موضوع مميز ديكور حلويات الاعراس من تصويري

islam1aya · 2013-08-20, 17:47

السلام عليكم

اخواتي بما اننا في موسم الاعراس والافراح كلنا نروحو للاعراس ونخذو حقنا تع الحلوة

ونحبو نعرفو الموديلات الجديدة الي راهم يديروها

ارتايت ان نحط الحلويات تع الاعراس التي حضرت فيها الايام الي فاتت
تنبيه ماشي انا الي صنعتهم
ونهدي هذه الحلويات

الى كل الفتيات العزبات في المنتدى والمقبلات على الزواج

نقوللكم ان شاء الله حلويات اعرسكن تكن احلى من هذه الحلويات وسعدكم يكون اروع وربي يلاقيكم مع اولاد الفميليا

راني كي لعجايز هههه
بدون اطالة
البقلاوة البنة عظيمة والتوراق اممم دايرينها بالزبدة تع التوريق

العرايش هذيك الطلية راهم يديروها بالكاكاوماشي بالناسكافي بعدين نبحث على الطريقة تع الكاوكاو ونجبهالكم

ولا المخبز الوردي كور وديكور هايل

اما بالنسبة لهذه العلبة اكثر واش عجبني فيها المخبز الابيض متحوف والقلاساج انتاعو طبقة جد رقيقة وزيد تقولشي عجينة اللوز مراهوش طايب كقلبت الحبة القيت طبقة رقيقة من السكر قلاص

السر تعلمته خلال تكويني في الحلويات التقليدية
.

.

.

.

راهم سخنو الفرن جيدا حوالي ساعة من قبل ثم ينقسو للحرراة تكون النار قليلة جدا وفرشولو طبقة من السكر قلاص طاب عليها باش يقعد مندي وبنين ويذوب ذوبا ن ا حسن من اللي يفرشولو الفرينة اجي ناشف من الاسفل

شفتوني وليت كلومبو

لازم يكثرولي من العراس وانا نكثر من الكدوات والتقرعيجات

عقدة اللوز والجوز والدزريات المقروصيين
والبوقالة

الكفتة العام الماضي وهذا العام راهم ادروها اسطوانية ماشي معينات

اشكر كل الانامل الجزائرية المبدعة في فن الحلويات انتن فعلا رمز المراة الجزائرية الفنانة والمبدعة تحياتي الى كل المختصات في صنع الحلويات
انتظروني مع صور اخرى
مع تحيات ام اسلام واية ويوسف