موضوع مميز التحدي الاول- تغليف علبة - من مسابقة ابداعاتي في التزيين

fifiarch · 2014-03-04, 15:23

مساااااء الخير كل اخواتي

نتمنى تكونو كامل بالف خير و صحة وعافية ان شاء الله

اليوم وعلى بركة الله نفتتح موضوع اول تحدي بمسابقتنا

***ابداعاتي في التزيين***

حتى لا ننسى هنا موضوع التسجيلات وشرح طريقة سير المسابقة

https://www.djelfa.info/vb/showthread.php?t=1541930

وهذا هو شعار الدورة اتمنى من كل الاخوات المشاركات معنا وضعه بتوقيعاتهن هكا باه نعرفو بعض ومجموعتنا اكثر

الان مع اسماء المشاركات معنا ونتمنى توضع كذلك بالتوقيعات وهاذ الاسماء هن المعنيات بالعمل على التحديات

ارحب بكن جمييييييعا

اما الان وبعد ان تعرفنا على المشتركات معنا بالمسابقة نعلن عن بداية اول تحدي
*
*
*
*
*
*
*
*
*
*
*
*
*
*

التحدي الاول

******تزيين علبة*******

كما سبق الطرح فالتحدي الاول فكرته عبارة عن تزيين علبة وفيما ياتي شرح بسيط للاخوات حتى تتوضح الصورة اكثر

اشكال العلب عندنا متنوعة وكثيرة . كذلك استعمالات هذه العلب تختلف لذا بدل رمي هذه العلب كل مرة قررنا انو التحدي يقوم على اساس استغلال اشياء بسيطة عندنا بالمنزل

هذه العلب يختلف شكلها بين الاسطوانية مثل علب الحليب والطماطم واخرى مربعة او مستطيلة وكاين حتى السداسية يعني كل علبة تعطينا فكرة وابداع في تزيينها

الاساس في فكرة التحدي هو تغليف العلبة يعني ممكن نستعملوقماش او ورق مزين وملون

بعدين لا بد من تزيين هاذ العلبة وهنا كاين الالاف من الافكار والادوات ممكن مثلا استعمال ورود او رسومات او اشكال ونلصقوها كيما ممكن نستعملو دونتال او احجار ...............كل شيء واي شيء نقدرو نزينو بيه مسموح العمل بيه

لحد الان ماهو مطلوب التغليف والتزيين الكل قادرات عليه نعرف اخواتي شاطرات ماشاء الله

لكن الامر لي راح يكون فاصل فعلا هو الابتكار في استغلال العلبة

يعني ماراحش نتوقفو عند تزيين العلبة وخلاص باه من بعد نرميوها في اي ركن في المنزل ....لااااااااااااااااااااااااااااا

عملنا هو تغليف و تزيين العلبة لاستغلالها في شيء مفيد

مممممم مافهمتونيش؟؟؟؟؟؟؟؟؟؟؟؟؟؟؟؟؟

معليش نزيد نشرحلكم

يعني اختي قبل ما تفكري في تزيين العلبة لازم تفكري هاذ العلبة بشكلها وطريقة تزيينها في واه راح تستغليها

ممكن تكون حاملة اقلام او تكون علبة اكسسوارات او.....او......او........

هنا نخليكم انتم وشطارتكم وابداعكم

يعني هذا التحدي راح يمشي بهاذ الخطوات

جيبي علبة : غلفيها.........زينيها........استغليها في شيء مفيد

والان نجيو للاهم
اكيد لازمنا نشوفو العمل وكذلك عندكم مدة محددة باه تعرضو اعمالكم وهي اسبوع من طرح هاذ الموضوع

يعني طريقة العرض راح تكون عن طريق تصوير العمل مع وضع ورقة بجانبو مكتوب عليه اسم العضوة

هنا لابد من تصوير العمل من عدة جوانب قبل ان تستغليه وبعد ان استغليتيه تكفينا صورة واحدة

مثلا اخت صنعت علبة لحفظ الاكسسوارات

تصورلنا هاذ العلبة مفتوحة ومغلقة بجانبها ورقة مكتوب عليها اسم هاذ العضوة ثم تصورلنا العلبة وبها الاكسسوارات واكيد كل ماكانت طريقة التصوير وعرض الاعمال اجمل كل ما كان راح تجلب الانتباه الى العمل

واكيد المشرفات....المؤطرة و الاخت نهال وطاطا ام سفيان راح يساعدوكم بالافكار وكل استفساراتكم في الموضوع وحتى لو توضعو صور اولية للاعمال هنا وتخلوهم يمدولكم الملاحظات حتى تساعدكم على انجاز افضل الاعمال

اتمنى اني نكون وفقت ولو في جزء بسيط من شرح هاذ التحدي
*
*
*
*
*
*
*
ياللا بنات عندكم اسبوع كامل ابداو في مناقشة افكاركن والعمل وان شاء الله تكون نتائج مرضية للجمييييييع

ملاحظة هامة

الاعمال كلها توضع عن طريق رد تحت عنوان مشاركتي في التحدي الاول
وتحته كل الصور التي تختارها العضوة

توضع الاعمال قبل يوم الثلاثاء 11/03/2014 على الساعة 15.00

ليتم تقييمها ووضع التحدي الثاني بعد ذلك ان شاء الله

تحياااااااااااتي للجميع

بالتوفييييييييييييييييييييييييييييييييييييييق

farawla01 · 2014-03-04, 15:41

شكرا ليك اختي او نتمنى التوفيق ليا ولكل الاخوات المشاركات

ام إثري · 2014-03-04, 15:52

بارك الله فيكم على المسابقة وان شاء الله نكون في المستوى

souma.sousou · 2014-03-04, 16:31

الله يجعل ايامك كلها ورود في ورود انشاء الله ,,,,,,,,,التحدي الاول راه واضح ومفهوم بالتوفيق للجميع مع احلى واجمل اعمال انشاء الله
حبيت نسال حاجا مافهمتهاش كيفاش نحط الشعار لي قلتي عليه واين مشكورة

ياسمين1990 · 2014-03-04, 16:37

بارك الله فيكم على هذه المسابقة
اتمنى لكم التوفيق

*أم كوثر* · 2014-03-04, 17:27

السلام عليكم
بارك الله فيكم القائمين على المسابقة
الفكرة هايلة
واتمنى الاستفادة للجميع
متابعة بشوق
ربي يوفقكم

حورية38 · 2014-03-04, 17:34

مساء النور للاخت فيفي ولكل العضوات وكدلك المشاركات
بارك الله فيكن على هاد المسابقة انا كنتنستنى فيها بفارغ الصبر والقسم رجعت فيه الروح كان ناقص حيوية ونشاط
بالتوفيق لجميع المشاركات

ام فاروق... · 2014-03-04, 17:37

السلام عليكم
شكرا للمؤطرات و اتمنى بداية موفقة لكل المشاركات
انا تاني ما فهمتش كيفاش نحط الشعار

لميس حواء · 2014-03-04, 18:55

السلام عليكم بداية موفقة أن شاء الله تعالى
ما قدرتش نحط الشعار المنتدى هبلني المرة الجاية يلا كتب ربي
بالنسبة للأخت لي تساعدنا وين نقدر نطرح عليها الأفكار لي عندي و هي توجهني للأفضل
مشكككككككككككككككككككككككككككككورين

لحن الحياة. · 2014-03-04, 19:00

راه هبببببببببببببببببببببببببببببلني المنتدى ماهوش يدخل عندي يا بناااااااااااااااااااااااااااااااااااااااات

اففففففففففففففففففففففففففففففف

المهم راني مشبشبة و ما عرفتش نختار تزيين ههههههههههههههههههههه

بصح ما فهمتش تاع الاسم كيفاه نكتبوه في ورقة؟و نصوروه مع العمل عادي؟؟؟

لحن الحياة. · 2014-03-04, 19:02

هاك يكون التوقيع ولا ماهوش هاك راني درت فيه كللللللللش ههههههههههههههههه
المسابقة الورد السمن الاسم ..................

لحن الحياة. · 2014-03-04, 19:04

الى لقء قريب نروح نوجد اختبار التلاميذ غدا عندهم المادة تاعي
لي عودة........
سؤال اخييييييييييييييييييييير
هل نقدر نحط العمل تاعي قبل الثلاثاء؟

souma.sousou · 2014-03-04, 20:02

حبيت نسال هل نصورو كل مراحل العمل .ارجو الاجابة عاجلا ومشكورييييييين

oum 3abdou · 2014-03-04, 20:03

السلام عليكم ورحمة الله وبركاته
نتمنى التوفيق لجميع المتسابقات و ان شاء الله نكونو في المستوى لمطلوب شكرا للمشرفات على المسابقة و ياريت تفيدونا بشويا افكار لاني مالقيتش روحي هههههههه

نهال13 · 2014-03-04, 22:05

اقتباس:

المشاركة الأصلية كتبت بواسطة oum 3abdou

السلام عليكم ورحمة الله وبركاته
نتمنى التوفيق لجميع المتسابقات و ان شاء الله نكونو في المستوى لمطلوب شكرا للمشرفات على المسابقة و ياريت تفيدونا بشويا افكار لاني مالقيتش روحي هههههههه

مساء الخير لبنات بداية موفقة ان شاء الله واكيد راح نشوف اعمال رائعة من يد حرائر الجزائر اما بخصوص الافكار ادخلو لهد المواقع ضك تلقاو افكار رائعة ان شاء الله
https://www.djelfa.info/vb/showthread.php?t=1545868
نتمنى نكون افدتك اختى و بالتوفيق ان شاء الله لكى وكل المتسابقاتhttps://www.djelfa.info/vb/showthread.php?t=1543728