جينواز بكريمة الزبدة هايلة للاخت ام رامي تفضلوااا

oum ayyoub · 2013-04-16, 22:30

هادي الكيكة درتها بالفواكه و الشانتيي و كريمة الزبدة بنينة بزااف كانوا جايين عندي حباباتي درتهالهم عجبتهم بزااف نتمنى تجربوها و تجربو كريمة الزبدة تاع الاخت ام رامي راهي ساهلة و ناجحة و بنينة الله يبارك

بالنسبة للجينواز المول 26 سم
6 حبات بيض
150 غ سكر
150 غ فرينة
7ملل حليب
كيسان لافاني
كيس خميرة كيمياوية
ملاحظة كل حبة بيض معاها 25 غ سكر و 25 غ فرينة كلام استاذة الحلويات في مركز التكوين المهمني تاع بسطاعلي في العاصمة
للتزيين
موز فراولة و كيوي ديرو واش تحبو
لاشانتيي
الاخت ام رامي الله يعطيها الصحة راهي شارحا بالصور لتحضير الشانتيي https://www.djelfa.info/vb/showthread.php?t=1196593
و كريمة الزبدة رابط الاخت ام رامي
https://www.djelfa.info/vb/showthread.php?t=1000050
كاوكاو مطحون خشين

للسيرو

كاس كبير من الماء
ملعقتان كبيرتان من عصير الليمون او اي عصير فاكهة
كاس شاي من السكر
كيسان من الفانيلا
نغلي الماء في كاسرونة نضيف عصير الليمون ، السكر، الفانيلا نحرك باستمرار لمدة 5 دقائق و نزيل من فوق النار ندعه يبرد
ادا الكيك للي عملتوه كبير ما عليكم الا ان تضاعفو كمية السيرو

طريقة التحضير
في اناء ضعي صفار البيض اخلطي جيدا مع السكر و لافاني حتى يبياض الخليط اضيفي الفرينة غير بشوية على ثلاث مرات و عندما يصبح الخليط صعب بالخلط او ثقيل نوعا ما اضيفي الحليب و اخلطي جيدا

في اناء اخر اخفقي بياض البيض جيدا حتى يصبح كالثلج اما الطريقة للي راني نستعملها الان هي خفق البيض كاملا مع السكر لمدة 10 دقائق مع بعد اضيفي المقادير الاخرى و لاجينواز تجي هايلة تاني بهده الطريقة
ثم ضعي هذا الاخير في الاناء الاول على عدة مرات و خلطي غير بشوية من التحت لفوق

ضعي هذا الخليط في صينية مدهونة و مرشوشة بالفرينة و ادخليها الى الفرن المسخن 180 درجة من 20 الى 25 دقيقة

بالنسبة للتزيين كل واحد و ذوقو انا درت لاشانتيي و لكن تقدرو ديرو كريمة الزبدة كل واحد و ذوقوا

بعد الطهي و بعدما تبرد الكعكة قسميها على اثنين او ثلاث و بللي كل قطعة بالسيرو ثم ضعي لاشونتيي ثم الفواكه المقطعة الى قطع صغيرة ثم ضعي القطعة الثانية من لاجينواز المبللة ايضا بالسيرو و كل طبقة و ديريها كيما الاول
و في الاخير طليت كامل الكيكة كريمة الزبدة
و كل واحد يزين كيما يحب

بعد الطهي و بعدما تبرد الكعكة قسميها على اثنين او ثلاث و بللي كل قطعة بالسيرو ثم ضعي لاشونتيي ثم الفواكه المقطعة الى قطع صغيرة ثم ضعي القطعة الثانية من لاجينواز المبللة ايضا بالسيرو و كل طبقة و ديريها كيما الاول
و في الاخير طليت كامل الكيكة كريمة الزبدة
و كل واحد يزين كيما يحب

بالنسبة لكريمة الزبدة انا ضاعفت للمقادير كنت محتاجتها في وصفة اخرى

oum anas 69 · 2013-04-16, 23:05

ما شاء الله أم أيوب الكيكة تحفة من يديك عزيزتي و الفرازات زادو فيها النص يعطيك الصحة و بصحتكم و الله ماكاش قد صنعة اليد راكي تشوفو هنا واش غاليين لي تارت الرخيصة فيهم ب 30 أورو توكل 2 عباد و زيد يعمروها كحول و جيلاتين ربي يسترنا

oum ayyoub · 2013-04-16, 23:37

اقتباس:

المشاركة الأصلية كتبت بواسطة oum anas 69

ما شاء الله أم أيوب الكيكة تحفة من يديك عزيزتي و الفرازات زادو فيها النص يعطيك الصحة و بصحتكم و الله ماكاش قد صنعة اليد راكي تشوفو هنا واش غاليين لي تارت الرخيصة فيهم ب 30 أورو توكل 2 عباد و زيد يعمروها كحول و جيلاتين ربي يسترنا

الله يسلمك اختي العزيزة بارك الله فيك نورتي اختي كون كنت حدايا كون عرضتك معاهم منها تكسيرا و منها نعمرو كروشنا هههه صح اختي عندك الحق و ما نهدروش على النظافة في الحقيقة هنا مازال ما نوجد لا ذبانة و لا شعرة في الباتيسري و لكن في الجزاير وجدت بالرغم من اننا اشترينا من محل معروف و مخير في مستغانم حتى وليت نعيف باش نشري من برااا
خسارة اختي كون غير نفتحو محلات هناا هههه كون رانا نكوو شوياااا امزح فقط في المستقبل ان شاء الله اذا وليت ندير للناس نقص من السعر باش يجو كامل عندي ههههههههههههه الحيلة
بالنسبة للكحول هاكا و ينصحو و يقولو هادي ما تشروهاشش فيها كحول ربي يهديهم للاسلام و يثبتنا

sanax · 2013-04-16, 23:41

يعطيك الصحة إنشاء الله نجربها

oum ayyoub · 2013-04-17, 13:56

اقتباس:

المشاركة الأصلية كتبت بواسطة sanax

يعطيك الصحة إنشاء الله نجربها

بارك الله فيك اختي العزيزة جربيها و رديلي الخبر حتى زوجي قال لصحابو على هاد القاطو هو الافضل و عمرو ما ذاق كيما هاذا قلت قاع فرنسا و ما عمرتلوش عينيه

~~جوهر دعوة~~ · 2013-04-17, 00:01

مسكة رائعة ام ايوب كما قالت ام انس هنا تسخفي علي حاجة لازم تشمري علي يديك ماكاش حاجة بلا كحول ولا جلاتين حلي تبيعي وانا اول وحدة تجي نشري عليك هههههههههه بنين نظيف وموانشارمن عند حبيبة ولا واش قلت سلام ربي يهنيك*

oum ayyoub · 2013-04-17, 13:51

اقتباس:

المشاركة الأصلية كتبت بواسطة sousou batna

مسكة رائعة ام ايوب كما قالت ام انس هنا تسخفي علي حاجة لازم تشمري علي يديك ماكاش حاجة بلا كحول ولا جلاتين حلي تبيعي وانا اول وحدة تجي نشري عليك هههههههههه بنين نظيف وموانشارمن عند حبيبة ولا واش قلت سلام ربي يهنيك*

بارك الله فيك اختي سوسو الباتنية مرحبا بيكم الحمد راني لقيت اول مشترية هههههههههههههههههههههه ربي يهنيك نتي تاني اختي و يهني جميع المسلمين نورتي موضوعي الحبيبة