صديقتي

[مشكلتي]

السلام عليكم
أنا طالبة بكالوريا و ليس لدي صديقات كثر في الواقع كان لدي صديقة و اضعتها مازلت متحسرة على ذلك لحد الآن .و من بعدها اعتزلت الصداقات لانها وحدها تفهمني لكني تعرفت على اخرى من 3 سنوات و هي تكره صديقتي الاولى . المهم صديقتي هذه ليست صديقة حقيقية لأوضح لكم الصورة هي أقصر مني و أقل بقليل مني في المستوى الدراسي و هي أثخن بقليل مني و ما إن أجلس معها حتى تبدأ : نحن قصيرتان , نحن سمينتان نحن غبيتان مع أني أشرح لها الدروس غالبا و الحمد لله على النعمة و أعد من الاوائل في القسم ( أنا لا اتفاخر فقط أريد التوضيح ) و إذا تجاوزني احد في الدراسة تبدأ : لقد تجاوزوك ما بك لم تعودي كما كنت نحن غبيتان جدا الجميع أفضل منا , و عندما أكون معها تذهب و تتركني و تكلم الفتيات الأخريات و تدعني وحيدة و أنا لا امانع ذلك لأني أصلا لا أحب الكلام لكن من اللباقة ان تحترم وجودي , و مؤخرا تراجع مستواي الدراسي قليلا و بدل أن تحفزني أخذت تحبطني و تقول نحن لا نفهم الجميع متفوق إلا نحن . لم اكن منتبهة لهذه التصرفات إلا مؤخرا كنت كالغبية . ما رايكم هل علي البقاء معها أم هذه مجرد وساوس . في الواقع هذه نبذة و ما خفي أعظم .

[بسمة تحدي]

باين هذي صحبتك متشائمة

نقلك حاجة متسمعيلهاش ومتخليهاش تاثر عليك يقولك الصاحب ساحب

كبري بالك يا اختي وعامليها بالتي هيا احسن وخلاص وكلميها عادي بصح متقربيهاش بزاف ليك

ربي يرزقك بالصحبة الصالحة

[biks]

السلام عليكم

أخطيك من الصديقات، عندما تكبرين أعني عندما تتزوجين و يكون عندك أولاد تفهمي حقيقة الصديقات إلا من رحم ربك

[styliste]

هههههههههههههه والله صديقة و لا خلي
انصحك فوتيها ولا تكلميها مرة اخرى لانها ستقضي عليك و اضن ان هذا هو هدفها لانو واضح من كلامك انك كنت نجيبة و الان لا
خصوصا مع عام الباك
هاااه انا احذرك

[اناناسة]

السلام عليكم ، مبدأ الصداقة القديم لم يعد موجودا لم يعد غير مبدأ صديقي مادمت تقدم لي ما احتاج .... انا كنت مثلك بل أكثر منك و اكتشفت بعد الكثير من الصفعات انه في عالمنا يجب ان يفكر الإنسان في نفسه و هذا لا يعني ان ينسى إنسانيته لكن لا يزين قلبه مع الناس .... اتركي هذه ألفتاه لانها بدأت تؤثر عليك سلبا لا تقولي لها ذلك مباشره لكن حاولي تجنب الاختلاط بها كثيرا فهي تقتل حماسك تجاه الدراسة و الاجتهاد

[salam algeria]

السلام عليكم
و الله قتلتيني بالضحك ههههههههههههههههههه صحبة كيما هاك و لا بطل ههههههههههههههه
انا في رايي بعدي عليها و شوفي وحدة ايجابة في تفكيرها باش تعاونك ترقاي بالمستوى تاعك مش تزيدلك غير احباط و المرة الجاية كي تقولك رانا غبيتين قوليلها اتكلمي على روحك انا مانيش
ياخي حالة ياخي ههههههه

[3ab2ou]

نحن قصيرتان , نحن سمينتان نحن غبيتان
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههه

و الله ضحكتيني ختي ,,هدا النوع من الاصدقاء و الله انا تاني عندي واحد منين نقعد معاه يقولي حنا لماه ضعاف يعني مخشانش حنا لماه طوال يقولي شوف للسيد هاداك كيفاه هاز روحو المهم يعرف غير يمنشر في روحو و فيا في وجودي خخخخخخ

[دكتور دولار]

لتكلي علي روحك وديري الثقة في نفسك

عام الباكالوريا مهوش تاع اصدقاء في الجامعة راكي تلقاي الكثير والافضل

+ هدا النوع لا احبه محبط يفكر في السلبي اكثر من الايجابي

+ ممكن تبادلك نفس الاحترام معك وحدك او مع الجماعة

اختاري مرة واتركيها لوحدها وشوفي ردة الفعل تاعها كيفاه تكون

لي ما يقيمش نفسه لا يقيمه احد


تقبلي ردي و بالتوفيق

[wafa16]

حيرتيني يا اختي بالاك هدي هي طريقتها في التحفيز باش اديرو القلب و تقراو
لانو عندي صديقاتي كيما هي يجمعونا كلنا في سلة وحدة ههههههههههه حابسات غبيات ............و انا غير نسمع و نكتشف في روحي ههههههه
من كلامك حسيتك تقراي في المتوسطة لانو هاد العقلية تع -15
تتلهاو بالطول و السمانة و..........
و ايظا طريقة تفكيرك خاطئة ادا نتي ما تحبيش الهدرة صحبتك من حقها تكلم الاخريات واش هاد العقلية تع تحترم وجودي يعني ما تحبيش تهدري لازم تقعد معاك و ما تهدر مع حتى واحد انا نظنها اجتماعية اكثر منك و لهدا راكي متضايقة الله غالب كل واحد و عقليتو نصيحتي عودي دخلي روحك مع البنات و روحي اقعدي معاهم بالاك تصيبي وحدة تتفاهمي معاها
انا نظن المشكل فيك راكي تقولي ضيعتي صحبتك في السابق و من كلامك راكي نادمة و نظن حسب كلامك الغلطة كانت منك لانك ندمتي
امالا ما تعاوديش نفس الغلطة و تخسري هدي تاني و تقعدي وحدك الدنيا هادي لازم تتعاملي مع كل العقليات و النفسيات و تجوزي الامور التافهة
لوكان تشوفي صحاباتي وحدة ما تشبهلي في العقلية لكن رانا نجوزو ياماتنا مرة يجوزولي غلطات و انا بالمثل
لازم تتعلمي تتعايشي مع الناس ماشي ادا تشبهيلي نتفق و ادا ما تشبهيليش نتنافر
و ادا كلامها يسببلك احباط قوليلها ما تزيديش تقوليلي هكدا
يعني كي تقولك حنا متراجعات و غبيات صح وليتي غبية قوليلها انا عن نفسي مانيش غبية و راني من الاوائل و خليها تفهمها كيما حبت
انتي ما تجاوبيهاش و تخليها في قلبك و هدا خطا جاوبيها في الحال باش تتهناي و ما يركبكش الوسواس

[~°رميصاء°~]

حاولي الابتعاد عنها بلباقة ولا تكثري الجلوس معها لانها تنزل من معنوياتك دائما


ربي يهدينا جميعا

[naamane3]

وهاذي تعرف غير التشائم
ماتعرفش حاجة اسمها التفائل
ياك يقال تفائلوا خيرا تجدوه
وانت الآن تركزي في دراستك
او تعلميها التفائل او تسمعي لتشائمها
تعرفي نهار الباكالوريا لو تصادفيها تفسدلك النهار
علميها هذا الحديث أو أخطيك منها
عن أبي هريرة رضي الله عنه : أن رسول الله صلى الله عليه وسلم قال :
( من كان يؤمن بالله واليوم الآخر ، فليقل خيرا أو ليصمت ،
ومن كان يؤمن بالله واليوم الآخر ، فليكرم جاره ،
ومن كان يؤمن بالله واليوم الآخر ، فليكرم ضيفه ) رواه البخاري ومسلم .

[مناد بوفلجة]

حاولي الخروج من العالم الصغير الذي تعيشين أحداثه ، و هو عالم : " أنتِ و صديقتك "
و حاولي الإهتمام و التركيز خارج الدائرة المغلقة التي تعيشين فيها و تعتقدين أنها العالم كله
حاولي الإدراك أن هناك إهتمامات تنسيك صديقتك تلك ، ربما الكتاب
إهتمامات تجعل نجاحك هو بسبب إجتهادك فقط

[ولد حمد الباتني]

مادام علابالك كلامها فارغ وراهي مثبطة ماديريش عليها ولا فوتيها

[غريبة في هذا الزمان]

يا أختي ، نحن في زمن غابت فيه الصداقة الحقيقة و الثقة
صديقتـــك هي أختك

فقط تمسكي بمعاملتك الحسنة باعتبارها زميلتك في الدراسة ليس الا

[ميمي سمية]

اخطاك منها واقعدي مع وحدة اخرى ان شاء الله تلقاي فيها الخير

انا منيش نشوف فيها وساوس يا اختي هذي مهيش اصلا محتارمة وجودك

هذه وجهة نظري ................