سوفلي الدجاج الرائع من مطبخي و على طريقتي

النجمة المتميزة · 2014-07-22, 01:02

صحا فطوركم
جبتلكم وصفة السوفلي كيما وعدتكم

المقادير
نصف صدر دجاج ( انا شفت في المنتدى كل واحد واش يقصد ب صدر الدجاج يعني الدجاج يجي فيها صدر واحد كبير ندو نصفو يعني سردة واحدة )
نصف حبة بصل
زيت
فلفل
ملح
قرفة
جبن مبشور
نصف كأس شابلير
1 خمارة تاع القاطو
بيض

الطريقة
نقطعو البصل و نديرو شوية زيت في المقلة و نقلو مليح الدجاج مع البصل و ملح و فلفل كي يتقلي نمرقو و نديرو شوية قرفة مطحونة و نخلوه يطيب
لما يطيب الدجاج نخلوه يبرد و نفتوه و نديروه في زلافة نزيدولو نصف كأس تاع الشابلير و كابشة تاع مرقة لي طيبناه فيها مصفية يعني من دون بصل و الخمارة و الجبن المبشور و نبداو نديرو فالبيض مرات نلحق حتى 6 حبات يجي الخليط جاري شوية بعني مشي ناشف و مشي غير البيض
نجيبو مول نحطو فيه ورق الطهي و نفرغو الخليط و الى الفرن المسخن سابقا حتى يطيب يعني كي دخلي سكين يخرجلك ناشف

تقدري تقدميه وحدو او مع جلبانة ولا زيتون انا نحبو وحدو مي كي يكونو ضياف نزيدو في طاجين بلا منشمخو

و هذو صور من اعمالي ليه فرمضان مرة عملتو مع الزيتون في العرضو اللي شفتوها و مرة وحدو و مرة لخرى في مول السيليكون يعني فردية

ان شاء الله نكون وفيت و قدرت نوصل الفكرة للاخت لي قاتلي مبتدئة
صحا صحوركم
في انتظار رأيكم
سلام

soriaalg · 2014-07-22, 09:36

ما شاء الله ولا قوة الا الله بارك الله فيك توووووووووووووووووووووب يعطيك الصحة

zeyyan · 2014-07-22, 09:42

أناييس الربيع · 2014-07-22, 10:18

يعطيك الصحة

احلام14 · 2014-07-22, 11:13

يعطيك الصحة

هند222 · 2014-07-22, 12:47

يعطيك الصحة يالشاطرة

تبارك الله فيك

أم إناس · 2014-07-22, 13:15

ماشاء الله يعطيك الصحه
وخرجلك امممممممم

hayette82 · 2014-07-22, 22:52

444444444444444444444444444444444444

مرام 1987 · 2015-01-21, 22:08

يمي يمي يميييييييييييييييي سهلة وبسيطة وأكيد وااااااااااااااااااااااااو روووووووووووووووووعة
جزاك الله خيرا
سبحان الله والحمد لله ولا إله إلا الله ولا حول ولا قوة إلا بالله والله آكبر