كوني أنيقة

مرايا الطلاب · 2013-02-14, 19:07

ما هو مستحيل تكونى واجهه لايمانك
ويكون باين ف كل لبسك اهمالك؟

ابهرى كل العيون اللى تشوفك بجمالك
جمال محفوظ بتاج عالى هو حجابك

مادام ملابس رضاها ربك ورسولك
مش عيب تكون واجهه لاسلامك

خلى عيون كتير برؤيتها ليكى تتبدل افكارها

بأن الحجاب عمره ما كان قبر لجمالها

ولا انه شىء وراه ناس بتخبى فيه باطنها

ابهرى عيون قالت ان الحجاب محدود فى اختياراته
خليهم يحسوا ان التبرج هو اللى سجن بصفاته
وان عمر ما كان فيه راحه للى شافوا فيه ميزاته

حطى دايما ادامك
ان طاعه ربى ورسولى دول عنوانى
وان بكل ما فيا واجهه لايمانى

ايه رأيك حتى بملابسك تكونى داعيه؟
داعيه للعفه والطاعه
ونظافه فى المظهر
واناقه ف الجوهر

داعيه بكل ما فيكى
من قبل ما حتى تنطقى
مظهرك يكلم قبليكى

ملابس يبان طاعتك بيها
ومن بعدها يبان ذوئك فيها

اوعى تقولى هتحجب وخلاص ههمل
اوعى تقولى خلاص فى مظهرى مش هسأل

حفزى غيرك بأناقتك
خليهم يقولوا ان عمر ما ربنا اراد يدفن سعادتك

خليهم كل ما يشوفوكى يفكروا الف مره ف الحجاب
وان عمر ما اسلامك رادلك تهملى يوم ف جمالك
ولا عمر حرم ان يبان فى كل ما فيكى اهتمامك

بدعيلك زى ما كنتى فى الدنيا ل دينك صوره جميله وانيقه
يرزقك ربك بثياب سندس خضر واستبرق فى الجنه تنعمى بيها

واوعى تنسى
كونـــــــــــى انيقـــــــــه