الهريسة الحارة الخضراء

[_ قطر الندى _]

اليوم درت هريسة لكن بلون جديد
هي معروفة بلونها الاحمر لكن اليوم بدلت جربتها بهذه الطريقة


المقادير
2 قرون فلفل اخضر حلو
+
5 قرون فلفل اخضر حار

غسلتهم و كيما راهم حطيتهم فالكسكاس يفوروا



كي يفوروا نحيلهم الغنابس وارحيوهم في الرحاية اليدوية



و ديرولها تفاتف و لي هوما:
5 فصوص ثوم مرحيين
+
1 م.ص كمون
+
1 م.ص ملح
+
1 م.ص فلفل اكحل
+
1 م.ص تابل و كروية
+
زيت
تخلطيهم و تحطيهم فوق النار



كي يتقلى شوية نضيفوه للفلفل لي رحيناه

و نخليه فوق النار على نار دافية حتى تولي تبقبق و تصفي الزيت
و هاي كيفاه تجي



صدقوني تجي كيما الهريسة العادية مبدل غير اللون

ان شاء الله تعجبكم

ملاحظة: انا نحب الحار بزاف لي ما يحبش الحار يعكس الوصفة يدير 5 فلفل حلو و 2 فلفل حار الكيلة في يديكم

[mounia hse]

يعطيك الصحة

[_ قطر الندى _]

[هشام هشام الدين]

شكرا على الوصفة

[_ قطر الندى _]

[chiraz18]

[_ قطر الندى _]

avec plaisir

[أنواار الإيماان]

يعطيك الصحة

[_ قطر الندى _]

[fati 17]

والله غير باينة تشهي اكيد نجربها نموت على على الهريسة بكل الالوان

[_ قطر الندى _]

diriha w raj3ili kifah jatek

[ام عبيدة]

بارك الله فيك

[djihanegirl]

شكرا لكن هل يمكن الاستغناء عن الكروية أم لا

[_ قطر الندى _]

شكرا لكن هل يمكن الاستغناء عن الكروية أم لا

ايه تقدري تستغناي عليها و عوضيها بملعقة هريسة تاع برا

[djihanegirl]

على العموم نجربها ادا بغى ربي