مالفائدة .....من البكالوريا الحرة

[sehamralin]

....................................
امر مؤسف انو نقول هذا الشيئ لكن والله سمعتو من استاذ في المتوسط فاميلتي .....اتجرأ وقالي علاش راكي تقراي هههه
وخلصتي 5000 دج على حاجة راح تندمي عليها كي قلتلو وعلاش ....... قالي انتوما لي كونديدا ليبر مايصحولكم ما والو يتمسخرو بالورقة نتاعكم ومبعد يحطوها واحد مايدي معدل فوق 11 ...كي جاوبتو وقلتلو راهم كاينين اعضاء في منتدى الجلفة حقو المستحيل في البكالوريا الحرة .....قالي وبكل برودة يكدبو .....قلتلو علاش يكذبو مساكن واش يستفادو
انا والله حرت ماعرفتش واش نصدق هذا فاميلتي ولا اعضاء المنتدى تعيشوا اللي يعرف طريقة التصحيح للاحرار ايجاوبني بكل صدق باش مانضيعش عام وانا نقرا وفي الاخير ندي 0000
وسامحوني يا الاحرار اللي ديتو معدل مليح وقال عليكم كذابين والله ماهو قصدي ابدا

[nacera1962]

لا لا و الله نعرف ياسرمن الاحرار عام الاول متمدرسين جابو معدل 10 و كيما عاودو احرار جابو 14 و 15

[sehamralin]

شكرا اختي نصيرة 1962 كلام صدق ولا راكي تطلعيلي في المورال فقط
عذرا ماشي تشكيك بمصداقيتك

[shy'n]

يا بنتي راكي غير تخوفي فيا بركااااي

لا أظن فروا غوتشي و امينة 1994 يكذبوا هذو الزوج عقبوه احرار وطلعوا معدلاتهم و داروا حاجة شابة
صدى الققوافي ايضا عقباتو و الحمد لله تحصلت على معدل جيد صح هبطت على ما أظن لكن معدلها كان بعييييد جدا عن ال 11 لي قال هالك هذا السيد
كيما نعرف تاني ناس واحدوخرين حسنوه اوداروا واش كانوا يتمناوا

و الآن ركزي على ماقلته و ليس على ماقاله هذا السيد

[{ توبة }]

و الله يا اختي غير راه غير يتمسخر
و يهبطلك في المورال
اذا كان اعضاء الجلفة يكذبو بالرغم اني علابالي بلي معظمهم ميكذبوش
وش نقول على اللي راني نعرفهم مليح و شاهدة بلي جاوبو مليح بالباك الحر
نعرف وحدة جارتنا كانت حابة تدير طب في العام الاول ملحقتش
عاودت ليبر و جابت معدل مليح و هذا العام راهي تقرا طب
يعني اختي غير اقراي و متديريش عليه

[mica nour]

قول مثل هاته التعليقات اصبحت شرطا للمترشحين الاحرار يعني كيما الاستمارة و شهادة الميلاد لازم تكون
ننصحك ما تخمميش فالهدرة تاعه لانه راه غالط مليار فالمية و بالعكس لازم تكون هدرته حافز ليك باش تبينيله بلي راه غالط و هدرته ما عندهاش معنى

[مُحِبُّ الجَنَّةُ]

السلام عليكم و رحمة الله تعالى و بركاته
انا مكتنش راح نرد عأي موضوع مالمواضيع لي قريتهم حتان وصلت لموضوعك لان دلك الاستاد ازعجني كتيرا و هوا اللي يكدب ربي يهجيه و انت اختي الكريمة يعني انت تصدقي كل ما يقوله لك الناس غريب فعلا اريد ان اقول لك امر ادا حابة تعقبي الباك تعاودي عاوديه بصج اقراي مليج و اتعبي مش مبعد تقولي ام مصلحوليش الورقة مليح الاساتدة يصلحوا عادي و معظم التلاميد يجدوا النقاط قريبة للنقاط التي توقعوها+ انتي توكلي ع ربي و لن شاء الله يوفقك واخطيم نالاستاد ادا قالك ام يكدبوا كيفاش يكجبوا ادا هما جايين يلعبوا هنا يعني محق باينة خلاه ام ميكبوش و زيد نعرف وجايد 2 عاودوا الباك عحال الميدسين و راجوا العام ادا يقراو فاها + انتي جامي شفتي في الجريدة و لا في الانترنت قوائم المتفوقين في البكالوريا احرار هناك المئات ادا لم يتعدوا الألف اعتقد الدين تحصلوا على معدل15 فما فوق
اعتدر على الاطالة وملخص الكلام انتي اقراي متقلقيش روحك ان شاء الله يصلحولك ورقتك قد قد و + قالولي بلي الاساتدة كي يصلحوا معمبالهمش ادا الاوراق تع الاحرار والا النظاميين
بالتوفيق في بكالوريا 2014 ^____________________^

[amoulette]

صدقين والله ما راني نزيد عليك انا نعرف واحد ترشح حر و جاب 15 وراه يقرا طب
تاني وحدة فاميلتي عاوداته حرة وتاني جابت معدل الطب

[syliasmine]

ختي هذا مسكين خرف و راه يهدر و خلااااص المهم انا صحبتي جابت 2012 12,38 و 2013 14,08 و دارت هندسة معمارية
اخرى 14,80 2012 و 2013 15,40 و دارت طب و الاتنين ما قراوش في الجامعة
و اخرى 12,50 رياضيات و عاودتو جابت 14,60 و دارت مدرسة عليا
يا ختس اتكلي على ربي و اقراي ما تسمعي كلام تع فلان ولا تع فلتان العرب تاعنا مهمتهم يحبطوا المورال
انتي اقراي و اجتهدي و جيبيه ل 15 و قوليلو هاو في عينيك

[ابراهيم العادي]

جاري ملي كان نظامي جاب 12 وكي دار حر جاب14
لاحول ولاقوة الا بالله

[boussaidi]

كاين منها و اخطوكم من الإعادة

[aqua21]

ماكنش منها أنا كل عام نصحح الباك و ما علاباناش الأوراق تاع النن ظ أمي ولا اح رار . ليج اوب مليح يدي حتى لوكان يكون يهود ي. وأنا في 2011 فوت الباك و جبتوا ب 12.45 مع العلم اني قريتلو اسبوع واحد و من سنة 99 ما فوتش الباك
اقراو برك و تسمعوش الهد ره تاع الناس


الحاج ة الوح يد ة لماةالت فيها مصداقية في الجزائر هي الباك