|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
معجنات وأطباق لذيذة بالمرقاز المخادع
|
أدوات الموضوع | انواع عرض الموضوع |
|
2013-06-09, 14:23 | رقم المشاركة : 1 | ||||
|
سخفتي على المرقاز وجاك غالي؟ تفضلي معجنات وأطباق لذيذة بالمرقاز المخادع
الوصفة 20 : المرقاز المخادع طاب نهاركم حبيباتي . تعرفو كل مانجرب حاجة وتعجبني نحطهالكم باش تستفادو معايا وهذي المرة جاتني في راسي فكرة المرقاز المخادع، تعرفو الحاجة أم الاختراع وأنا نموت على المرقاز كون نصيب ناكلو كل يوم بصح السعر نتاعو غالي و نصو شحمة وحتى النظافة راهي معدومة ماتتصوروش أن الجزار رايح كل مايجي يمس اللحم يروح يغسل يديه بالماء والصابون لخاطر عيونكم . المرقاز اللي يتباع إما العادي ( نتاع 650دج/كغ ) كي تقليه يذوب ويصفي بزاف الشحم أو spécial ( نتاع 950دج/كغ ) غالي ماتقدرش كل الأسر تشريه وفي كل الأحوال شروط النظافة والتخزين غير متوفرة فيه . كامل نحبو المرقاز ونحبو ناكلوه ديما بصح السعر نتاعو غالي ماكانش أسرة تقدر تشري المرقاز كل أسبوع وحتى إذا تقدر تشريه يخافو من التسمم خاصة في فصل الصيف . جاتني في راسي هذي الفكرة وعلاش مانحضرش المرقاز في الدار وجربتو و حبيت نشارككم في هذه الحيلة مع أنها بسيطة وممكن تعرفوها بصح حبيتكم تستفادو معايا بيها . المقادير : * انا استعملت حوالي 300-350غ لحم مفروم . * راس ثوم مرابي * توابل خاصة بالمرقاز كل واحد وكيفاش يحب يداوي المرقاز : - 1/2م ص فلفل أسود - 1م ص فلفل أحمر بودر - 2م ص معمرة مليح كمون - 1 م ص كروية - ملح - 1 م ص هريسة ، أنا نستعمل هريسة بريق الأمل لذيذة جدا - 1 م ص طماطم مركزة ( اختياري ) - ممكن ثاني دبشة مقطعة رقيقة أنا مانديرش إذا حبيتو تستعملو المرقاز للمعجنات كيما أنا ديروه بهذه الطريقة : * نحطو في مقلاة شوية زيت ونقليو اللحم المفروم مع الثوم والتوابل كامل كي يطيب نطفيو والمرقاز المخادع أصبح جاهزا للاستعمال . حبيتكم تشوفو كم مرة استعملته روعة مايفيقوش خلاص باللي هذا لحم مفروم : هنا درت بيه بيتزا كالزوني كان عندي غير شوية لحم مفروم زدت رابيت معاه كاشير : https://www.djelfa.info/vb/showthread.php?t=1293215 درت بيه قراتان البطاطا نتاع اميرة مع الشيدار والبيشاميل جا تحفة : هنا كنت تعبانة ورايحة ندير قاطو الطبقات نتاع الأمنيات شرينا بيتزا عادية وزدتو هو من فوق مع جبن شيدار : هنا درت بيتزا بالعجينة السحرية نتاع أم كوثر جات تحفة خاصة مع camembert والشيدار : هذي البارح برك درتها في دولمة الجريوات نتاع أم ماجد : مازال غير مادرتهاش هنا : أما إذا تحبو جربوه شطيطحة مرقاز كيما وصفة بريق الأمل أو في مقلوبة المرقاز نتاع أم رامي تخلطو المكونات مع اللحم نيء وتعجنوه مليح وتشكلوه أصابع وتخليوه يريح حوالي ساعة في الثلاجة وتستعملوه . هنا درت بيها مقلوبة المرقاز نتاع ام رامي طبق لذيذ جدا : طريقة اقتصادية ديري بيه معجنات بأنواعها وراهو يجي اقتصادي وبنين وزيد متأكدة من النظافة ومن التخزين . ممكن البعض منكم يعرفو الحيلة هذي لكن دائما هناك مبتدئين إلى اللقاء في أفكار أخرى .
آخر تعديل إلهام07 2013-06-12 في 12:05.
|
||||
2013-06-09, 14:25 | رقم المشاركة : 2 | |||
|
جزاك الله خيرا |
|||
2013-06-09, 14:29 | رقم المشاركة : 3 | |||
|
يعطيك الصحة الهام على الوصفة |
|||
2013-06-09, 14:40 | رقم المشاركة : 4 | |||
|
الله الله عليك يا ام الافكار حتى المرقاز ولى مخادع ههههههه يعطيك الصحة على الفكرة الجديدة ربي يرزقك ماتتمناي |
|||
2013-06-09, 14:31 | رقم المشاركة : 5 | |||
|
يعطك الصحة روعة كما انت ربي يعطك ماتتمني |
|||
2013-06-09, 14:36 | رقم المشاركة : 6 | |||
|
لي عودة للموضوع |
|||
2013-06-09, 14:38 | رقم المشاركة : 7 | |||
|
يعطيك الصحة يالعمرية الحرة فكرة هايلة في انتظار جديدك |
|||
2013-06-09, 14:40 | رقم المشاركة : 8 | |||
|
يعطيك الصحة لهوومة راكي فووووووور |
|||
2013-06-09, 14:41 | رقم المشاركة : 9 | |||
|
سلام شكرا الهام على المعلومة الله يمتعك بصحة البدن ويرزقك الزوج الصالح ماهى الترت الاخيرة وممكن تشرحى طريقة البيتزا بالكمبار وشكرا |
|||
2013-06-09, 14:51 | رقم المشاركة : 10 | |||
|
يعطيك الصحة يا ام الافكاران شاء الله نجربو هدا اللحم المرحي المجمد يتباع عند الجزارة كانل ولا كاين واحد سبيسيال باه نوصي الراجل يشريهلي |
|||
2013-06-09, 14:56 | رقم المشاركة : 11 | |||||||
|
آمين ، شكرا
اقتباس:
الله يسلنك ، شكرا على الدعوة حبيبتي اقتباس:
شكرا حبيبتي هذا من ذوقك اقتباس:
اقتباس:
1- التارت راهي في تطبيقاتي الموضوع نتاع 30 تطبيق ، درت وصفة جينواز أم رامي نتاع جينواز النيستلي بصح طيبتها في بلاطو 25سم * 33سم ومن بعد سقيتها وقسمتها على 2 ودرت فوق قطعة منهم المعجون نتاع الفراز وحطيت النصف الآخر فوقها ومن فوق شوية معجون وزينت بالشانتيي . 2- البيتزا : العجين وصفة العجين السحرية نتاع أم كوثر ، كل قرصة ندير 2 كيسان ماشي معمرين مليح فرينة نحي أقل من نصف العجين نحلو طويل كيما حبل ونحط فيه قطع الجبن مستطيلة ونغلق ونقص ونغلق الجوانب على شكل تمرات ونحل النصف الآخر نتاع العجين وندهن الصينية نتاع البيتزا ونحط القرصة ( نهزها بالرولو باش تبقى مدورة ) ونحط فوقها الصلصة حتى الحاشية باش كي نحط تمرات نتاع العجين يلصقو ونصفف هذوك القطع بشكل مائل ونخلي فراغات لاخاطر يطلعو يلصقو ونحط في الوسط زيتون أخضر شرائح ومعدنوس مقطع ومرقاز مخادع وجبن كامومبير وشوية كرام فراش نتاع العلب ( نتاع بلادنا ) وكي طيب من تحت نجبجها نرابي فوقها شيدار ونشعل من فوق تحمار وخلاص |
|||||||
2013-06-09, 15:09 | رقم المشاركة : 12 | ||||
|
اقتباس:
بصح عن خبرة جربت كل شيء مجمد تقريبا فيهم غير اللحم المفروم بصح لازم داويه مليح باش يجي بنين و2 أنواع نتاع سمك فقط ، الباقي والله غير خاطي خسارة دراهم فيهم ، مافيهم حتى طعم حاشى النعمة يعيفو |
||||
2013-06-09, 15:18 | رقم المشاركة : 13 | |||
|
|
|||
2013-06-09, 16:27 | رقم المشاركة : 14 | |||
|
يعطيك الصحة حبيبتي وربي يحفظك من كل سوء |
|||
2013-06-09, 16:44 | رقم المشاركة : 15 | |||
|
ربي يجازيك يا عبقورة المنتدى |
|||
الكلمات الدلالية (Tags) |
لذيذة, معجنات, المخادع, بالمرقاز, وأطباق |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc