الجزء64 من واش طيبي اليوم " هيا نقوّي حبنا لله "

إلهام07 · 2014-03-16, 12:32

البسملة1

صباح الورود والياسمين حبيباتي بما أنو بريق الأمل غايبة رايحة نفتتح الكوزينة الجديدة ، كوزينة الأمل في أن يكون غدا يوم أجمل .

إن شاء الله في هذي الكوزينة يفرج ربي عن كل مكروب ويفتح الأبواب في وجه كل معسور ويفرح كل مهموم ويرزق كل محروم ويشفي كل مسقوم ............ قولو آمين .

حبيباتي لنتجمع تحت ظل الله: نتقيه ونتقرب إليه ونحبه ونحب فيه .

جاتني هذي المناسبة على غفلة ماحضرتش نفسي لذا رايحة نحط صور من أرشيف طياباتي ، إن شاء الله كوزينة خير ورزق يارب
هيا فحلات عمرولي الكوزينة بمالذ وطاب والدودودودو ........نونونونو
عندنا قسم الدردشة نحكيو وندردشو فيه باش تبقالنا الكوزينة أطول وقت ممكن ونتعلمو فيها من بعضانا ونستفادو من وصفات فحلات الجلفة .

حتى لو ماكانش الحاضر لازم إكرام الضيف ومدام دخلتو عندي لازم نحط تفضلو من مطبخي :

تيراميسو

تشاراك

سلطة

ميني كايك

رولي فايف ستار

شاي مثلج

تارت بالشكلاطة

بيتزا

بقلاوة

تارت الليمون

عصير رمان

مربعات بحلوة الترك والكاوكاو

تارت الليمون

غريبية نمرية

مورقات بالمرقاز

دجاجة ديزوسي

ميني كايك الليمون

كراب بالشكلاطة

رولي تيراميسو

قوارب الباذنجان

تارت موكا

صابلي الليمون

طاجين الحلو

طحلوشي

باتيسري كاراميل - برالين

باناكوطا

قلب اللوز

حساء الفطر

بتي فور

باناكوطا

شارلوت

تارتولات الليمون

تارت الموز والكاراميل

وهذي تارت آخر العنقود : تارت برالين

تارت شكلاطة - فراولة

بيسكوي بالمعجون

معقودة

رولي الدجاج واللحم المفروم

وبما أنو اليوم مازال مافطرتوش هذي صينية متواضعة إن شاء الله نتجمع على الخير والمودة و محبة الله

تحياتي

سميحة 01 · 2014-03-16, 12:37

الف مبرووووك الهام و الله غير كنت حابة انت تفتحيها راجعا نحط الباروك

اطباقك رووووعة كي نظل نشوف فيهم ما نملهمش

lahna moka · 2014-03-16, 13:43

أم فاطيمة,فضولة,أم الهضاب, ليلوشاف, أم اناس, دائمة الحمد, ناتاكابيل, أم نوردين, أدراري, ريتاج التيارتية, ايمان ميميشة, ما شاء الله طياباتكم و حلوياتكم روووووووووووعة تسلم الأيادي يا فحلات بلادي
سميحة, روضة, أوريسيا, شاوية حرة, أم تاجو, غزة في عيوني, طوكيو, صح فطوركم حبيباتي
راني عجنت السفنج المغربي تاع أختنا المغربية الشريفة و راه يختمر بصح بيناتنا السفنج عندي عقدة معاه يا رب برك ما يحشمنيش

البتول 27 · 2014-03-16, 17:36

السلام عليكم
ساعدوني ربي يحفظكم عندي طابلات مصورة بيها اطباقي بصح مين نكتب موضوع ونحب نحط الصور مايحبوش يطلعوا
وشفتكم اخواتي تحطوا الصور مصغرة وكاتبين اسمائكم فوقها لوكان ديروا فيا مزية وتشرحولي كي نعمل

البتول 27 · 2014-03-16, 19:34

[quote=البتول 27;1055919942]السلام عليكم
ساعدوني ربي يحفظكم عندي طابلات مصورة بيها اطباقي بصح مين نكتب موضوع ونحب نحط الصور مايحبوش يطلعوا
وشفتكم اخواتي تحطوا الصور مصغرة وكاتبين اسمائكم فوقها لوكان ديروا فيا مزية وتشرحولي كي نعمل[/quote
ردوا عليا انا مانعرفش كيفكم جزاكم الله الف خير

alison dilaurentis · 2014-03-16, 19:49

[quote=البتول 27;1055920956]

اقتباس:

المشاركة الأصلية كتبت بواسطة البتول 27

السلام عليكم
ساعدوني ربي يحفظكم عندي طابلات مصورة بيها اطباقي بصح مين نكتب موضوع ونحب نحط الصور مايحبوش يطلعوا
وشفتكم اخواتي تحطوا الصور مصغرة وكاتبين اسمائكم فوقها لوكان ديروا فيا مزية وتشرحولي كي نعمل[/quote
ردوا عليا انا مانعرفش كيفكم جزاكم الله الف خير

اختي البتول سامحيني والله مانعرف شوفي لبنات بلاك يعاونوك....انا علبالي بلي لازم الصور يتحملو من موقع خاص بالتحميل...ومبعدا تحطي الرابط

نتاعهم باش يطلعو....

nawel zed · 2014-03-21, 08:31

صباح الخير كيف الاحوال
تحية لكل ام بمناسبة عيد الام كل عام و انتن بخير
شفت طياباتكم كلها تشهي وليتو محترفات ربي يبارك عليكم
رياحين ربي يشفيلك بنتك كثري من الدعاء خاصة انت ام و دعوة الام مستجابة
جيتلكم شوي حوايج لقيتهم في البورتابل ايااااا قلت نحطهم برك ههههه

هاذو شريتهم من محل حلويات عجبني الاول وااااو قلي عجينة مثل القوفريط محشية
نهار صمت دارتلي اختي الصغيرة الفطورهههه

صح غداكم

lahna moka · 2014-03-21, 12:59

صباح الخيرات حبيباتي
نوال طياباتك مممممم و شهاني أكثر الكراب المحشي بالشونتيلي ممممممم
أم أرحاب الخبز يمي يمي و الطاجين تاني يعطيك الصحة
أم ماجد بت نوم في الحوت حرام عليك
حبيباتي صح غذاكم كاااااااامل
حنا غذانا دجاج و فريت و الحمد لله

أم فاطيمة · 2014-03-16, 12:39

الف مبروك لهومة الكوزينة جديدة انشاء الله تكون عامرة بالخير و الخمير و العقبال لكوزينة الصح
و شكرا على الاطباق الشهية لي تدي لعقلو ها هي بعض ارشيفاتي

أم شيماءْ · 2014-03-16, 12:50

مبروك عليك الكوزينة الجديدة انشاء تكون فال خير عليك كشرودتي

fadoula fcb · 2014-03-16, 12:55

الف الف مبروك كوزينه الهام وان شاء الله نربحو عليها وحبيت نقلك حاجه عندها بزاف في قلبي نحبببببببببببببك وربي يعطيك واش تتمنهاي وهذي بعض من حلاوياتي
زلابية بنان

حلوه لي ترافل

وهذا بوتي فور ام اماني ربي يخليها

ام الهضاب · 2014-03-16, 12:56

الف مبروك الكوزينة الجديدة و آميييين ، اللهم صلي و سلم على سيدنا محمد عليه افضل صلاة و سلام
هذا عشايا انتاع البارح و اليوم تغدينا لوبيا بيضا و الحمد لله على نعمه

شاوية حرة 05 · 2014-03-16, 12:51

الفففففففففففففففففففففففففففففففففففف مببببببببببببببببببببببببروك الهام انشالله تكون عامر باالخير

أم محمد تاج · 2014-03-16, 12:54

مبروووك لهاليبووو على الكوزينة الجدية وطيابك رووووعة لا يعلى عليه حنونتي وراني نطبق في تارت الليمون مبعد نحط الصور نشالله

lilouchaf · 2014-03-16, 12:56

مبروك الكوزينة لهومة وفرحت كي انت فتحتيها