أريد مساعدة بخصوص ماكينة الخياطة

staali · 2014-02-04, 11:23

السلام عليكم ورحمة الله وبركاته

إخوتي العزيزات أريد شراء ماكينة الخياطة ولكنني لا أعرف شيئا عنها

أرجو مساعدتي بخصوص النوع الجيد والأسعار المناسبة أريد التي يعمل بالمحرك

وحدة قاتلي كاينة وحدة مستعملة ولكنها بيدو جديدة وصاحبتها لم تستعملها كثيرا وهي من نوع سنجر أو تويوتا لست متأكدة قاتلي مليون ومية

sdf:

staali · 2014-02-04, 12:01

أرجو من الأخوات العزيزات مساعدتي لأنني مبتدأة ولا أعرف شيئا عن الخياطة وأجركم على الله

ام إثري · 2014-02-04, 12:11

اختي روحي لي بيع لماشن هو ينصحك لي مليحة
لامارك كاين بزاف لي مشهورلاة تيوتا وسنجر
وماننصحكش تشري المستعمل اشريها جديدة وياربي

staali · 2014-02-04, 12:35

مشكورة أختي على النصيحة لكن أنا خايفة ملقاش النوع الأصلي ولي قاتلي عليها أصلية

stayfiya · 2014-02-04, 13:30

ختي نتي منين ؟ لكان عدتي من جيهتي ولا قريبه نبعثك لي نعرفهم و لكانك قريبه لوحدة من لبنات. راهم يعاونوك ما يبخلوكش. و شوفي في الموضوع المثبت تاع المشينه لبنات حاطين ماشيناتهم شوفيهم

staali · 2014-02-04, 13:50

شكرا جزيلا على الإفادة أنا من غيليزان

staali · 2014-02-05, 11:20

كنت شبه متأكدة أنكم رايحة نلقى المساعدة من عندكم ولكن للأسف خدلتوني هذا كامل لاني منيش عضو لي تعرفوه من قبل ولكن أنا نوعدكم أني رايحة

نولي محترفة في الخياطة ونوريلكم المساعدة تاع صح لأنو عيب واحد يملك المساعدة ويبخل بيها

stayfiya · 2014-02-05, 12:06

اقتباس:

المشاركة الأصلية كتبت بواسطة staali

كنت شبه متأكدة أنكم رايحة نلقى المساعدة من عندكم ولكن للأسف خدلتوني هذا كامل لاني منيش عضو لي تعرفوه من قبل ولكن أنا نوعدكم أني رايحة

نولي محترفة في الخياطة ونوريلكم المساعدة تاع صح لأنو عيب واحد يملك المساعدة ويبخل بيها

علاش ياختي تهدري هكذا والله عيب صح باينه بلي جديده و ماتعرفيش العضوات مليح مكانش منها يجاوبو غير لي يعرفو ادخلي لقسم الطلبات و شوفي لي يسال يلقا جوابو و حتى لو كان ما يعرفوش يقولو مانعرفوش نتي حطيتي موضوعك بين المواضيع و هذا خطأ لانو راح يتلط مع المواضيع و مايشوفوهش و مع رانا كامل لاتيين بالمسابقه تاع تجديد القديم تلقاي الحركة قليله في المواضيع ياختي ماذابينا تتعلمي نشالله و تفيدي بالشي لي تقدري عليه خاطر الاجر ليك نتي ميش لحتى واحد نتمنى تكوني فهمتيني انا جاوبتك و قتلك شوقي الموضوع المثبت تاع لمشينه باش تدي فكرة على ماشيناتنا كامل. المهم بالنسبه ليا مشينه سانحار راهي نعمه لوكان تكسبيها و ربي يوفقك ختي

staali · 2014-02-06, 12:03

الأخوات متزعقوش مني أنا لومي لكم نابع من حبي الشديد لتعلم الخياطة وأنا متزوجة بعيدا عن أهلي و ملقيتش خلاص لي يعاوني في حتحاجة أنا أصلي من العلمة أخت ستايفية يعني جيران نتمنى لي تقدر تعاوني باش نتعلم مليح الخياطة أنا راسي خفيف

loudjeine2000 · 2014-02-05, 11:45

شوفي يا ختي ما نقدروش نقيدوك بنوع لازم يكون اموا تعرفي تخيطي اذا كنتي تعرفي ما عليك تشري نوع جامسي او سانجر ولا كنتي مبتدا اشري وحدة صغيرة خير باش تمشي يدك و ان شاء الله ربي وفقك

ام إثري · 2014-02-06, 12:22

ياختي راني قلتلك شوفي لي بيع لماشن هو ينصحك وقلتنك احسن ماركة هي سنجر وتويوتا
اذا راح تعلمي اشري الصغيرة برك حتى تمشيس يدك في الخياطة
واش نزيدو كثر من هك وهنا رانا كامل نعاونو بالشي لي نعرفوه ماشي شرط نعرفو العضو باه نردو عليه
ربي يسهلك في الشي لي بغيتيه

امونة27 · 2014-02-07, 15:52

salam ana chrite machina samouha super zigzag chaba w hayla bazaffffffff chritha b 9800da