من منا ضحى بالآخر .. اشعر بالموت فقط

صرخة ألم · 2013-09-27, 09:15

السلام عليكم جميعا
اللي قرا حكايتي حبيت اليوم نقلكم تفاصيل اكثر و الله و الله غير ربي لي يعلم شحال محتاجتكم
الشخص اللي حكتلكم عليه بدات حكايتنا في ال 10 سنوات برسائل و تصرفات طفولية تحديتها و تحديت احساسي و رفضتها حفاظا على ربايتي و كرامة اهلي و بقى ورايا
نهار راح للعسكر بكيت اكثر من الناس الكل و كنت نحترق و نخمم عليه في كل ثانية و مع هذا تظاهرت اني ما نحبوش خوفا اني نضعف و نكون معاه بعلاقة
و بعمر 27 اي بعد 17 سنة ارسل اختو على اساس نيتو صافية و كانت فرحة عمري و صارحتو اني ضد علاقة ماشي ضدو كشخص و كان فعلا مليح بزاف معايا و لكن المشاكل ظهرت انهم طولو باه يديرو خطوة رسمي و هو تظاهر بقتل نفسو مرة برصاصة و سمعتها و كدت فعلا نفقد اعصابي ليل و نهار نبكي قريب جنيت و ظهر ماكان والو
كان يجي من العسكر و يطلب نشوفو نرفض مع اني نحترق انتظرت انو يدير حاجة رسمي تخلي عندنا الحق نتلاقو هو اعتبرها اهمال و اني بايعاتو و حقد علي
مرة اخرى اتصل و قالي خسارة فيك عمري ضيعتو جن جنوني قتلو متأكد قلي من اليوم و رايح راكي ليبر سكتت قالي مانسمحش فيك مهما يصرا ... و بعدها اعتذر و قال ماعلابالوش بروحو علاه دار هكدا
و مرة اخرى قالي تسمحي فيا قتلو لا و اكدتلو صار يضحك باسلوب سخرية و دون اسباب حسيت قلبي يتقطع و سكتت
حسيتو اذن مخبي حاجة سالت عليه قالو يحب جارة اخرى و خلاتو و تزوجت و هو مرض نفسيا
جن جنوني خبرتو توقعت على الاقل ينفي او ياكد رد فعلو بالعكس غاضاتو لي قالو عليه هكذا و صار من وقتها اكثر من المجنون معايا
و صار يهدد و يتوعد على اتفه الاسباب و انسحبت من حياتو و قطعت اللي بينا
حس بغلطتو بعد مدة و صار يرسل اختو تتوسط و يلحق فيا و رفضت حتى الحديث معاه
و بالصدفة بعثوه للصحراء و انقطعت اخبارو و بعدما هديت توقعت منهم خطوة رسمي والو و بعد عامين قبلت بغيرو على اساس كنت متأكدة اني ما نهموش
و حتى خطبتي لغيرو ما تمتش لاسباب عدة و فسختها

هو رجع بعد 3 سنوات يستفسر علاه بعتو مع انو انا نظن هو اللي ضحى بيا من بعد قال انو خاطب و عاقد و راح يتزوج وو راح يبقى ورايا وووو
فهمت لحكاية انو اهلو كدبو عليه باللي راح يجيو يحكو مع دارنا و هوما كانو عمدا باه يصرف على عرس خوه و وقت كملو كلشي كنت انا تخطبت و بعها هو خطب و انا بطلت
رجع قال نقتلك و نعذبك و تخلصي وووو

**من بعد قبل عرسو باسبوعين قالي كوني معايا و راح نضحي بكلشي و نكون معاك انتي رفضت لانني خفت ربي في فتاة عرسها بعد اسبوعين و نكون سبب طلاقها -مع انها ماكانتش صح عاقدة خطبة برك-
رفضت و تزوج هو ككل عمري لازلت نحترق ***
انا لي ستنيت و بكيت و تعذبت و هي لي معاه
انا لي انتظرت عودتو من العسكر و خفت عليه و لو بيني بين روحي و غيري هي اللي من حقها تكون معاه

راح تقولو ضعيفة انا حافظت على روحي و على اهلي و كتمت احساسي و تدمرت
هو اليوم يقول هي اللي ربتني و عطاتني درس مانسيتوش و علمتني الفرق بين علاقة في الصح و الغالط
يقول انا الغالط فيها و اللي يجرحها نقتلو و حتى طلب مني السماح ... و مرات اخرى يقول باعتني و دمرتني و حطمت حياتي
مرة يطلب السماح لانو غلط فيا كثير و مرة يلوم و يقول يا ريتك صبرتي عليا و غيرتيني و انقذتيني من نفسي -مع اني ما كنتش على علم بالحقيقة-
لكن علمتو و راني نحترق
عمري ضـــــاع و لازلت لليوم خايفة عليه و نخمم فيه لامع اني متأكدة ماشي من حقي
يا ترى كنت قادرة نحافظ عليه ... يا ترى انا فعلا ضحيت بيه .. يا ترى كنت قادرة نصبر اكثر

اسفى على الاطالة لكن حبيتكم تفهمو كلشي و تحكمو
ادعولي

اميرة الجزائر2010 · 2013-09-27, 09:23

السلام عليكم اختي
انت لم تفعلي الا الصواب الرجال هكذا التي تحبهم و تودهم و تريد ان تكون معهم في الحلال يفعلون بها هكذا
ربي يكون في عونك اختي ودعي ربي يكون معاك و يبعثلك الافضل

diyaa2013dz · 2013-09-27, 09:43

انت كنت ضحية مريض نفسي مع كل احتراماتي
انا كنت نعرف واحد مريض نفس المرض ، ربي يهدي ما خلق ربي يرزقك زوج صالح

fatma2012 · 2013-09-27, 09:54

ربي خلصك من واحد مريض نفسي ومش راجل لو كان صح كان حاب يتزوجك علاش تزوج بأخرى؟؟

كذالك من قال لك انها مرتاحه معاه مع شخض مرض مثل هذا

كيف يسمعك طلقة رصاصة ويقول لك سأقتلك تفسي هذا جنون

اعني يا الله · 2013-09-27, 10:42

السلام عليكم
ربي يكون في العون اختي

sarl02 · 2013-09-27, 10:42

هوني عليك يا اختي راكي حاملة فوق طاقتك ...انتم عشتو قصة مجنونة بكل ما فيها وعليها لكن في الاخير ارادة الخالق رب العالمين هي التي حكمت ...حاولي اتعيشي حياتك واكيد مش راح تنساي ذرك او في وقت ات قريب لكن تاكدي ان الزمن والايام كفيلة بذلك عليك الايمان بالقضاء والقدر ..اجعلي هاته القصة مجرد ذكرى بحلوها ومرها وانطلقي من جديد فالدنيا لا تقف عند احد ...كي تضياق بيك قاع الدنيا ارجعي لله رب العالمين فهو لا يرد احد خائبا.

مواطنة · 2013-09-27, 11:45

المعروف واحد غير ينوي وحدة في الحلال يدخل مباشرة للدار هذا طول و راح يخدم و انت تسناي وعلابالو بلي حاباتو بصح بما انك اتقيت الله و ما سايرتيهش لقى الاسباب مرة فيك و مرة في مواليه وصاهم يجو يخطبو و ماجاوش انا نقولك صراحة
مهما طالت مدة حبك له او بالاحرى تعودك عليه لا يعني شيئا لانك لم تكوني في قواك العقلية الكاملة كنت لاتية بمشاعرك وخوفك عليه
الحقيقة لازمك فورا تقلعي عن التفكير لانه حجز شعورك و احساسك بالامان لانه مريض نفسي و الله حماك منو هذه نعمة
بما انك قلتب ضيعت عمري في التفكير فيه انا نقولك اذا حبيتي تكملي ضيعي عمرك الباقية ابقاي تبكي على اطلال الامراض و الاوجاع ديالو هو دار حياتو و انت ابراي من الجرح و تقربي من الله و ديري حياتك
انت ما ضحيتي به ما والو درت الصح و الله وراهولك على حقيقتو
هذيك فترة من حياتك مكتوبة و الان تبدل كل شي و عندك حريتك
تعرفي فرحتلك لي تخلصتي منو و اتقيت الله

sali-sali · 2013-09-27, 12:16

السلام عليكم
اختي ماتخليش قلبك يتحكم فيك وخمي بعقلك
يا خي هو كان قادر يخطبك و يعرس .. ودليل الان راه مع غيرك .. ممكن كان ديما يقنعك باسباب وانت تجدين له الاعدار لتعلقك به

لكن قولي الحمد لله ان الله ابعدك عنه لانه لا يستحقك

حاولي ان لا تفكري فيه و اشغلي وقتك بالافضل :قراءة القران الدعاء .....

يا مقلب القلوب ثبت قلوبنا على دينك

imene12 · 2013-09-27, 13:01

يبدو لي أن هذا الشخص ليس سوي.... احمدي ربي على كل حال.

WAFAA38 · 2013-09-27, 13:17

ربي يفرج عليك ان شاء الله

أسومة المتفائلة · 2013-09-27, 15:10

السلام عليكم
نقولك حاجة اختى راكي ضيعي فى حياتك على جالت واحد ميسهلكش
ربي مشافش فيه الخير وبعدو عليك لو كان نصيبك كنتى ديتيه
ربي يصبرك ويفرج همك
حاولى تنسايه
ربي يبعتلك لي خير منو اكثري من الدعاء والاستغفار

yousra14 · 2013-09-27, 16:37

فيقي من نعاسك واسغفري الله وتوبي فأنت متخلقة مثل ما تقولي

صرخة ألم · 2013-09-27, 22:15

اقتباس:

المشاركة الأصلية كتبت بواسطة yousra14

فيقي من نعاسك واسغفري الله وتوبي فأنت متخلقة مثل ما تقولي

لم ادعي اني متخلقة أنا حكيت الحكاية كما هي و حتى إذا غالطة على العكس انا طلبت النصح سلبا و ايجابا يهمني يقلك خذ راي اللي يبكيك
فعلا حابة نفيق
و اللي قهرني انو تمسكي بمبادئي هو اللي تفهم عدم اهتمام
شكرا لردك يسرى اختي انت و جميع من رد

صرخة ألم · 2013-09-27, 22:35

شكرا لردودكم كلا باسمه
عييت نفهم للدرجة هادي كاين اللي يحب واحدة تهتم بيه قبل ما يكون بينهم حاجة رسمي بحجة الحب فقط
و لانو متأكد بلي تحبو يبعد و يضمن لي راح تستناه و يا ريت عامين كفوه لا يعذبها باللوم لأنها قبلت بغيرو لأنو على حجتو كان يجري وراها بصح
كيفاه يجري صح يستنى نهار كامل امام مكان عملي و يحاول يكلمني بالهاتف لكن. ما شفت حتى خطفوه لأهلي على الأقل يأكد نيتو
سبحان الله يقلك وينهم بنات الفاميلا. و اللي تتمسك برايها و تطلب حاجة رسمي يقلك حقرتني ما تحبنيش و تتظاهر و باغية الزواج و خلاص تجبد روحها. تستنى عامين تقبل بغيرو يقلك علاه باعتني
اسبحان الله في خلقه

كيفاه يج

ريم الوداع · 2013-09-27, 22:52

حنونه نتي كنتي غيه شويه حنا نساء نضحوا بلبزاف ونحرقوا انفسنااااااا على حشاك كلاب ماشي عباد هههههه اختي انا نقلك راجل ولله ولله قسمممممممممم ميحبش بنت متساهله هو شافك طايح فيه يملا استغلك احسن استغلال وادا بقيتي هك صدقني راح تغلطي هو مش خاسر راه تزوج وفرمطاك لا ومزاله يتمسخر بجدكككككككككك خليك منه الله لا شاف خير مهم في صحتك وروحك تهلي فيهههههههههه هو باعك بعيه عزيزتييي