الورشه 18 عبايات اجرييوو ...سطايفيه

stayfiya · 2014-05-24, 16:48

السلام عليكم و رحمة الله

اليوم حبيت نحطلكم ورشه خفيفه

للعبايه سخن الحال

و الصيف يحب غيير حويجه خفيفه

تلوحيها و تخرجي

بلا ما ضلي تكثري في القشوشات

عبايتنا و لا خلي نقولو

عباياتنا

خارجين من فكره وحده و كل مره كيفاش

نحبو نبدلو و لا نزيدو النقشات

و لا نبدلو لي مونش و هي رايحه

الاولى تشبه لهادي خيطتها العام لي فات

شريتلها 2 متر قماش بيزو بيزو و 80 سم كتان بيزو مغاير في الشكل و اللون

هاو ليك الباترون سبق و حطيتو من قبل

اول حاجه طبقي الكتان نتاعك على 4 و تفصلي

من بعد تسيباري الامام و الخلف

و تقطعي الرقبه و تطراسي حق لبياسه

لي جي في الوسط

نفس الشيئ لليمونش طبقي القماش على 4

و تبعي الباترون انا الاولي

عرضت فيها لي مونش و هادي

ما عرضتهمش

و تركبي لبياسه و تنقشي من فوق

و من تحت و من خلف لبياسه

نركب حزام بالبيزو بيزو باش

نربطو خلف الظهر كيما الروب تاع الفراشه

و بعد ها تخدمي لا فينيسون بالبيي في الرقيه و تركبيلها كروشي باش تسكريها و تكملي تجمليها هاو شكلها النهائي

الثانيه تشبهلها فقط عرضنا من الامام

و خلينا الخلف كيما راه و الهدف باش

نتحصل على النقشات عند الصدر

و الخصر و ثاني طولت لبياسه

خاطر مولاتها راهي اونسانت

مرت خويا الثانيه

و خدمت النقشات بلاما نقصهم

عند الكتف و عند لبياسه

من فوقها و تحتها و ما قطعتش

لقماش بلاسيت لبياسه برك من فوق

و كي العاده ركبت حزام دخلاني

على حواشي لبياسه

و ركبتها بنفس الطريق

و هاني كي خلصتها بصح كي

لبستها مولاتها جات خيير

الثالثه

خفيفه نفس العقليه تاع الاولى

فقط حبيت نزيدلها اكسسوار

بالكوبر لقيت عندي طرف فاضل

بلاسيت منو عند لكتاف

و تحت لا بواتخين نتي حره كيفاش

تحبي المودال تحبي تستعمل الدونتال

ولا لون اوخر من البيزو ولا كيما حبيتي

و فضلولي زوج طراف حبيت نزيدهم

فوق الصدر بالنقشات هكذا

لا فينيسيون من داخل نديرها بالبيي

منحبش سجاف كبير في البيزو بيزو

لخياطه لي على حواشي لكوير

غطيتها بسنسله كارتيي

كانت تطايش في الدار

كي جملت الروبه كملت لصقت

ليمونش فصلتهم عادي كي البودي

و هاي خلاصت

هيا واش قلتو تخيطو ولا كي العاده تتفرجو و تخرجو

دعواتكم حبيباتي

لابي بالرحمه و المغفره

سلاام

farawla01 · 2014-05-24, 17:05

بارك الله فيك و يعطيك الصحة دائما مميزة

stayfiya · 2014-05-24, 17:30

مشكوره فراوله خيتي

موجو جوجو · 2014-05-24, 18:24

دائما متألقة بورشاتك
بارك الله فيك

ندى قدور · 2014-05-24, 18:50

يعطيك الصحة يا الفحلة ورزق الله والدك الفردوس الاعلى وجميع المسلمين

عائشة بنت الهضاب · 2014-05-24, 19:11

يعطيك الصحة يرحم والدك وكل المسلمين شكرا لك

الماضوية · 2014-05-24, 19:32

مشكورة على هدا المجهود راكي فور تعلمنا بزاف حوايج منك راني قررت نتعلم الخياطة منك مزالني مبتدئة المقص منعرفش نمشيه مليح راني تاكلة على ربي ثم عليك باه نولي نخيط حوايجي وحدي يا معلمتي العزيزة نتمى تقبليني انا تلميدة جديدة عندك انشاااااااااء الله

جيجلية · 2014-05-24, 19:27

جزاك الله خيرا

اللهم ارحم والد سطايفية وارزقه الفردوس الاعلى

douda21 · 2014-05-24, 20:17

يعطيك الصحة خبيبتي ربي يجازيك كل خير و ربي يرحم الوالد الكريم و يغفرلو و يجعل قبرو روضة من رياض الجنة يا رب

ام خليل § · 2014-05-24, 20:20

4444444444444444444444444
انا جامي خيطت زعمة نقدر

biba04 · 2014-05-24, 20:30

رووووعة سطايفية ربي يجازيك كل خير وربي يرحم الوالد ويجعل مثواه الجنة

مـــيار · 2014-05-24, 20:34

رووووووووووعة بارك الله فيك أختي سطافية مشكووووووووووووووورة على هذ الاعمال القيمة لي تقدمي فيها

انتي أستاذتنا و تعلمنا الكثييييييييييير جزاكي الله عنا كل خير ,

الله يحفضك اختي ياريت تساعديني في هذا الموضوع ضرووووووووووري

https://https://www.djelfa.info/vb/sho....php?t=1594974

الاء هبة الرحمان · 2014-05-24, 20:36

ربى يرحم اللى رباك راح متهنى خلا الى يدعيلو ربى يجعل مثواه الجنة

crystale49 · 2014-05-24, 20:46

دائما متألقة اختي السطايفية

يا حنَّان ، يا منَّان ، يا واسع الغفران ، اغفر له و ارحمه ،

نورةسعاد · 2014-05-24, 20:54

مشكورا سطايفية على هاذه الابدعات وجزاكى الله اجر عملكى
ربي يرحم الوالد ويبرد قبره ويجعله روضة من رياض الجنة ويلحقه بالانبياء والشهداء امين يارب العلمين وجميع موت المسلمين