوّرتِ
|
|||
![]() |
![]() |
رقم المشاركة : 8 | |||
|
![]() السلام عليكم ورحمة الله |
|||
![]() |
![]() |
رقم المشاركة : 9 | ||||
|
![]() اقتباس:
اللهم امييييين واولادكم اجمعين...ربي يحفظك حبيبتي
نورتيني ام البنين بمشاركتك الطيبة وشاركينا القصص اللي تحكيها لأولادك حتى تعم الفائدة ان شاء الله |
||||
![]() |
![]() |
رقم المشاركة : 10 | |||
|
![]() فكرة هايلة بارك الله فيك انا لازم كل ما يجي يرقد وليدي يقولي ماما حكاية بصح انا نحكيلو على الحيوانات عندو عامين و 3اشهر نحسو مازال مايستوعبش |
|||
![]() |
![]() |
رقم المشاركة : 11 | |||
|
![]() ماشاء الله اختي بوركتي على المجهود فكرة روعة واكيد تنفع الصغار حتى وان كان فهمهم محدود الا انها ستبقى راسخة في عقلهم الصغير ومع مرور السنين يفهموا الحكاية تدريجيا |
|||
![]() |
![]() |
رقم المشاركة : 12 | |||||
|
![]() اقتباس:
السلام عليكم اهلا عزيزتي ربي يحفظهولك يارب وان شاء الله يكبر بالصحة وتحكيهاله ربي يجعله من الصالحين اقتباس:
بالفعل عزيزتي
ربي يقدرنا على حمل الامانة وينبت اولادنا نباتا حسنا جزاك الله خيرا على المداخلة الطيبة |
|||||
![]() |
![]() |
رقم المشاركة : 13 | |||
|
![]() بارك الله فيكي اختي ابداع وجزاكي لله كل خير قصص رائعة بنتي تحب القصص وديما تطلب مني |
|||
![]() |
![]() |
رقم المشاركة : 14 | |||
|
![]() ومكملين مع بعض ان شاء الله جزاكم الله خيرا على تشجيعكم ربي يصلحلنا اولادنا وينبتهم نباتا حسنا ويعز بيهم امتنا يارب الحلقة 2 كان يا ماكان ... ![]() وماتحلا القعدة غير بذكر النبي عليه الصلاة والسلام ... وش نقولو؟ عليه الصلاة والسلام ...ممتاااز ![]() ضركا حبوباتي كيما قلنا ...سيدنا محمد حيزو وين زاد... ![]() والناس زمان كانوا كي يزيد عندهم طفل ... يبعثوه للبادية ![]() البادية هاذي مكان نظييييف ووااااسع ونقي .. وكان اللي يروح يقعد ثمّة صحته تتحسن ويقوى جسمه ويكبر... كانوا يجوا من ثمّة مرضعات ياخذو الاطفال الرضع من مكة . ...باه يدّوهم للبادية يكبّروهم لثمّا جاو كما قلنا مرضعات لمكة وقعدوا يسألو الناس ... شكون عنده طفل رضيع ندّوه معانا للبادية ... الناس اللي عندها ترد وتقول هاهو احنا عندنا طفل ادّوه باه يكبر ويعطوهم المال ...ويدّوه مّالا ام سيدنا محمد (آمنة بنت وهب) قالتلهم حتى هي ... نعم انا عندي رضيع مولود جديد ... قالولها المرضعات ووين هو باباه اللي راح يعطينا المال؟... قالتلهم باباه توفّى ... ![]() فقالولها لالا احنا مانديّوهش مّالا ... وش راح ادّير ماماه ؟ وجدّه ؟...قالهم جدّه أنا نعطيكم المال قالولو لالا ..ماندّوهش ![]() كانت من بين المرضعات مرضعة اسمها حليمة السعدية ... كانت هي وزوجها وعندهم حمار ضعيييييف وناقة يحلبو منها الحليب وكانت تجيبلهم قلييييييل الحليب ... فمالقاتش مموش تدّيه معاها البادية ... المرضعات لخرين كااامل ادّاو الاطفال الرضّع اللي كانوا لثمّا مابقا الاّ سيّدنا محمّد.... ![]() فقالت انا راح ندّي الطفل هذا اليتيم وخلاص... قصدها على سيدنا محمد راحت لماماه وجدّه وقالتلهم انا راح ندّي معايا محمد للبادية قولوا عليه الصلاة والسلام ![]() علابالكم وش صرا من بعد؟ لمّا اخذت حيبينا محمد معاها عليه الصلاة والسلام ... صراولها بزّاف حوايج ملاح... ![]() هذاك الحمار ماعادش ضعيف ...عاد قويّ ويمشي بسرعة ![]() والناقة هاذيك اللي كانت تجيب شوييية نتاع الحليب عادت تعطيهم حليب بزااااااااااف سبحان الله ... حتى هاذوك المرضعات اللي معاها حارو ... واستغربوا من ناقتها والحمار ![]() ومشاو حتى كما وصلو للبادية .. حليمة السعدية كانت دارها في واحد البلاصة اسمها ديار بني سعد... وكانت عندها ارض ... ![]() في هذاك العام ماكان فيها لازرع ولا ماء ... وكي وصلت مع سيدنا محمد ...انزل ربي سبحانه المطر ... والارض هاذيك سبحان الله ولاّت خضرااااااء جميييييلة حليمة قعدت تفكّر ... هاذ الطفل اللي من جبتو صراو هاذ الحوايج الملاح كامل فيه بركة تخلي البلاصة اللي يكون فيها تكون اجمل سبحان الله وفرحت بيه بزاااااااف بزاف ![]() ![]() مرّت الايام ..وكبر سيدنا محمد ..عاد عنده عامين وكبر حتى اكثر من لاولاد الآخرين... فلازم حليمة ترجّعو لدياره في مكّة لكنّها كانت تحبّو بزااااف وحبّت يزيد يقعد معاها شويّة فراحت لأمه آمنة ... وقالتلها ماعليش تخلّيه يزيد يقعد معايا شوية؟ البادية مكان مليح وحتى يزيد يهز صحّته اكثر .. وقعدت تحاول فيها حتى كي ام سيدنا محمد (آمنة بنت وهب) وافقت ورجع صلى الله عليه وسلم مع حليمة السعدية وين رجعو ماما؟...جيّيّد .... رجعوا لديار بني سعد...للبادية ![]() مليييح... ولثمّا راح تصرا حاجة عجيييبة غريبة ... وش هي؟ ![]() نشوفوها مع بعض في الحلقة الجايّة ان شاء الله ![]() اللهم صلّ وسلّم وبارك على نبيّنا محمّد |
|||
![]() |
![]() |
رقم المشاركة : 15 | ||||
|
![]() اقتباس:
السلام عليكم ...وفيك حبيبتي ام هدول
القلوب عند بعضاها .. ![]() ربي يحفظهملك يارب ومايوريك فيهم باس نورتي حبيبة |
||||
![]() |
![]() |
الكلمات الدلالية (Tags) |
السيرة للأطفال |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc