لي بونبون بعجينة الفيلو ..من مطبخ أم كوثر

[*أم كوثر*]

السلام على الغوالي
اليوم نقدم لكم حلوة فاخرة ومنظرها شباب
تصلح للاعراس
بعجينة الفيلو

العجينة قدمتها اكتر من مرة
4كيلات فرينة
نصف كيلة سمن دايب وبارد
قرصة ملح
ماء ومازهر للم العجين
نخليها ترتاح ساعة
نقسمها الى 9 كرات صغار
ونفردهم بواسطة النشاء فوق بعض ومن بعد نرققهم حتى نتحصل على عجينة رقيقة سمك 3 ملم تقريبا
نقطعها مستطيلات
حسب طول وعرض الحبة لي حابينها
الحشو
هنا استعملت
جوز
3 كيلات جوز
كيلة الا شوية شكر
رشة قرفة
مغرف صغيرة زبدة
ونلما بماء زهر
نضع مستطيل العجين
ونحط على جنابو ليزاتاش



لي يربطوا بيهم الحلوة
نحط كرة من الحشو في الوسط
ونربط



ندهنها من فوق بسمن دايب ونطيبها ومن بعد نعسلها وتقدم


















ان شاءالله نكون افدتكم

[oum anas 69]

ما شاء الله أول رد لأحلى مشرفة و أحلى صحن بونبون لأحلى عضوة هههههههه أني ديتو

[إلهام07]

أم أنس هاذي لعبوها بكري ، أرجعي هنا رجعي الصحن ، أنا اللي طلبت الوصفة منذ مدة وانا أصر على أم كوثر وهبلتها بالرسائل مسكينة

أم كوثر ربي يعيشك حبيبتي والله ماحطيتها ساهلة هكذا ، شكرا رايحة نبدا نجرب وصفات حلويا ابتداء من الأسبوع القادم لا سهل ربي ، بصح صراحة شريت كاوكاو وقلت نتعلم بيه ومن بعد كي نحترف نطبق بالجوز واللوز كيما أنت ، أصلا ماما كون تفيق بيا واش نقلك راني شريت الطابع المربع باش ندير هذاك الشكل اللي في الصحن وفاتح فمو هههه وشريت الكاوكاو وخبيتو على ماما مع الطوابع ، كل خميش نشري شوية حوايج ونخبيهم باش كي نجي نطبق تلقى عندي المستلزمات

حاجة أخيرة برك ، ماقلتيلناش الطياب كيفاه ، في الوسط أو في الأعلى ودرجة الحرارة والمدة ؟ نخاف تكون حساسة وتفسدلي عمري لادرت لابات فيلو
جعلها الله في ميزان حسناتك وراني نستنى في السويسرول وبإذن الله كي نتزوج وندير الحلويات لشيبوخي نقلو راهي أم كوثر هي اللي علمتهملي

[ام ساجد]

يعطيك الصحة ام كوثر كل الاشكال هايلة ولون العجين يهبل تقول ماشي شاعلة عليها النار خلاص
يعطيك الصحة 44444444444444444
ام كوثر نقدر نستعمل الزبدة في بلاصة السمن

[ام بسومة]

ماشاء الله اختي ام كوثر راكي فوووووور
حبيت نعرف العجينة كيفاش تكوون طرية ولا ياسسة
وهل تعجنيها بزاف يعني تدي دليك

[نسائم الصباح]

رائعة ام كوثر .خاصتا شكل البونبون .أنا جربة هذه العجينة في البقلاوة جات تحفه .ربي يحفظك ويسلم إديك يالغالية


هذه نقدروا نحطوها مع القازوز ولا لالا وواش تقترحيلي نحط مع القازوز في العرس .

شكرا حبيبتي

[ام مهدي2010]

المشاركة الأصلية كتبت بواسطة نسائم الصباح

رائعة ام كوثر .خاصتا شكل البونبون .أنا جربة هذه العجينة في البقلاوة جات تحفه .ربي يحفظك ويسلم إديك يالغالية


هذه نقدروا نحطوها مع القازوز ولا لالا وواش تقترحيلي نحط مع القازوز في العرس .

شكرا حبيبتي

عامة يقدموها مع لاتاي

[نسيم التفائل]

[غزة في عيوني]

الله يعطيك الصحة يا ام كوثر هذا القاطو تحفة انا كون ما نحرقش القاطو كيفاش طيبتيه

[amoulette]

اشكال جميلة
بصح راهم يبانو خضرين ومشي طايبين !! ولا هوما يجو هاكا ؟؟

[rofia.sarah]

هايلين بصح كيفاش يطيبو

[أمـــــــــــــــيرة]

السّلام عليكم

راااااائع

و

الأشكال هااااايلين

بارك الله فيك

[ام سارة 285]

يعطيك الصحة ام كوثر راهي الوصفة عندي بزاف و انا نحوس عليها و هاذوك اللي في الوسط هي وصفة الشاميات او لا شكرا الف شكر

[lyna2007]

بارك الله فيك

[*بيتي مملكتي*]

يميم أم كوثر رووووووووووعة تحفتينا اليوم

يعطيك الصحة