مشكلتي مع عجوزتي

ألاء- · 2013-06-25, 18:56

[

[size="5"]color="blue"]السلام عليكم بكل متواجدين في المنتدى
والله انا محرجة وانا اكتب مادا جرى لي ودالك لسبب تراكم المشاكل فوق بعضها
اولا:نعرفكم على عائلة زوجي هو بابا طبيب وعجوزتي ماشي قاربة قاعدة فدار ويعني يقولو عليهم فالبلاد عائلة مثقفة خاطر دار طبيب
ثانيا: ان زوجي اطار سامي في الدولة وثقف متخرج من مدرسة عليا في الجزائر
ثالثا : زوجي هو ولد الوحيد في العائلة يعني باقي غير بنات وهو الاخ الاكبر
مشاكل وللاشف عرفناها بعد فوات الاوان قبل زواج غير هاد لخرا صارحونا بيها يعني لوكان قالولنا هاداك لوقت كان كل واحد يروح لحالو
ملخص القول ومشكل الكبيرهو أنهم يحطو عليا في البهتان
يقولو هدرة مقلتهاش لزوجي ويقولولو راها قالت عليك كذا وكذا
في الاونة الاخيرة قالولو راها خرجت من دار مع وحدا قالو هوما راها صحبتي خرجت لحوانت معاها ولقاوني بعينيهم لي ياكلهم دود نشري فلماعن
وانا والله يشهد عليا ربي امامكم نقولها مخرجتش حاكما داري من داري لخدمتي هادي تالية كي حكمت خدمة قالوها باس يحبسني من خدمة
ياعجابا كيفاش متزوجة ماشي
في بلادي في بلاد أخرى وقالولقاوني مع صحبتي
مشكل اخر هي ان اخوات زوجي كل وحدة تشكي وش درتلها
اخر مرا عيطت عليا عجوزتي قاتلي راكي تروحي لداركم بزاف ومكانش لعراس وقاتلي اخت زوجي كي يعودو يعرضوك قوليلهم راني دركا متزوجة ومنحظرش للعرس وهوما في بناتها ديما في الاعراس
عزلوني على العالم كامل مكانش جيران مع العلم اني سكنا انا وزوجي وحدنا في دار ومكانش لحوانت
اخر مرة حرشوه عليا قالولو ماهيش تحط لماعن فطابلة مليح واخت زوجي مع العلم انها متزوجة وديما في دارهم قاتلو مهيش تحبلي في وليدي وش قاولو اكثر من هادا حانا رما عليا يمين طلاق
قالي تزيد يما تقولي عليك حاجا راكي مطلقة وطلاق لدركا راه طلاق معلق
انا دركا وش ندير معاها لي درتها لها معجبتهاش حتا كي نشريلها حاجا تقولي متجيش تحشيهالي انا متتحشاليش
وهو كي نهدرلو يقولي هادي يما منقدرش نهدرها ونقولها مرتي راها مظلومة تقولي راك جاي معاها وراها عادت تحكم فيك
مشكل اكبر واكبر انهم يحلفو على هدرة مقلتهاش ويقولو دارتها ومنخرجتت ويقولو خرجت هوما غلبوني كامل يحلفو على كذب ديما يجيني معمر عليهم ويقعد يعيط وجيران تسمع
كي جات ماما دير معاها فالصلح ونرجعو الامور لمجاريها قاتلها
متروحش تشري مع زوجها تروح مع وحدا من خواتاتو وقالتي كي تحبي ديري حاجا تجيني تشاوريني عليها وتقولوليلي من قبل وكي تعودي تروحي لداركم متقوليليش راني رايحة ومتجينيش اخر ليلة تجيني من قبل وتشاوريني اذا نروح ولا لا بنتك تمشي كيما عقليتنا وقاتلها بالحرف الواحد متقوليش منعودش نحكم كي جيتك مزالني نحكم حتى طبيب قالت كيفاش رؤاها تورح وتدي معاها ابني _قصدها هي ابنها وان ماهوش راجلي معطيش حق نديه معايا لطبيب _ ولا كل واحد يمشي لحالو انا ابني منخريهش هاكدا ومنسكش عليه
*وين راه الحل
زوجي : هادي يما ومانيش حاب نربح منها دعوة الشر،قالي منقدرش نواجه يما
وانا نقدر نصبر بصح على حق وعلى على باطل هدرة مش منطقية ححط بهتان وكذب بشتى الانواع+كل حيل وتدليس باش ابنهم يصدقهم ويكذبني
هل الطلاق هو اسهل ويلة لرضى الطرفين مع العلم اني عندي 09 أشهر زواج فقط وللأسف[/colo

r][/size]

كامل نرحب بيكم ونشكركم على الر د لاني والله كي سمعت لهدرتكم ونصائحك مورالي طلح وارتحت شوية
قتلو كاما وصيتوني جيت نحكي معاه مزال غير بديتلو قعد يعيط عليا وقالي هادا هو شحان تزيدي تخشني راسك معايا كل نتفارقو
كل كلمة يقولهالي ويكون هو غالط فيها ميحبش يستعرف بالغلطة نتاعو ويقولي تبعيني كيما نقولك
معرفتش كيفاش نجبدو ليا
والله غير ريحتوني ربييخليكم ويطول في عماركم و الله يعطيكم ما تتمناو انا مانيش دارا طلاق في بالي لكن هو لي مخلانيش نحس بالأمان في كل حاجة يجبدلي طلاق عحتى في تلفزيون يقولي ادا حبيتي تتهناي ومانتفارقوش خليني نتفرج ماتش واخبار تع سورية وقت الأكل يقعد غير يتفرج مكانش كلمة طيبة منو الان وانا نكتب ماهوش معايا فدار راه فدارهم ومنحكيلكمش على وحدة لي راني عايشتها مخلاوني نتعرف على حتا وحدا هنايا حتى جيران في الاونة الاخيرة نقولو نخرجو نبدلو جو في الليل ادا خرجنا يقعد يسب فيا قدام الناس ويعيط
معرفتش كيفاه نمشي معاه يكون غالط ويعايرلي دارنا كي نقولو علاه راك تجبد فيهم يقعد يعيط عليا حتى يعودو يشوفو فيه الناس
مع العلم دارنا جاو يديرو فالصلح معاه
اه مدامني متفكرة قالي كي خرجنا لبارح يزيدو داركم يدخلو في حياتنا وتحكيلهم حاجا تخملي حوايجك وتروحي نسمع داركم دخلورواحهم طلاق بيناتنا دارنا جاو يديرو فالصلح معاه وش مرا جاية لوكان يعايرني ولا دارهم يعايروني ويرمي عليا طلاق جيتكم في جاه ربي قولولي لمن روح نشكي

والله غير رايحة نهبل جات غير في صحتي

قالي روحو لدار هاد ليامات واطلبي سماح ليما حبيلها راسها مع انو هوما لي سبوني وعايروني وحطو عليا بهتان وش نددير
والله بيبني وبينكم وصلوها مع زوجي للطلاق وهوما لي خلقو مشاكل مزال قلبي محروق من ظلمهم ليا

ام نسمة · 2013-06-25, 19:44

هو................................يلا راح تتعمر الصفحات غير بسؤال ماهو المشكل اسرعي

* الحلم سكر * · 2013-06-25, 21:15

يا خاوتي مع احترامي للجميع لوكان انتم في مشكل و لقيتو شكون يحوللكم مشكلتكم و كلامكم الى مزحة يعجبكم الحال ؟؟؟

ألاء اختي انا اللي جاء في بالي زوجك وين من كل هدا و انا رايي انتي ديري لي عليك و ادا على زيارة اهلك مادام زوجك علابالو و راضي ماشي لازم تقوليلهم حرفيا واش يصرا
حاولي تكون عقلانية و ما تتعامليش بحساسية تجي غير فيك اختي
ربي يكون في عونك وز يهنيك
ســــــلام

NADJIB-90 · 2013-06-25, 21:30

اختي عليك الجلوس مع زوجك والتكلم مع بحوار صريح وكيما يقولوا تحطي النقاط علي الحروف اذا كان زوجك مصدقك ويعرف اخلاقك وهو لا يهتم بما تقوله امه او اخواته عنك عندها عليك الاطمئنان اما ان كان فعلا يصدقهم فعليك بالاستعانة بالحكماء من عائلتك يجلسوا معاه ويطرحولوا المشكل ويصيبوا حل للمشكل
اذا كل هذه الطرق لم تفيد فعليك بالتفكير بجدية في الطلاق الان قبل ان يضاف للمعادلة اولاد وتصبح معقدة وصدقيني اتكلم عن خبرة بعض العائلات يكون فيها الابن المعيل في عائلته ويصرف عليهم فلما يقرر الزواج يكون هم العائلة محاربة الزوجة الدخيلة في نظرهم والتي حرمتهم من ابنهم وهذا شئ لن يغيره الحوار ولا الكلام معهم لكن انت عليك التركيز ومعرفة راي زوجك في الامر

هيا الجزائر · 2013-06-26, 09:59

عليكـ أن تُحآوري زوجكـ
و تحطوا النقط على الحروف

ربـي يفرجهآ عليك أن شآء الله

{مـشـاكـسـهـ}~ · 2013-06-26, 12:32

عليكـ أن تُحآوري زوجكـ
و تحطوا النقط على الحروف

ربـي يفرجهآ عليك أن شآء الله

wafa16 · 2013-06-26, 12:47

ساكنة وحدك و يدخلو روحهم فيك
الحل راه عند زوجك لازم تتعلمو كيفاش تكون عندك خصوصية و تديرو حدود لعلاقتك مع دارهم راكي ساكنة وحدك واش فيها ادا خرجتي تشري لمواعن ولا حاجة اخرى وواش فيها ادا خرجتي مع صحبتك المهم بعلم زوجك هو اللي يعطيك رخصة ماشي هوما
و حتى لعراس عندك الحق تحضري
لكن المشكل هوما واش عرفهم بواش راكي اديري
ادا كان زوجك من النوع اللي يحكي كل التفاصيل لدارهم هادي مشكلة
اما الهدرة الزايدة تع يماه واخواتاتو المهم زوجك ما يصدقهاش خليهم يهدرو حتى يعياو

صفــاء · 2013-06-26, 13:40

كلمـــــــــــى زوجك أختى

وتصرفي يعقلانيــــــــة

لا تردى على كلامهـــــــم الا بالابتســـــــــامة

وبما أنك مقيمة بمفردك فالأمــــــــر سهل

ربي يفرج عليك أختى

ألاء- · 2013-06-26, 13:55

اسفة دخل عليا راجلي كي كنت نشكيلكم خفت وطفيت ميكرو

نسمة تفاؤل · 2013-06-26, 13:56

الله يهديهم عليك بالتحاور مع زوجك بهداوة احلفيلو انهم غير يكذبو ويحلفو باطل حاولي تتوديلهم ونحي من بالك فكرة الطلاق خلاص اكثري من الدعاء باه ربي يهديهم وانت دايما ابقاي تعمليهم مليح حتى يتعباو وعجوزتك واش عليه شاوريها ديري غير رايها اصبري واش حابة تديري حاولي تعزميهم لعشاء او غداء بيني لراجلك معملتك الزينة ليهم هكذا يتأكد انك طيبة وصادقة ربي يكون معاك اخيتي اللي زوج ماهو في خير ولي قعد ماهو في خير الله يجيب الخير ويهدي هاذ العباد

ألاء- · 2013-06-26, 13:56

عزلوني على العالم كامل مكانش جيران مع العلم اني سكنا انا وزوجي وحدنا في دار ومكانش لحوانت
اخر مرة حرشوه عليا قالولو ماهيش تحط لماعن فطابلة مليح واخت زوجي مع العلم انها متزوجة وديما في دارهم قاتلو مهيش تحبلي في وليدي وش قاولو اكثر من هادا حانا رما عليا يمين طلاق
قالي تزيد يما تقولي عليك حاجا راكي مطلقة وطلاق لدركا راه طلاق معلق
انا دركا وش ندير معاها لي درتها لها معجبتهاش حتا كي نشريلها حاجا تقولي متجيش تحشيهالي انا متتحشاليش
وهو كي نهدرلو يقولي هادي يما منقدرش نهدرها ونقولها مرتي راها مظلومة تقولي راك جاي معاها وراها عادت تحكم فيك
مشكل اكبر واكبر انهم يحلفو على هدرة مقلتهاش ويقولو دارتها ومنخرجتت ويقولو خرجت هوما غلبوني كامل يحلفو على كذب ديما يجيني معمر عليهم ويقعد يعيط وجيران تسمع
كي جات ماما دير معاها فالصلح ونرجعو الامور لمجاريها قاتلها
متروحش تشري مع زوجها تروح مع وحدا من خواتاتو وقالتي كي تحبي ديري حاجا تجيني تشاوريني عليها وتقولوليلي من قبل وكي تعودي تروحي لداركم متقوليليش راني رايحة ومتجينيش اخر ليلة تجيني من قبل وتشاوريني اذا نروح ولا لا بنتك تمشي كيما عقليتنا وقاتلها بالحرف الواحد متقوليش منعودش نحكم كي جيتك مزالني نحكم حتى طبيب قالت كيفاش رؤاها تورح وتدي معاها ابني _قصدها هي ابنها وان ماهوش راجلي معطيش حق نديه معايا لطبيب _ ولا كل واحد يمشي لحالو انا ابني منخريهش هاكدا ومنسكش عليه
*وين راه الحل
زوجي : هادي يما ومانيش حاب نربح منها دعوة الشر،قالي منقدرش نواجه يما
وانا نقدر نصبر بصح على حق وعلى على باطل هدرة مش منطقية ححط بهتان وكذب بشتى الانواع+كل حيل وتدليس باش ابنهم يصدقهم ويكذبني
هل الطلاق هو اسهل ويلة لرضى الطرفين مع العلم اني عندي 09 أشهر زواج فقط وللأسف[/colo
r][/size]

ألاء- · 2013-06-26, 14:02

شكرا اختي واش نعمللهم ميعجبهمش الحال
ديما نعرضهم حا جدو وجداتووخلالاتو ورجالات خالاتو وولادتهم قالي هادو ثاني يتعرضو وانا لحد الان مكانش لي عرضني وشفت دارو غير صباح كان يقولي عيطي لجداتي ام امو وسقسي عليها هي وجدي وقوليلها مقدرتش نجيكم هاد ليامات خاطر فالخدمة نطول منخرج نتوددلهم بكل طرق ومش عاجبهم لحال
ديما نعرض عجوزتي قاتلي نجو ردارك باه تتعرضي علينا وتقعدي تبيني في روحك راكي في دارك وتحكمي معرفتش كيفاش نرضيها
حسبي الله ونعم الوكيل فيهم

عطر الجوري · 2013-06-26, 14:11

ربي معاك اختي اصبري العام الاول من الزواج ماهوش سهل وهو اصعب حاجة مشكلتك هي زوجك كيفاش مايصدقكش اذا كثرو عليك قوليلو نحلف على المصحف وحلفهم هوما تاني ؟؟؟؟؟؟؟
اذا ماراهش داير فيك ثقة علاش اداك ؟؟؟؟؟؟ يجيبو بنات الناس و يحبو يحكمو فيهم الله يهدي ما خلق

Napia · 2013-06-26, 14:19

زعما مثقفين و عقليتهم 0
شوفي أختي فَوِضِي أمرك للّه لكان غلبوك في الدنيا آخرتهم جهنم مناه قاعدين كيما إلبليس ;;;ويحلفوا بالكذب و الزور
الصفاة اللي فيهم كامل حذر منها الرسول صلّى الّله عليه وسلّم
الكذب
أيمان الغموس
شهادة الزّور
التفريق بين الزوجين
اختي ما عليك غير الدعاء ; واقعدي وتكلمي مع راجلك أجبديه ليك باه يكسب ثقتك أهم حاجه
و أظن أنو هو المسؤول عليك ماش يماه + ساكنا وحدك حد ما يحوس عليك

terrou · 2013-06-26, 14:27

ربي يكون في عونك و يهنيك