بخصوص الراتب (( ضباط الصف ))

*الحواس* · 2013-10-19, 21:49

السلام عليكم

من بين إهتمامات المنخرطين للدرك الوطني أو أي وظيفة سواء كانت مدنية أو عسكرية , نجد أن الأشخاص يتسألون عن الراتب , و دائماً مواضيعي تكون في مجال الإختصاص أي عن الدرك الوطني .

بخصوص راتب دركي رقيب في المناطق الشمالية يكون حوالي 47000 دج إلى 49000 دج و في المناطق الجنوبية يكون من 49000 دج إلى حدود 51000 دج .

لكن ما الجديد ؟؟؟

الجديد هذ السنة أن الدركي (( ضابط الصف )) , و في المناطق الشمالية رسمي و على ما أظن حتى في المناطق الجنوبية سيطبق عليهم خصم من الأجر بقيمة 3000 دج و التي هي عبارة عن منحة الخطر .

إذن قم بإجراء عملية حسابية للأجر الجديد ..........

بالتوفيق

berira2003 · 2013-10-20, 10:05

اللهم لا حسد، هذا استنزاف لخزينة الدولة يا صاحبي 47000 دينار وين رايحين ،متفهمنيش غالط أجيال الغد وش يقعدلهم؟؟؟ كان الأولى استثمار البحبوحة المالية لبناء قاعدة صناعية قوية ليس تظخيم الأجور وشراء الأسلحة الخردة التي لن تستعمل على أي حال

عبد الله ابن ماجد · 2013-10-22, 17:13

اقتباس:

المشاركة الأصلية كتبت بواسطة berira2003

اللهم لا حسد، هذا استنزاف لخزينة الدولة يا صاحبي 47000 دينار وين رايحين ،متفهمنيش غالط أجيال الغد وش يقعدلهم؟؟؟ كان الأولى استثمار البحبوحة المالية لبناء قاعدة صناعية قوية ليس تظخيم الأجور وشراء الأسلحة الخردة التي لن تستعمل على أي حال

وعله يصاحبي حسدتهم وعله متهدرش علي صحاب كروش ليضربوا 30و 60 مليون تحقر في ضباط الصف ودرك وتاع الجيش
شوف للفوق صحاب لكروش

yelmaz · 2013-10-22, 22:34

اقتباس:

المشاركة الأصلية كتبت بواسطة berira2003

اللهم لا حسد، هذا استنزاف لخزينة الدولة يا صاحبي 47000 دينار وين رايحين ،متفهمنيش غالط أجيال الغد وش يقعدلهم؟؟؟ كان الأولى استثمار البحبوحة المالية لبناء قاعدة صناعية قوية ليس تظخيم الأجور وشراء الأسلحة الخردة التي لن تستعمل على أي حال

يخدمو ليل ونهار ما يعرفو شتاء ما يعرفو ثلج ما يعرفو عيد ما يعرفو رمضان اجي انتا تحسدهم على زوج دورو والله 7ملايين وماهيش خسارة في الرجالا كي يربو ليك الارهاب اقعد تحسب لاجيال المستقبل يخي شعب يااااااااااو ما انتم

skilerdz · 2013-10-23, 19:59

اقتباس:

المشاركة الأصلية كتبت بواسطة berira2003

اللهم لا حسد، هذا استنزاف لخزينة الدولة يا صاحبي 47000 دينار وين رايحين ،متفهمنيش غالط أجيال الغد وش يقعدلهم؟؟؟ كان الأولى استثمار البحبوحة المالية لبناء قاعدة صناعية قوية ليس تظخيم الأجور وشراء الأسلحة الخردة التي لن تستعمل على أي حال

smahli mais nta sah rak 3Ayech f 3Alem wahdokher
chouf kach wahed rah khadam f domaine yahkilek wach mayahkoulekch fel la TV wela journal

الامبراطور عبدو · 2013-10-24, 19:21

ههههههه عالم ثالث نتا راك عايش في العالم الرابع 4 ملايين في الشهر استنزاف لخزينة الدولة هههههههههه روح يا حانوني عس صحاب الكوستيمات لي هردو البلاد ومبعد أرواح عس الدرك.............. ولا كتبت التعليق باش يعطوك جائزة نوبل للاقتصاد والتخممام في المستقبل... حيرتنا صديقي

عبد الله ابن ماجد · 2013-10-27, 20:31

وعله صاحبي مشفتش تاع برلمان لي راه ديما راقد ويدي 60 مليون وبلاحساب فلات وطموبلات باطل
وقل هدوك مش استنزاف وقل ....................؟ والله غير حيرتني نتا ون عايش

ميهاتي · 2014-01-11, 16:47

اقتباس:

المشاركة الأصلية كتبت بواسطة berira2003

اللهم لا حسد، هذا استنزاف لخزينة الدولة يا صاحبي 47000 دينار وين رايحين ،متفهمنيش غالط أجيال الغد وش يقعدلهم؟؟؟ كان الأولى استثمار البحبوحة المالية لبناء قاعدة صناعية قوية ليس تظخيم الأجور وشراء الأسلحة الخردة التي لن تستعمل على أي حال

استنزاف الخزينة ميكان الرجال تبات للجليد وبعيدة عن الاهل نتاعهم لا جمعة لا صلاة العيدين لا عاشورة لا راس السنة لا علطة (البحر) ونزيدك الفوبراج الرجال كانوا يضحوا بارواحهم ....وكانوا يحموا داركم ونزيدك الدركي اللي احسدته عنده كل المعلومات على داركم ....انت كنت ترقد بين امك وبوك هو كان صدره موجه للرصاص ريح بعيد صاحبي....منين كنا اسود تجوب وتصول منين كنا سيوف مصلطة على رقاب اعداء الوطن انت وين كنت يا جايح انا نعرف كنت تديرها على روحك

عبد الله ابن ماجد · 2013-10-22, 17:15

اقتباس:

المشاركة الأصلية كتبت بواسطة ضابط

السلام عليكم

من بين إهتمامات المنخرطين للدرك الوطني أو أي وظيفة سواء كانت مدنية أو عسكرية , نجد أن الأشخاص يتسألون عن الراتب , و دائماً مواضيعي تكون في مجال الإختصاص أي عن الدرك الوطني .

بخصوص راتب دركي رقيب في المناطق الشمالية يكون حوالي 47000 دج إلى 49000 دج و في المناطق الجنوبية يكون من 49000 دج إلى حدود 51000 دج .

لكن ما الجديد ؟؟؟

الجديد هذ السنة أن الدركي (( ضابط الصف )) , و في المناطق الشمالية رسمي و على ما أظن حتى في المناطق الجنوبية سيطبق عليهم خصم من الأجر بقيمة 3000 دج و التي هي عبارة عن منحة الخطر .

إذن قم بإجراء عملية حسابية للأجر الجديد ..........

بالتوفيق

مشكور اخ الظابط علي هذه المعلومة وكش جديد قلنا برك علي الدواس لكتبلنا ربي نشاء الله

الامبراطور عبدو · 2013-10-22, 20:46

شكيب خليل كي سرق الجزائر ودا المليار معسيتوش و عسيت ضباط الصف لي يبات قاعد ويدي زوج دورو حرام عليييك تكتب هذا الكلام استنزاف لأموال الخزينة تبااااااا لأمثالك

عبد الله ابن ماجد · 2013-10-22, 21:05

اقتباس:

المشاركة الأصلية كتبت بواسطة الامبراطور عبدو

شكيب خليل كي سرق الجزائر ودا المليار معسيتوش و عسيت ضباط الصف لي يبات قاعد ويدي زوج دورو حرام عليييك تكتب هذا الكلام استنزاف لأموال الخزينة تبااااااا لأمثالك

راك تشوف خويا راهم يعسوا غير في زوالي ونسوا الخليفة وجماعتوا واويحي وشفوا بولسي وتاع جمارك وحماية درك
لمخالق لي راه متميزر دارهم ميشوفهاش من عام لعام وبلاحسب الخطر وتميزر تاع الحدود ولاارهاب

berira2003 · 2013-10-23, 19:03

للجماعة لي ردوا على تعليقي ثقافة الحوار 00/20 صح عالم ثالث a bon entendeur salut!!!!!!!!!!!!!!!

'مــــــــــــرجان نينو' · 2013-10-28, 18:26

ربي يهديك berira2003 حسدتتهم والله العظيم 55000 وقليلة عليهم

ماشفت نتا لعام طول وهو يخدم كي نهار كي الليل روح شوف ابسط

مثال على التعليم التالي فيهم يدي 40000 انا وكان جات بيدي والله غير نديرلهم

75000 لانها مهنة صعبة وتتطلب الراحة

anes kardinal · 2013-10-29, 14:13

الله يهدي ما خلق ههههههه
يعني نتا شفت غير الدركي الي يسلك 5 ملايين وما شفتش النواب تاع البرلمان الي يسلك 40 مليون
مالغري بيناتهم فرررررررررق كبيييييييييييييييييييييييييييير
الدركي الي راك تحكي عليه يخدم 24ساعة / 24
ودارهم يشوفها 3 مرات ف العام

~~khaled killer~~ · 2013-10-29, 17:08

[size="5"][/size هاذا واش تعرفو تعسو غير فالزاوالي ... و زيد تخمم على خزينة الدولة .. الدولة راهم كلاوها صحاب الكرووش حنى رانا غير نلقطو فالفتات تاع الفظلة .... و ربي يهديكم