بيسكوي رولي مميز من مطبخي

omhanine · 2012-10-30, 14:33

مساء الخير حبيباتي
الحقيقة ماعنديش غير صورة ليه لاني كنت وحدي و درتو لجارتي لكن المرة الجاية ان شاء الله نصورلكم المراحل بالتفصيل

المقادير
6 بيضات
175غ سكر
175غ فرينة
قرصة ملح
مفرفة صغيرة خميرة

الطريقة

افصلي الصفار على البياض ضربي البياض مليحو خليه بجيه
ضربي الصفار مع السكر و الفاني حتى يولي ابيض و زيديلو على مرة الفرينة مع الخميرة و ضربي حطي الباتور و كملي بالسباتول ضيفي البياض تدريجيا و انت تقلبي حتى تكملي الكمية

نحي شوية مالخليط و حطيه في طبسي زيديلو ملون قاتم باه يبان مليح انا عجبني الاحمر ديري الخليط الاحمر في لابوش ادوي
في بلاطو حطي بابيي المنيوم و ديريلو الوبدة و رشيه بالفرينة باهما تلصقش خلاص لانها لازم تحتفض بالطبقة الفوقانبة

ارسمي بلابوش اشكال اللي حبيتي و فرغي الخليط الابيض فوقهم سطحيه مليح وحطيه فالفور راه ما يطولش فالطياب

كي يخرج ديري فيه الكونفيتور و روليه طول ماهوش رايح يتكسر خاطر فيه الخميرة

و هاذا هو الشكل اللي تحصلت عليه ما يحتاج حتى زيادات

اذا عجبكم الموضوع ما تنساوش التقييم

ninafret · 2012-10-30, 14:35

اممممممممممممممممم روعة وفكرة الرسومات جديدة علينا يعطيك الصحة اختي على الابداع وتستاهلي التقييم

ninafret · 2012-10-30, 14:37

وحقا ماقتلكش لوكان ماكتبتيش طريقة عمل الخطوط الحمراء نقعد عام وانا نخمم فيها ومانلقاهاش ههههههههههه
شكرا اختي العزيزة على الوصفة والطريقة

omhanine · 2012-10-30, 14:43

اقتباس:

المشاركة الأصلية كتبت بواسطة ninafret

وحقا ماقتلكش لوكان ماكتبتيش طريقة عمل الخطوط الحمراء نقعد عام وانا نخمم فيها ومانلقاهاش ههههههههههه
شكرا اختي العزيزة على الوصفة والطريقة

ههههههههههههه ربي يخليك اختي على الرد العسل و التقييم جربيها اللي يشوفها يحير كيفاه درتيها انا درتها لجارتي بعثتهالها مع بنتها غير لحقت عيطتلي قاتلي كيفاه درتي الرسمات فوقها

ninafret · 2012-10-30, 14:58

اقتباس:

المشاركة الأصلية كتبت بواسطة omhanine

ههههههههههههه ربي يخليك اختي على الرد العسل و التقييم جربيها اللي يشوفها يحير كيفاه درتيها انا درتها لجارتي بعثتهالها مع بنتها غير لحقت عيطتلي قاتلي كيفاه درتي الرسمات فوقها

خسارة مانيش جارتك انا لوكان بعثتيهالي ماكان لاه نعيطلك في التيليفون نجيك على طول
ههههههههههههههههههههههههه