تفضلوا قهوة نفاسي

om assil · 2014-05-08, 17:08

السلام عليكم حراير منتدى الجلفة
الحمد لله راني سلكت بخير انا و المزيودة هاذي حلويات نفاسي كل صنعتهم انا غير المقروض نتاع ماما ربي يحفظها
راني شوي حاصلة مع بنتي كي تكبار شوي نحطلكم الوصفات كان حبيتو
درت مقروض اللوز و مخبز المزيود و البقلاوة بالجوز و النوازات و غريبية الكاوكاو و طبعا المقروض سيد الافراح و الزرير نتاع القمح خدمتهولي عجوزتي ربي يطول في عمرها و اكياس حلويات للاطفال خدمتهم قبل فرحت بيهم الاطفال و هاذاك ليكستال خدمتو حطيتو مع العصير و التيراميسو نسيت ما صورتوش ما درتش عرضة نهار واحد كل جماعة صغيرة في نهار وحده ادعوا ربي يخليلي بناتي و يصلحهم

أم إناس · 2014-05-08, 17:16

ماشاء الله كلش كلش كلش روووووووووعه. والله يبارك
ومبروك عليك البنوته ربي يحفضه من كل شر. ويسترها وتكبر في طاعة ربي. ويخليهلك

انتصار فاطنة · 2014-05-08, 17:21

بالبركة عليك تتربى في عز والديها ان شاء الله

sarfai · 2014-05-08, 17:24

machaa ellah ykhalilek bnatek wrabi yefrre7ek bihom

marwa255 · 2014-05-08, 17:35

koulchi mabrouk 3lik tetraba f 3ezkoum nchallah

كلمة و ابتسامة · 2014-05-08, 17:41

اعتينا الوصفه تاع القاطو الاول و الكاستال الثاني
ابعثيهملي في رساله خاصه اني ننسى الموضوع مشكوره

نادية روز · 2014-05-08, 17:52

ااولا مبروووووووووووووووووووك عليك وربي يحفظلك بنوتك كلشي روعة ماشاء الله

لينة71 · 2014-05-08, 18:09

مبروك عليك اختي تتربي في عزك وعز باباها ...امين ياربي
اختي حبيت نسقسيك كيفاش طيبتي الحلوة وانتي بكرشك ولا كنتي تطيبي وتخبي ولا كيفاه راني حابة ندير كيما انتي....وريلي كيفاه درتي راني غير وحدي

om assil · 2014-05-08, 18:46

اقتباس:

المشاركة الأصلية كتبت بواسطة لينة71

مبروك عليك اختي تتربي في عزك وعز باباها ...امين ياربي
اختي حبيت نسقسيك كيفاش طيبتي الحلوة وانتي بكرشك ولا كنتي تطيبي وتخبي ولا كيفاه راني حابة ندير كيما انتي....وريلي كيفاه درتي راني غير وحدي

شوفي اختي الحلويات كل خدمتهم كي دخلت شهري اول اسبوع خفت نولد قبل و ما نوجدهمش كونجليتهم كل ما عدا المقروض و الغريبية خليتهم في الفريجيدار من تحت في علب محكمة الاغلاق
نصيحتي بات يبقاو ملاح اغسلي الفريجيدار كل مليح و ما تحطيش فيه حوايج دير الريحة خصوصا الثوم و الطبيخ انا حطيت في الكونجيلاتار معهم غير القارس و في الباطة فرشي غلاف كبير نتاع السني و من بعد طبقة قاطو و طبقة ورق الامنيوم و كي تكملي اربطي نيلو عليهم مليح و اقففلي الباط و زيدي ديريه في شكارة هكا تضمني ما تتبدلش ريحتهم و ما تدخلهمش الرطوبة و ما تحطيهمش في ليكسات ما عدا البقلاوة حطيها في ليكسات باه ما تلصقش في بعضها و كونجليهم و هما جدد طبعا بعد ما يبردو خلاص و صدقيني يقعدوا حتى 3 اشهر او اكثر ما يصرالهم والو
البقلاوة كي تجي تقدميها امسحيها بفرشاة فيها العسل باه تجي تبرق المخبز ما ييحتاج والو يقعد عنده نفس البريق كي يديكونجلى بصح مقروض اللوز تبل شوي برك عاودت عقب الحواشي نتاعو برك في سكر قلاسي خاطر كان مديكوري قبل و جاو كلي جدد ما شاء الله المهم حذاري تحطي معاهم طبيخ باه تقعد ريحتهم هايلة واي استفسار راني هنا و ربي يسلكك على خير
و المقروض و الغريبية ما يصرالهم والو في الفريجيدار من تحت

و اختي رندة 1995 بنتي سميتها شهد