ساتزوج بعد خمسه ايام .............وش توصيوني يا صحاب الخبره

amira19 · 2013-08-16, 18:45

بعد خمسه ايام ساكون في بيت زوجي و رفيق عمري راني لفرحانه بزاف و في نفس الوقت مخلوعة ههههههههههههههههههههه

كونوا على ثقة انيي تعلمت منكم الكثير في هاد القسم خاصه وحد الموضوع كتبوا اخ فاضل على الحديث تاع الرسول طاعة الزوج قعد في بالي هاداك الحديث

ما تبخلونيش اخوتي لانها اخر ايامي بينكم و ادعولي بالتوفيق في حياتي الزوجيه و يقدرني ربي و نكون زوجه صالحة لزوجي خير متاع دنياه

وش توصيونيييييييييييييييييي اخوتي في الله

ريم الوداع · 2013-08-16, 18:50

هههه ربي يهنيك حنونه ولله فرحتلك بلبزافففففف ربي يرزقك دريه صالحه عزيزتي كلش مبروك

amira19 · 2013-08-16, 18:57

ربي يحظك يا ريم شكرا على المرور العطررررررررررررر

khawlita.dz · 2013-08-17, 00:36

الله يباركلك و يهنيك بحياتك الجديدة
نسال الله ان يقر عينك بزوجك و يقر عينه بك
ربما لست اهلا لانصحك
لكن ا اختى حافظى على الاحترام بينك و بين زوجك فاكثر المشاكل سببها قلة الاحترام
وليكن مبدؤكما التشاور و الحوار للخروج من اى ازمة ومن اى مشكلة
النية الحسنة و الحفاظ على الحدود بينك و بين اهله
وبالتوفيق زواج مبارك

هدى الجيجلية · 2013-08-16, 19:07

إن شاء الله
ربي يرزقك
بالذرية الصالحة
يارب
وتكوني مع زوجك في السراء
والضراء

غيداق · 2013-08-16, 19:08

باسم الله ما شاء الله الله يباركلك ويزيد ويرزقك الذرية الصالحة ويجعلك خير زوجة وخير ام اميييييييييييين اما نصيحتي لك هي:
_ ان تتقي الله في بيتك وزوجك وان تطبقي ما امرك الله عز وجل ولن تندمي ان شاء الله عليك بطاعة زوجك في غير معصية حافظي عليه ليحافظ عليك وعن تجربتي الخاصة فقد جعلت زوجي يقول ان الله حرمه من امه ليعوضه بمن تحل مكانها فلا يشعر بانه يتيم بمعنى اخر كوني الام الثانية لزوجك واجعليه كالطفل بين يديك فالمثل يقول :ولدك على ما ربيتيه وزوجك على ما عودتيه اجعليه يعتاد منك الطيبة وحسن العشرة والمعاملة والاحترام وسوف يضعك بين رموش عينيه صدقيني اذا وجدتي منه ما هو سلبي وهذا اكيد فالكمال لله عز وجل فكوني حليمة معه ورفيقة في النصيحة له حتى تقومي ما هو فاسد لا تستعملي الخشونة او طريقة فرض الراي بقوة بل الحكمة والتروي في علاج المشاكل بينكما الله لا يقدرها ربي ييسرلك امورك ويهنيك في دارك ويروضلك زوجك ويجعلكما اسعد زوجين امين

kadikirou · 2013-08-16, 19:22

سلام عليكم اختي اميرة نتمنالك السعادة و التوفيق في حياتك الزوجية و نحي الوسواس من قلبك و الخلعة و توكلي على ربي انتي باذن الله انت انسانة واعية و ناضجة ما تخليش ولا واحد ولا شيئ يفسدلك فرحتك و حياتك خلي ربي سبحانو هو الرقم واحد في حياتك و تعرفي عليه وقت الرخاء يتعرف عليك وقت الشدة و احفظي حدودك معاه يحفظك و يحفظ لعزيز عليك دنيا واخرة .
هذا مانوصي اختي
احبك في الله يااميرة المنتدى

فاطمة الزهراء_ عمرو · 2013-08-16, 19:32

Alf mabrouk ,,, beltawfiq

ana enqoulek tekli ala Rebbi elbaqi iji wahdou

nemedlouk les conseils mais koul wahed kifach , makach halla kima oukhetha

نتمنالك السعادة و التوفيق في حياتك الزوجية

ام نسمة · 2013-08-16, 19:34

نوصيك كوليه قبل ما ياكلك هههههههههههههههههههه
نضحك معاك نعطيك وصية وحدة حطيها حلق في وذنيك اياك ثم اياك ثم اياك ان تتقمصي دور محامي الدفاع ضد اهلو وتدخلي روحك بيناتهم هذا اول مدخل واخطر مدخل للتعاسة الزوجية كوني دوما عفوية وشفافة يحس فيك الملاك مش محامية الدفاع والحشورة حتى يصبح يراك شيطان في صفة امرءة االراجل ودارهم يا لوكان يتضاربو بالسيوفة يقعد ديما مايحبش مرتو تدخل في النص ومايقبل عليهم حتى كلمة .........ناس زمان قالو اللي يدخل بين البصلة وقشرتها ماتنوبه غير ريحتها والعين عمرها ما تعلى على الحاجب
موفقة عزيزتي اتمنى لك حياة زوجية سعيدة

مومي23 · 2013-08-17, 12:07

اقتباس:

المشاركة الأصلية كتبت بواسطة زهورالفل

نوصيك كوليه قبل ما ياكلك هههههههههههههههههههه
نضحك معاك نعطيك وصية وحدة حطيها حلق في وذنيك اياك ثم اياك ثم اياك ان تتقمصي دور محامي الدفاع ضد اهلو وتدخلي روحك بيناتهم هذا اول مدخل واخطر مدخل للتعاسة الزوجية كوني دوما عفوية وشفافة يحس فيك الملاك مش محامية الدفاع والحشورة حتى يصبح يراك شيطان في صفة امرءة االراجل ودارهم يا لوكان يتضاربو بالسيوفة يقعد ديما مايحبش مرتو تدخل في النص ومايقبل عليهم حتى كلمة .........ناس زمان قالو اللي يدخل بين البصلة وقشرتها ماتنوبه غير ريحتها والعين عمرها ما تعلى على الحاجب
موفقة عزيزتي اتمنى لك حياة زوجية سعيدة

كلام طبيبة متمرسة و عالمة اجتماعية متمكنة

nacer8 · 2013-08-16, 20:54

مبروك عليك وان شاء الله يرزقك ربي بالذرية الصالحة

النجمة القطبية · 2013-08-16, 21:01

ربي يهنيك ويباركلك يا رب
نقولك كما قال خالى قبل عرسو الرجل يحب المراة اللى تسمع الكلام وتطيع الزوج ومتفرضش رايها وتلعبها تفهم كثر منو
هاهى كوبي كولي من عند خالو
موفقة

حمدا لله كثير · 2013-08-16, 22:16

ليس لي خبرة و لكني نحبكككككككككككك و رايحة نتوحشك اختي

و نقولك ابدا لا تعلي صوتك علي راجلك انتي خليك ياكل بعداه و من بعد اي توليلوا الندامه " بلا منوسك علي الخطة الشريرة نتاعنا لهيه ههههه""

و خلي حدود بينك و بين عايلتوا اساسها الاحترام و المودة احسن

و الف مبروك اختي

**د لا ل** · 2013-08-16, 23:01

بارك الله لكِ اختي وبارك عليكِ وجمع بينكِ وبين زوجكِ على خير

hills · 2013-08-16, 23:15

زواج مبارك الله يفرحك