هل انتم حقا جامعيين ..؟ ...وتبحثون عن وظيفة ...؟؟

[LAMIN Z]

السلام عليكم

هل نحن اغبياء ؟ ام نتغابى ؟؟ وانا اولكم
الا ترون ان طريقة التوظيف على اساس الشهادة والله لن تسمح للذين درسوا حقا الحصول على وظيفة
ماذا عن الذين تخرجوا قبل سنة 2000 والذين بعدهم ..يوم ان كانت الدراسة تشبه الدراسة
وكانت المعدلات حقيقية و منطيقية
اليوم مسابقة المقتصدين 12 نقطة كاملة لاصحاب المعدلات المرتفعة ولي ماجور ..
من هم ليماجور ... اليس معظمهم بنات من ازدياد 92 و93 ...
كيف حصلوا وحصلن على هذه المعدلات ...؟؟؟؟ مع اساتذة امراض نفسيا ...؟؟ حشا البعض
اليست المسابقة على اساس الشهادة تمنح الادارات عمومية الصلاحية لتكون خاصة ..وكل مسؤول يوظف
قريبه و من يرشيه ومن .....
والدليل ما حدث مؤخرا باملاك الدولة لولاية الجلفة
لماذا لا تعود طريقة التوظيف على اساس الاختبار كما كان يطبقها المدير العام السابق للوظيف ...
لماذا تطبقها البلدان الغربية ونحن لا ؟؟
والله لما كان تطبيق التوظيف على اساس الاختبار معظم الناجحين من الزوالية وذي المستوى العالي
الا ترون ان البنات صاحبات المعدالات العالية يبدلن الوظائف كما يحل لهن ..ما عليهن سوى امضاء وعد بالاستقالة
والرجالة قاعدين يتفرجو...
قالوا ان المسابقات على اساس الاختبار مكلفة ...وعلى اساس الشهادة غير مكلفة
اليست الخزينة في تخمة ... واذا لم نستغلها في توظيف الرجل المناسب في مكانه المناسب ..فاي سنستغلها ؟؟
اليس هذا هو تكريس للردائة بعيها ؟؟
اين الشباب البطال اي الاحتاج اين ....
لكن للاسف المهم هو انلوح دوسي وخلاص

[علي 07]

[mounia nouna]

راني معاك في كلشي قلتو حسبي الله ونعم الوكيل

[mimi.lionne]

عندك الحق في قاع اللي قلته شاباغي نديرو رانا صابرين حتى يفرج ربي

[حقيقي]

والله غير كلامك كل صح لكن واش نديرو .......غير الوقفات والاحتجاجات هذ الحل الوحيد

[amine eco]

بالنسة للمسابفات مقتصدين من المفروض ان تكون على اساس الاختبار لاعطاء فرصة للجميع
فغير منطفي يتخ حساب المعدل فقط لانه اكيد الاناث لي راح يربحو برك

[youcef19003]

بالتوفيق للجميع ان شاء الله

[samar14]

انا معاك الي تخرجومن بعد 2005 كل معدلاتهم مرتفعة و الكارثة الكبرى انه داخل غتغباج و ولا دياس كيفاش في العادي ما تاقش يقفل السنة و في الاخريين جايب و لا جايبة معدل 13 و 14 و حتى 15 و 16 كون تسقسيه ما هوش عاقل حتى شتى قرى انا في مسابقة الخزينة في مستغانم شفت المستوى الحقيقي لهؤلاء ماهمش عارفين حتى شتى يفوتو انا خريجة 2004 متذكرة خرمنهم القراية و ما همش فاهمين حتى الفرق بين على اساس الشهادات و الاختبارات فمن المنطقي في بلادنا كل فاشل و حاشاكم حمار يترقى و يدي معدلات كبار و بلاك حتى يدخلوا هؤلاء يخدمو لان النتيجة لم تظهر بعد و انا نقعد غير نحكي في بلاد فخامته

[يحيى رحال]

المشاركة الأصلية كتبت بواسطة samar14

انا معاك الي تخرجومن بعد 2005 كل معدلاتهم مرتفعة و الكارثة الكبرى انه داخل غتغباج و ولا دياس كيفاش في العادي ما تاقش يقفل السنة و في الاخريين جايب و لا جايبة معدل 13 و 14 و حتى 15 و 16 كون تسقسيه ما هوش عاقل حتى شتى قرى انا في مسابقة الخزينة في مستغانم شفت المستوى الحقيقي لهؤلاء ماهمش عارفين حتى شتى يفوتو انا خريجة 2004 متذكرة خرمنهم القراية و ما همش فاهمين حتى الفرق بين على اساس الشهادات و الاختبارات فمن المنطقي في بلادنا كل فاشل و حاشاكم حمار يترقى و يدي معدلات كبار و بلاك حتى يدخلوا هؤلاء يخدمو لان النتيجة لم تظهر بعد و انا نقعد غير نحكي في بلاد فخامته

من 2005 المستوى تدنى يعني بعد تخرجك أنت ؟

[samar14]

انا خريجة 2004 و ان متاكدة من كلامي و راني نهدر بصفة عامة يعني حتى لو كان 1 او 2 او اكثر و يمكن انت منهم لهذا زعفت عندو مستوى فالمستو ى العام متدني و هذا بشهادة الاساتذة الجامعييين المحترميين و يمكن تسال الى بغيت و الدليل روح الى الادارات و شوف الا تسقسي واحد دخلت جديد و متخرج جديد الا يعرف حتى طبيعة عمله و قبلها سقسيه اذا دخل خدمتو ا في الامتحانات الكتابية مشي على اساس الشهادات و انا من مؤيدين رجوعها و التصحيح الحقيقي كذلك

[LAMIN Z]

بارك الله فيك خويا
انا نعرف مقتصدة دخلت العام لي فات مقدرتش راها حابة تستقيل
نعرف وحدة كانت ناجور دو برومو والله خدمت في ثلاث ادارت
وكل ما تتلاقى في صحاباتها تقللهم'' واش من اباطا راكم فيها.. انا كنت في
لي زامبو ومعجبنيش الحال بدلت ...''
واش معنها
معناها راهم يحرقو في لي بوصت والزوالي يشوف

طريقة التوظيف على اساس الشهادة لازملها احتجاجات
رانا كرهنا

[tozbama]

معاك الحق اخي انا نفسي خممت في هاكذا قبل ما ندي ليسانس نتاعي انا نديت ليسانس جديد2013 بصح كنت ديجا دافع دوسي درك وطني ضرك راني في بيرميسيو ساعات نقول الشهادة نتاعي راحت باطل بصح كينجي نخمم من جهة اخرى نقول واش دارو بيها ضرك اللي عندهم وانتوما واش رايكم

[djemy9 red]

اخي امين لد اصبت كبد الحقيقة ونطقت بما كان يضيق صدري
صدقنى لقد ارحتني بكلامك هذا اشكرك وربي يجيب الخير ان شاء الله.

[LAMIN Z]

المشاركة الأصلية كتبت بواسطة djemy9 red

اخي امين لد اصبت كبد الحقيقة ونطقت بما كان يضيق صدري
صدقنى لقد ارحتني بكلامك هذا اشكرك وربي يجيب الخير ان شاء الله.

بارك الله فيك اخي
هذا قليل جدا من كثير جدا ...

[Guest]

صافي نتومة فاهمين بزاف ...


و كل واحد يقول للآخر صح صح يعطيك الصحة

نتومة طلبة علم وحنا خضارة ... قرينا خضرة ...

الجامعة مازال مفتوحة: كل من يتكلم عليه أن يبرهن ... أما الكلام في الهواء ليس مهم ...
أيضاً أنتم تركتم من ينجحون تحت الطرف وأخذتم تسبون طلبة الجامعات؟ هذا ليس من الأخلاق ... إضافة إلى ذلك قرينا عند لي- قريتو وش صرا بعد؟ ...

المشكل في نظام المسابقات وكذلك المعرفة وشهادة إقامة هذ الحاجات كامل نسيتوهم ...
أيضاً في منطقة ك التي أسكن فيها يفشو مسابقة كل عام يدخل في المسابقة 4000 ويربح 1 ...
المسابقات جلها في العاصمة ولم نبعث دوسي جامي ردولي ...

في الاخير ...
الله يرزق من يشاء بغير حساب ...