مشاركتي في مسابقة شاف كوزينتناالطبعة الثانية (المقبلة ) (

كوزينة هديل · 2013-02-27, 16:03

بسم الله الرحمن الرحيم

1 مقادير العجينة

هناك عدة طرق لعجينة الكريب وكل واحدة وطريقتها لي تعتمد عليها وأنا الطريقة لي تعجبني وننجح فيها هي هاذي
ملاحظة هنا راني دوبليت المقادير نبداو

4 حبات بيض
500 غ فرينة
1 ل حليب
ملح حسب الرغبة

2 للحشو

نحتاج إلى :

مايوناز
أرز مفور
جزر طايب مقطع إلى قطع جد صغيرة
سلق طازج
سلطة الخص
باتي
طن
مايس
1 بيضة مغلية
زيتون

نخلطو جميع المقادير مع بعض بخلاط كهروبائي ونخلو العجينة ترتاح شوية

بعد ما ترتاح نقسموها على 3

1 نخلوها بيضا

1 خضراء بواسطة السلق

1 حمراء بواسطة شمندر

ونطيبوهم عادي

ونتحصل على الكريب

وهنا يبدا العمل والإجتهاد

نبداو بميلفاي الكريب

نجيبو حبة قريب حمرا وخضرا وبيضا ونطووها بهاذ الشكل ونقطعوها بهاذ الشكل

نجيب واحد نوريلكوم ولوخرين بنفس الطريقة

نضع طبقة تاع الكريب

طبقة طماطم ومعاها زيتون أسود

من بعد نزيد طبقة من الكريب ونزيد فوقها الجزر
ونغطيها بقطعة الكريب
كما في الصورة

وبنفس الطريقة كملت الثاني والثالث لكن بحشو مختلف

الثاني
درت طبقة من الأرز والزيتون وطبقة من الطماطم

الثالث
درت طبقة من السبانخ مع المايس وطبقة تاع تونة

كما في الصورة

وزينتهووم من فوق

الآن نجو للمروحة

نطويو حبة كريب على 2 w نلويوها كما في الصورة

درت الحواف بلمايونيز

وهادعيك المساحة لي بقات
1 واسيت فيها باتي مقطع إلى شرائح رقيقة وبياض بيضة مقطع إلى قطع صغيرة
و الاخرى قسمة هاذيك المساحة على 3 ودرت فيها سبانخ وجزر وطونة

وهاذي الصورة الأخيرة تاع ميلفاي الكريب والمروحة

والآن لحزيمات

في إناء نضع مايوناز وصفار البيض وطونة ومايس ونخلتها جيدا

نجيبو حبة كريب ونضع الحشو في الوسط ونشدها كيما لحزيما

والآن وأخيرا نجو لسوشي

نجيبو من كل لون حبة كريب ونضع وحدة فوق وحدة ونقطع مستطيل كيما ف صورة

نضع طبقة من الأرز مخلل شوية ونضيف فوقوا ورق الخص وفي الوسط نضع الباتي

ونروليواه ونضعه في بابي المنيوم ونخلوه يشد روحو

كي يشد روحوا نقطعوه ونحكموه باش ما يتحلش

وهاذي صورة الأخيرة لسوشي والحزيمات

وفي الأخير كامل مع بعض

سمحولي علابالي طولت عليكووم بزاف
وفي الأخير

نشكر لجنة التحكيم
و-
نقولكوم نتمنى لوكان جربوهو لخاطر جاو بزاف بنان

وإذا عجبكوم موضوعي اتمنى انكوم تصوتولي

faizarbh · 2013-02-27, 16:05

يعجز اللسان على التعبير نقرعج مليح و نرجعلك ههههههه

أنا أمهم · 2013-02-27, 16:09

ما شاء الله عليك يا هديل !!!!!!!!!!!!!

و الله هذا اللي كنا متوقعينو منكم : إبداع إبدااااااااااااااااااااااااااع من مكون بسيط

أفكار في القمة يا فنانة, تبارك الله

و بهذه الطريقة ......... في كل منزل جزائري : كرييييييييييييييييييييييييب ههههههههه

بالتوفيق يا هدييييييييييييييييييييييييييييييييييييييييييييل

faizarbh · 2013-02-27, 16:10

ما شاء الله تبارك الله ما عندي ما نقول شفتو واش يخرج من الكريب رووووووعة و اكثر من اللي كنت متوقعاتو يعطيك الصحة هدولة واااااااو
عن جد واااااااااااو

*أم كوثر* · 2013-02-27, 16:13

اقتباس:

المشاركة الأصلية كتبت بواسطة faizarbh

ما شاء الله تبارك الله ما عندي ما نقول شفتو واش يخرج من الكريب رووووووعة و اكثر من اللي كنت متوقعاتو يعطيك الصحة هدولة واااااااو
عن جد واااااااااااو

ههههههههههههه فيوووزة من الفرحة ولات تهدر لبنانية
الصح الصح
عنجد بيجننوا ههههههههه

faizarbh · 2013-02-27, 16:17

اقتباس:

المشاركة الأصلية كتبت بواسطة *أم كوثر*

ههههههههههههه فيوووزة من الفرحة ولات تهدر لبنانية
الصح الصح
عنجد بيجننوا ههههههههه

و لك بدي افرح و بدي جن و بدي زغرد ولووووووووو
هههههههههههههههههههههه

أنوثة شرقية · 2013-03-01, 00:02

تحففففففففففففففففففففة وابداع واكثر من الروعه اختي هديييييل

The Pink cloud · 2013-02-27, 16:33

rawwww3a
ya3tik saha

*أم كوثر* · 2013-02-27, 16:12

مممممممممممممممممممممممم ماشاء الله تبارك الله قتلتينا هههههههههههه
والديكور قالهم اسكتو
مش كما انا نصور من الطابلة ديراكت ههههههه
والله من كل قلبي نتمنى تكوني الشاف
عندك موهبة ماشاء الله
موفقة

أنا أمهم · 2013-02-27, 16:15

اقتباس:

المشاركة الأصلية كتبت بواسطة *أم كوثر*

مممممممممممممممممممممممم ماشاء الله تبارك الله قتلتينا هههههههههههه
والديكور قالهم اسكتو
مش كما انا نصور من الطابلة ديراكت ههههههه
والله من كل قلبي نتمنى تكوني الشاف
عندك موهبة ماشاء الله
موفقة

تحية كبييييييييييييييييييييييييييييرة على الروح الرياضية يا أم كوثر

و الله كل واحدة فيكم تستاهل تكون شاف , و بإمتياز !!!!!!!!!

مونيا غنية · 2013-02-27, 16:16

واااااااااو ابدعت . مشكورة و بالتوفيق .ما شاء الله

الكروان الجريح · 2013-02-27, 16:21

ما شاء الله تحفة تسلم يديك قمة الروعة الف شكر و ما زيد من الابداع و التالق

ام إثري · 2013-02-27, 16:26

يعطك الصحة
كامل ملاح وعجبتني اكثر فكرة السوشي لانو راح يكون اسهل كي تجي تهزيه مش كيما القلوب تبانلي تجي تهزيه يطيح كلش
المروحة شكلها روعة بصح لازمك موس وفرشيطة باه تاكليها

وعندي ملاحظة ثانية هدولة
كون ركزتي على شكل واحد يعني كون خيرتي السوشي ولا المروحة والا القلوب كان راح يكون احسن منظر المقبلة تاعك ويبان شكلها اجمل هكذا كثرتي الاشكال بزاف وبالتالي طبق بان مبالغ فيه بزاف

المهم يعطيك الصحة وموضوع متعوب عليه يستاهل التقييم
بانتظار باقي الامشتركات

وان شاء الله تتقبلي تدخلي بكل صدر رحب هدولة