ساعدوني باه نتخلص من ,,,,,,,,,,,,,,,

[maiar]

السلام عليكم و رحمة الله و بركاته

بالرغم اني درت ميناج لللدار الا انني نلقى كل مرة قرلو يخرجلي كيما البارح تخلصنا من 4 عدت موسوسة حتى فالرقاد

يا ترى واش هو سبب وجدو فالبيت بالرغم من النظافة و هل توجد طريقة مجربة و فعالة للقضاء عليه انيروني بارك الله فيكم

[*ام عبد الكريم*]

اختي كان عندي في داري كل مرة نلقى واحد ايحاوس ....وحدة من جراتي نصحتني بتلك العلب الخضراء نوجدهها ي كل محلات الواحد ب 20د و صدقيني دركة اطلبيه دواء في داري راح خلاص ....لكن كي تفرغي العلبة خليها عدة ايام قبل ما تصيقيه ..انا كنت نحط 5علب في كل مكان قبل ما نروح لدار بابا و كي نرجع بعد ايام نلقى لعجب و الان الحمد لله تهنتت انشاالله نكون فدتك تحياتي

[ام امجد14]

ادا كان من نوع الكبير تاكدى انو يخرجلك من المجر حاشاك هدا اكيد حتى من تاع لافابو
المهم حاولى تغلقى المجر تاع الدوش او اى مجر ما فيهاش السيفون
راهى كى تنشف يبدا يخرج و يبدا يتخبا

[maiar]

المشاركة الأصلية كتبت بواسطة racha2010

اختي كان عندي في داري كل مرة نلقى واحد ايحاوس ....وحدة من جراتي نصحتني بتلك العلب الخضراء نوجدهها ي كل محلات الواحد ب 20د و صدقيني دركة اطلبيه دواء في داري راح خلاص ....لكن كي تفرغي العلبة خليها عدة ايام قبل ما تصيقيه ..انا كنت نحط 5علب في كل مكان قبل ما نروح لدار بابا و كي نرجع بعد ايام نلقى لعجب و الان الحمد لله تهنتت انشاالله نكون فدتك تحياتي

راني شايف البرودي ياخي لي يجي في ساشي صغيرة و خضراء نرشريه ان شاء الله و نديرو السمانة هذه

المشاركة الأصلية كتبت بواسطة ام امجد14

ادا كان من نوع الكبير تاكدى انو يخرجلك من المجر حاشاك هدا اكيد حتى من تاع لافابو
المهم حاولى تغلقى المجر تاع الدوش او اى مجر ما فيهاش السيفون
راهى كى تنشف يبدا يخرج و يبدا يتخبا

شكرا ام امجد محسوب كامل قافلتهم درك نزيد نكمل على الاخرين و صح عندك الحق بلاك كي غايبة على الدار بزاف و مانسيحش الماء عليها كي تشيح يخرجو

[آلاء النايلية]

شوفي احسن حل بنتري دارك..
.................................................. . عن تجارب

[hafmall]

merciiiiiiiiiiiiiiiiii

[ryma la cool]

ايه انا ثاني يخرجلي من المجاري والله كي نغيب عليهااا ونولي نخاف منووو ودرك كي بنترت وحده متجي
وزدت شريت بخاخ والله روعه نرشووو نلقاه ميت امام عتبه الباب

[maiar]

بارك الله فيكم اختي هبة واش احوالك هذه غيبة اختي داري جديدة و مبنترة ماعليش جربت البرودوي لي يتباع الاكياس الخضراء

[إكليل]

اختي عادة الصراصير تتخبى في اللوح أي قطعة أثاث مصنوعة من اللوح طاولة الأكل الخزائن الموجودة في المطبخ و غيرها لازم تقومي بحملة تنظيف لهذا الأماكن و الأثاث و لازم تتخلصي من فتات الخبز لأنه ينغذى عليه و ترشي مبيد حشرات في شقوق الباب و حتى على طاولة الأكل من الأسفل و الخزائن و إن رأيت بيوضا فلازم تتخلصي منها عن طريق إستعمال أداة حادة تدخل في الشقوق و هكذا بإذن الله تتخلصي من الصراصير.

[maiar]

بارك الله فيك اختي راني درة حملة التنظيف على مرتين بصح كيفاه نعرف البيوض تاعو

[*منى*]

اشرى طباشير خاص بالقرلو ومركى بيه جميع الحواف تاع الابواب والاثاث والمطبخ ........المهم في كل ركن بعدها ماتلقايش ريحتو انا جربتو هيل ونظيف يعنى ما تلقاي قرلو ميت ماوالو تعودى ماتشوفيهش في دارك

[إكليل]

هذه هي بيوض الصراصير





نتمنى نكون أفدتك أختي

[lamiss algeria]

اختي ديري ملعقة من سكرة البودرة الذي يفتح الشهية وبيكاربونات الصودا الذي يجفف جسم الصرصور واخلطي جيدا وضعيها في اواني صغيرة في المكان الذي يخرج منه
وارجو اني افادتك

[ام مريم اسراء]

انا عندي نفس المشكل و بحكم عندي بنوتة صغيرة كنت نخاف من السموم و المواد الكيميائية الحمد لله اكتشفت مؤخرا طريقة نفعتني بزاف و هي اني نرش الغريزيل وحدة متدخل .... اكيد نرشو في حواف التاقة و البيبان و في الدوش و تواليت -اغزكم الله - و لكن ريحتو معجبتنيش و بفضل الله دائما اكتشفت ان السانيبو يقضي نفس الغرض ... عليك و على top sol و اي نوع سانيبو منها ريحة زكية و تقضي على الصراصير جربيها و ادعيلي

[maiar]

شكرا بارك الله فيكم